InfoHub Logo

قازاقستاندا ساتىلىمعا قويىلعان ەرەكشە كولىك — 1993 جىلعى Mercedes-Benz 600 SEL GUARD B7 — ءبىراز ۋاقىتتان بەرى نازاردان تۇسكەن ەمەس. ەل اراسىندا بۇل اۆتوكولىك تۇڭعىش پرەزيدەنت نۇرسۇلتان نازاربايەۆقا تيەسىلى دەگەن اقپارات تاراعان. دەگەنمەن، مۇنى ناقتىلايتىن رەسمي قۇجات ءالى ۇسىنىلمادى.

Kolesa.kz سايتىندا بىرنەشە جىل قاتارىنان جاريا تۇرعان كولىكتىڭ باعاسى تۇراقسىز: 222 ملن تەڭگە شاماسىندا تۇرعانىمەن، كەي كەزدەرى 200 ملن تەڭگەگە دەيىن تۇسكەنى بايقالعان. سالىستىرۋ ءۇشىن ايتساق، ءدال وسىنداي مودەلدەگى باسقا ماشينالاردان بۇل باعا شامامەن 6 674% قىمبات.

كولىك Sonderschutz B7 دەڭگەيىندە قورعالعان، ياعني ول – وق وتپەيتىن، جارىلىسقا ءتوزىمدى ارنايى ۇلگى. سوندىقتان دا كولىك تەك سيرەك كەزدەسەتىن كوللەكسيالىق زات قانا ەمەس، ناقتى ءبىر تاريحي كەزەڭنىڭ بەلگىسىندەي قابىلدانادى.

الايدا، باعانىڭ تىم جوعارى بولۋى بۇل "اڭىزعا اينالعان" Mercedesء-تىڭ جاڭا يەسىن تابۋىنا كەدەرگى كەلتىرىپ تۇرعانداي.