InfoHub Logo

قازاقستان قازىرگى تاڭدا كوپتەگەن جاڭا جوعارى وقۋ ورىندارى دامىپ كەلە جاتقان، جاڭا ماماندىقتارعا قاجەتتىلىك تۋىنداپ كەلە جاتقان مەملەكەت. مەندە ەلىمىزدىڭ بارلىق جوعارى وقۋ ورىندارىن تالداپ، سارالاپ كوردىم، تاڭداۋىم ءال-فارابي اتىنداعى قازاق ۇلتتىق ۋنيۆەرسيتەتى بولدى. بۇل جوعارى وقۋ ورنى وقۋ-عىلىم جۇمىسىنداعى كوپ جىلدىق تاجىريبەگە باي. ءال-فارابي اتىنداعى      قازۇۋ – قازاقستان ۋنيۆەرسيتەتتەرىنىڭ جالپى رەيتينگىسىنىڭ كوشباسشىسى، ەل تاريحىنداعى تۇڭعىش قازاقستان رەسپۋبليكاسى پرەزيدەنتىنىڭ «ساپا سالاسىنداعى جەتىستىكتەرى ءۇشىن» سىيلىعىنىڭ يەگەرى، دوستاستىق ەلدەرىنىڭ جەڭىمپازى. Uacquarelli Symonds (QS) بەدەلدى حالىقارالىق رەيتينگتىك اگەنتتىگى جۇرگىزگەن تاۋەلسىز باعالاۋ قورىتىندىسى بويىنشا ءال-فارابي اتىنداعى قازاق ۇلتتىق ۋنيۆەرسيتەتى جوعارى باعا الىپ، «QS Stars Rating System» حالىقارالىق رەيتينگىسىندە «بەس جۇلدىز» جوعارى ماراپاتىنا يە بولدى. قازۇۋ – «بەس جۇلدىز» ماراپاتىنا يە بولعان ورتالىق ازيا ايماعىنداعى العاشقى جانە جالعىز جوعارى وقۋ ورنى. سونىمەن قاتار ۋنيۆەرسيتەت تۇلەكتەردى جۇمىسپەن قامتۋ رەيتينگىسىندە 500 جوو ىشىنەن 251 ورىنعا يە بولعان ورتالىق ازياداعى العاشقى ۋنيۆەرسيتەت اتاندى. رەيتينگ جۇمىس بەرۋشىلەردىڭ ستۋدەنتتەرمەن ءوزارا ءىس-قيمىلىن ۇيىمداستىرۋ جانە بىتىرگەننەن كەيىن جۇمىسقا ورنالاسۋى، جۇمىس بەرۋشىلەر اراسىندا بەدەلى، تۇلەكتەردىڭ كاسىبي جەتىستىكتەرى، جۇمىس بەرۋشىلەرمەن سەرىكتەستىك سىندى باعالاۋ كريتەرييلەرى نەگىزىندە قۇراستىرىلدى. بۇل جوعارى ناتيجە قازۇۋ-دىڭ جۇمىس بەرۋشىلەرمەن تىعىز بايلانىسى بار ەكەنىن جانە كوپتەگەن جوو تۇلەكتەرىنىڭ ەلدىڭ ۇزدىك كومپانيالارىندا جانە ودان تىس جەرلەردە تابىستى جۇمىس اتقاراتىنىن راستايدى.

جوعارى بىلىكتى مامانداردى دايارلاۋعا الەمدىك ءبىلىم كەڭىستىگىنە ودان ءارى كىرىگۋگە، ىرگەلى جانە قولدانبالى زەرتتەۋلەردى دامىتۋعا، ۋنيۆەرسيتەتتىڭ وراسان زور ءبىلىم بەرۋ، عىلىمي، رۋحاني-اعارتۋشىلىق، يننوۆاسيالىق الەۋەتى بار. قازۇۋ سانالى ءبىلىم الۋعا جانە ءوز سالاسىندا كاسىپقوي بولۋعا مۇمكىندىك بەرەدى. سونىمەن قاتار ۋنيۆەرسيتەتتىڭ تولىققاندى اكادەميالىق ەمەس ءومىرى دە بار. قازۇۋ-دا كوركەمدىك قىزىعۋشىلىقتان باستاپ عىلىمي جوبالار جاساۋعا دەيىن ءارتۇرلى تاقىرىپتىق باعىتتارمەن اينالىساتىن بىرنەشە ستۋدەنتتىك ۇيىمدار بار. ءاربىر ۇيىمنىڭ وزىندىك شىعارماشىلىق اتموسفەراسى بار. ولارعا قوسىلۋ ارقىلى ءسىز كوپتەگەن جاڭا تانىستار، ەموسيالار جانە ارينە، جاڭا ءبىلىم، جاڭا ورتا تابا الاسىز.

سادىربەك دينارا ءال-فارابي اتىنداعى قازۇۋ 1-كۋرس ماگيسترانتى
قۇرمانالييەۆا اينۇر، عىلىمي جەتەكشى، فيلوسوفيا ع.د.، پروفەسسور

 

---