Photo: Ayazhan (https://www.pexels.com/@ayazhan-3173683) / Pexels
"نيكاب كيگەندەر ماسەلەسى": بەتىن جاباتىندارعا جازا قولدانىلا باستادى
قوعامدىق ورىنداردا بەت-جۇزىن جاباتىن كيىمدەرگە قاتىستى جاڭا ەرەجەلەر كۇشىنە ەندى. ىشكى ىستەر مينيسترلىگىنىڭ وڭىرلىك باسقارمالارى نيكاب، بالاكلاۆا سياقتى كيىمدەرگە باقىلاۋدى كۇشەيتىپ، ولاردى مەديسينالىق سەبەپتەرسىز قولدانۋدى زاڭ بۇزۋشىلىق دەپ تانىدى.
بۇل وزگەرىستەر وتكەن جىلعى شىلدەدە قابىلدانعان زاڭناماعا سايكەس جۇزەگە اسىرىلۋدا. جاڭا جۇيەنىڭ باستى ماقساتى – ۇلتتىق قاۋىپسىزدىكتى قامتاماسىز ەتۋ جانە ءاربىر ازاماتتى انىق تىركەۋ.
اتالعان كيىمدەردى قىلمىسكەرلەر ءجيى پايدالانادى. ولار ۇرلىق، توناۋ، الاياقتىق سياقتى زاڭسىز ارەكەتتەردى جاساۋ ءۇشىن بەت-جۇزىن جاسىرۋعا تىرىسادى. جاڭا ەرەجەلەر بۇل ارەكەتتەردىڭ الدىن الۋعا باعىتتالعان.
ءدىني جانە ۇلتتىق كيىمدەرگە شەكتەۋ جوق
الايدا، بۇل شارالار ءدىني نەمەسە ۇلتتىق كيىمدەرگە ەشقانداي شەكتەۋ قويمايدى. باستى تالاپ – بەت-جۇزدى جاسىرماۋ. تەك مەديسينالىق سەبەپتەر، سۋىقتان قورعانۋ، قىزمەتتىك مىندەتتەردى اتقارۋ، سونداي-اق سپورتتىق نەمەسە مادەني ءىس-شارالار كەزىندە بەتتى جابۋعا رۇقسات ەتىلەدى.
جازالاۋ شارالارى
زاڭ بۇزۋشىلىقتىڭ ءبىرىنشى رەت ورىن الۋىندا تۇلعاعا ەسكەرتۋ بەرىلەدى. ەگەر ءبىر جىل ىشىندە بۇل ارەكەت قايتالانسا، وندا 10 اەك (شامامەن 43 000 تەڭگە) كولەمىندە ايىپپۇل سالىنادى.
-
ىشكى ىستەر ءمينيسترى ەرجان سادەنوۆ الماتىداعى رەزونانستى جول اپاتىنان كەيىن ءبىرقاتار مالىمدەمە جاساپ، كىنالىلەردىڭ جازالاناتىنىن ايتتى.
-
وزبەكستان ارال تەڭىزىنىڭ قۇرعاق ءتۇبىن جاسىلداندىرۋدا يننوۆاسيالىق ادىستەر مەن جۇيەلى تاسىلدەردى قولدانىپ، قازاقستاننان العا شىقتى. بۇل تۋرالى جاڭا ماقالادا ەگجەي-تەگجەيلى باياندالادى.
