InfoHub Logo

يزرايل پرەمەر-مينيسترىنىڭ كەڭسەسى الەۋمەتتىك جەلىدە تاراعان بينيامين نەتانياحۋدىڭ قازا تاپقانى تۋرالى اقپاراتتى جوققا شىعاردى. بۇل تۋرالى تۇركيانىڭ Anadolu اگەنتتىگىنە بەرگەن تۇسىنىكتەمەدە اتالعان مالىمەتتەردىڭ "جالعان جاڭالىق" ەكەنى ايتىلىپ، پرەمەر-مينيستردىڭ جاعدايى جاقسى ەكەنى حابارلانعان.

بۇل تۋرالى Infohub.kz اقپارات اگەنتتىگى حابارلايدى.

Deccan Chronicle باسىلىمىنىڭ جازۋىنشا، نەتانياحۋدىڭ قازا تاپقانى تۋرالى قاۋەسەت تاياۋ شىعىستاعى شيەلەنىستىڭ كۇشەيۋى اياسىندا تاراي باستاعان. اسىرەسە اقش پەن ءيزرايلدىڭ يران اۋماعىنا جاساعان سوققىلارىنان كەيىن الەۋمەتتىك جەلىدە ءتۇرلى راستالماعان مالىمەتتەر كوبەيگەن. كەيبىر جازبالاردا يزرايل پرەمەر-مينيسترى ءولدى نەمەسە جوعالىپ كەتتى دەگەن بولجامدار ايتىلعان.

ۆيدەوداعى ءساتسىز كادر نەمەسە ۆيزۋالدىق بۇرمالانۋ

بۇل اڭگىمەلەر 13 ناۋرىز كۇنى نەتانياحۋدىڭ X الەۋمەتتىك جەلىسىندەگى رەسمي پاراقشاسىندا جاريالانعان ۆيدەوۇندەۋىنەن كەيىن ودان ءارى كۇشەيە ءتۇستى. كەيبىر قولدانۋشىلار ۆيدەودان الىنعان ءبىر كادردا پرەمەر-مينيستردىڭ وڭ قولىندا التى ساۋساق بار سياقتى كورىنەتىنىن ايتىپ، بۇل بەينە جاساندى ينتەللەكت كومەگىمەن جاسالعان بولۋى مۇمكىن دەگەن بولجام تاراتقان.

الايدا ساراپشىلار مۇنداي كورىنىس ۆيدەوداعى ءساتسىز تاڭدالعان كادر نەمەسە ۆيزۋالدىق بۇرمالانۋ سالدارىنان پايدا بولۋى مۇمكىن ەكەنىن ايتادى. ياعني بۇل جاعداي بەينەنىڭ جاساندى ينتەللەكت ارقىلى وڭدەلگەنىن دالەلدەمەيدى.

يران تاراپىنىڭ مالىمدەمەسى

بۇعان دەيىن يراننىڭ يسلام ريەۆوليۋسياسى ساقشىلارى كورپۋسى (كسير) نەتانياحۋدىڭ تاعدىرى بەلگىسىز ەكەنىن مالىمدەپ، ونىڭ "قازا تاپقان بولۋى نەمەسە وتباسىمەن بىرگە وككۋپاسيالانعان اۋماقتاردان قاشىپ كەتكەن بولۋى مۇمكىن" دەگەن بولجام ايتقان ەدى. يزرايل بيلىگى بۇل اقپاراتتى شىندىققا جاناسپايدى دەپ مالىمدەدى.