يۋتۋب جەلىسىنەن سكرين
نازاربايەۆتىڭ قارىنداسى قاتىسى بار كومپانيانىڭ ءىسى بويىنشا سوت ۇكىمى شىقتى
"Group of the Companies TDA" ج ش س مەن وعان بايلانىسى بار تۇلعالارعا قاتىستى سوت شەشىمى شىقتى. كومپانيا قىتايدان 100-دەن استام كونتەينەردى كونتراباندالىق جولمەن الىپ كىرىپ، جالعان شوت-فاكتۋرالار ارقىلى 10 ملرد تەڭگە كولەمىندە مەملەكەتكە زالال كەلتىرگەن.
قارجى مونيتورينگ اگەنتتىگىنىڭ مالىمەتىنشە، تەرگەۋ كەزىندە 643 ملن تەڭگە بيۋدجەتكە قايتارىلدى. سوت شەشىمىمەن 1،3 ملرد تەڭگەنىڭ تاۋارىنا جانە 300 ملن تەڭگە تۇراتىن مۇلىككە تىيىم سالىندى. ىسپەن بايلانىسى بار 47 سەرىكتەس كومپانيا 240 ملن تەڭگە سالىق تولەپ، ەسەپ ايىرىسۋدى توقتاتتى.
المالى اۋداندىق سوتىنىڭ ۇكىمىمەن كىنالىلەر 1 جىل 4 ايدان 4 جىل 6 ايعا دەيىن باس بوستاندىعىنان ايىرىلدى. ءبىر ادامعا حالىقارالىق ىزدەۋ جاريالاندى.
اشىق دەرەككوزدەردە TDA قۇرىلتايشىلارىنىڭ ءبىرى — ەكس-پرەزيدەنت نۇرسۇلتان نازاربايەۆتىڭ قارىنداسى ءانيپا نازاربايەۆا ەكەنى كورسەتىلگەن.
You Might Also Like
-
سىبايلاس جەمقورلىققا قارسى ۇلتتىق بيۋرونىڭ ەكس-باسشىسى ازاپتاۋ فاكتىسى بويىنشا ۇستالدى
-
قازاقستاندا ەڭبەك كىتاپشاسى مىندەتتى قۇجاتتار تىزىمىنەن الىنىپ تاستالدى
