InfoHub Logo

قازاقستان پرەمەر-مينيسترى ولجاس بەكتەنوۆتىڭ توراعالىعىمەن زاڭسىز يەمدەنىلگەن اكتيۆتەردى مەملەكەتكە قايتارۋ جونىندەگى كوميسسيانىڭ كەزەكتى وتىرىسى ءوتتى. جيىندا بۇعان دەيىن قابىلدانعان شەشىمدەردىڭ ورىندالۋ بارىسى قارالىپ، قايتارىلعان اكتيۆتەردى باسقارۋ كومپانياسىنىڭ ەسەبى تىڭدالدى.

كوميسسيانىڭ مالىمەتىنشە، جالپى سوماسى شامامەن 610 ملرد تەڭگە بولاتىن اكتيۆتەر مەملەكەت مەنشىگىنە قايتارىلعان. ونىڭ ىشىندە 506 ملرد تەڭگە — اقشالاي قاراجات، ال 103 ملرد تەڭگەدەن استامى — ءتۇرلى مۇلىك تۇرىندە بولعان.

ارنايى مەملەكەتتىك قورعا اۋدارىلعان قاراجات ەسەبىنەن 280 الەۋمەتتىك نىسان — ءبىلىم بەرۋ، دەنساۋلىق ساقتاۋ، سپورت جانە الەۋمەتتىك قامسىزداندىرۋ سالالارىندا جۇزەگە اسىرىلادى. سونىمەن قاتار، كوممۋنالدىق ينفراقۇرىلىمدى جاڭعىرتۋ باعىتىندا دا قوماقتى قاراجات ءبولىنىپ وتىر.

وتىرىستا كوميسسيا مەملەكەتكە اكتيۆتەردى ەرىكتى تۇردە قايتارۋ بويىنشا بىرنەشە كەلىسىمدى ماقۇلدادى. بۇل ارقىلى قورعا قوسىمشا 150 ملرد تەڭگە تۇسەتىن بولادى. بۇدان بولەك، «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭنىڭ سۋبەكتىلەرى قازاقستان ەكونوميكاسىنا 10،5 ملرد دوللار كولەمىندە ينۆەستيسيا سالۋ جونىندە مىندەتتەمە العان.

سونىمەن قاتار، جالپى قۇنى 84 ملرد تەڭگەدەن اساتىن اكتيۆتەردى مەملەكەت كىرىسىنە اينالدىرۋ تۋرالى سوتقا تالاپ-ارىز جولداۋ باستاماسى دا كوميسسيا تاراپىنان قولداۋ تاپتى.