InfoHub Logo

1930 جىلى 4 ساۋىردە كەڭەس وكىمەتىنىڭ ەڭ قاتىگەز رەپرەسسيۆتىك قۇرىلىمدارىنىڭ ءبىرى – كسرو حالىق كوميسسارلار كەڭەسى جانىنداعى بىرىككەن مەملەكەتتىك ساياسي باسقارما (وگپۋ) «ۇشتىگىنىڭ» شەشىمىمەن ۇلت زيالىسى احمەت بايتۇرسىن ۇلى مەن ونىڭ سەرىكتەرىنە ۇكىم شىعارىلدى. قازاقتىڭ رۋحاني كوسەمى سانالاتىن قايراتكەر باستاعان 40-قا جۋىق ادامعا «كونترريەۆوليۋسيالىق ارەكەت» دەگەن جەلەۋمەن ءتۇرلى جازا قولدانىلدى: ءبىرقاتارى اتۋ جازاسىنا كەسىلدى، ال قالعاندارى ۇزاق مەرزىمگە سوتتالىپ، جەر اۋدارىلدى.

احمەت بايتۇرسىن ۇلى – قازاق ءتىل ءبىلىمى مەن ادەبيەتتانۋ عىلىمىنىڭ نەگىزىن قالاعان، ۇلت ساناسىن وياتقان تۇلعا. ونىڭ اعارتۋشىلىق، عىلىمي، قوعامدىق-ساياسي قىزمەتى قازاق حالقىنىڭ ۇلت رەتىندە قالىپتاسۋىنا ۇلكەن ىقپال ەتتى. الايدا كەڭەستىك بيلىك ونى «ۇلتشىل»، «بۋرجۋازيانىڭ سويىلىن سوعۋشى» دەپ ايىپتاپ، جازىقسىز قۋدالادى. 1937 جىلى قايتا تۇتقىندالىپ، سول جىلدىڭ كۇزىندە – 8 جەلتوقساندا ماسكەۋدە اتۋ جازاسىنا كەسىلدى.

بۇگىنگى كۇن – الاش ارىستارىنىڭ ارمانى مەن جانكەشتى ەڭبەگىن ەسكە الاتىن، حالقىمىزدىڭ باسىنان وتكەن زۇلماتتى جىلداردى ۇمىتپاي، ۇرپاققا ساباق ەتەتىن تاريحي ءسات.