نەكەگە تۇرۋعا ماجبۇرلەگەنى ءۇشىن قىلمىستىق جاۋاپكەرشىلىك ەنگىزىلەدى
قىلمىستىق، قىلمىستىق-پروسەستىك جانە قىلمىستىق-اتقارۋ كودەكستەرىن وڭتايلاندىرۋ ماسەلەلەرى بويىنشا تۇزەتۋلەردى قاراۋ بارىسىندا دەپۋتاتتار قىلمىستىق كودەكستى «نەكە قيۋعا ماجبۇرلەۋ» دەگەن جاڭا 125-1 باپپەن تولىقتىرۋدى ۇسىندى.
ەندى ءماجبۇرلى نەكە ءۇشىن ايىپپۇل، تۇزەۋ جۇمىستارى، باس بوستاندىعىن شەكتەۋ جانە ەكى جىلعا دەيىن باس بوستاندىعىنان ايىرۋ جازاسى قاراستىرىلادى. ەگەر بۇل ارەكەت كامەلەتكە تولماعان ادامعا جاسالسا، ادامدار توبىنىڭ كۇش قولدانۋى نەمەسە قىزمەتتىك بابىن اسىرا پايدالانۋمەن بايلانىستى بولسا، وندا باس بوستاندىعىنان ايىرۋ مەرزىمى ءۇش جىلدان جەتى جىلعا دەيىن ۇزارادى. ال اۋىر زارداپتار ورىن السا، بەس جىلدان ون جىلعا دەيىنگى مەرزىمگە باس بوستاندىعىنان ايىرۋ جازاسى قولدانىلادى.
سونىمەن قاتار ۇكىمەتتىڭ ۇسىنىسى بويىنشا ادامدى ۇرلاعان تۇلعا ونى ءوز ەركىمەن بوساتسا دا، ونىڭ ارەكەتىندە باسقا قىلمىس قۇرامى بولماسا دا، قىلمىستىق جاۋاپكەرشىلىكتەن بوساتىلمايدى.
You Might Also Like
-
بەلگىلى جۋرناليست، «Qazsport» تەلەارناسىنىڭ تۇڭعىش ديرەكتورى دياس احمەتشارىپ قايتىس بولدى. قارالى حاباردى «Qazaqstan» ۇلتتىق ارناسى تاراتتى، دەپ حابارلايدى «ادىرنا».
-
مەملەكەت باسشىسى قاسىم-جومارت توقايەۆ الماتى قالاسىنىڭ جاڭادان تاعايىندالعان اكىمى دارحان ساتىبالدىنى قابىلدادى. كەزدەسۋدە قالا باسشىسى الداعى جۇمىس جوسپارى، اتاپ ايتقاندا الەۋمەتتىك-ەكونوميكالىق دا...
