توقايەۆ دارىگەرلەرگە كۇش قولدانعانداردى قاتاڭ جازالاۋدى تاپسىردى
توقايەۆ دارىگەرلەرگە كۇش قولدانعانداردى قاتاڭ جازالاۋدى تاپسىردى
پرەزيدەنت قاسىم-جومارت توقايەۆ مەديسينا قىزمەتكەرلەرىنە كۇش كورسەتۋ فاكتىلەرىنە بايلانىستى جازانى قاتاڭداتۋدى تاپسىردى. بۇل تۋرالى مەملەكەت باسشىسىنىڭ كەڭەسشىسى ءارى باسپا ءسوز حاتشىسى رۋسلان جەلدىباي مالىمدەدى، دەپ حابارلايدى "ادىرنا" ۇلتتىق پورتالى.
«پرەزيدەنت پارلامەنت دەپۋتاتتارى، مەديسينا سالاسىنىڭ وكىلدەرى مەن بەلسەندى ازاماتتاردىڭ دارىگەرلەرگە كۇش كورسەتۋ جانە قاتىگەزدىك تانىتقاندارعا قاتىستى جازانى كۇشەيتۋ جونىندەگى ۇسىنىستارىن قولدايدى. وسىعان بايلانىستى مەملەكەت باسشىسى ۇكىمەتكە زاڭناماعا وزگەرىستەر مەن تولىقتىرۋلار ەنگىزۋدى تاپسىردى. بۇل وزگەرىستەر ازاماتتىق قوعام وكىلدەرىنىڭ قاتىسۋىمەن پارلامەنتتە تالقىلاناتىن بولادى»، – دەدى رۋسلان جەلدىباي.
مۇنداي شەشىمگە سەبەپ بولعان جايت – قاراعاندى قالاسىنداعى جەكەمەنشىك كلينيكادا ناۋقاستىڭ دارىگەرگە قول جۇمساعانى. وقيعا مەديسينالىق مەكەمەدە بولعان جانە بەينەجازباسى الەۋمەتتىك جەلىدە كەڭ تاراپ، قوعامنىڭ نارازىلىعىن تۋعىزعان ەدى.
قوعامدا رەزونانس تۋدىرعان بۇل وقيعا مەديسينالىق قىزمەتكەرلەردىڭ قاۋىپسىزدىگىن كۇشەيتۋ قاجەتتىگىن تاعى ءبىر مارتە كورسەتىپ وتىر.
You Might Also Like
-
ماڭعىستاۋ وبلىسىندا ادام شوشىرلىق جاعداي بولدى. 10 مامىر كۇنى مۇنايلى اۋدانىندا تويدان كەيىنگى باسقوسۋ كىسى ولىمىمەن اياقتالدى. سىنىپتاسىنىڭ قىزىن ۇزاتقان جاندوس وتەمۇراتوۆ تويدان كەيىن دوستارىمەن ب...
-
ەۆروپا وداعىنىڭ 18ء-شى سانكسيالار پاكەتى رەسمي تۇردە بەكىتىلمەدى – بۇل جولى دا سلوۆاكيا ءالى كۇنگە دەيىن ۆەتو قويۋدا. 9 شىلدەدە EU ەلشىلەر كوميتەتىنىڭ (Coreper) جيىنىندا پاكەتتىڭ ماقۇلدانباعانى حابارل...
