InfoHub Logo

ماقساتى: بالانىڭ سيپاپ سەزۋ، ەستۋ سەزىم مۇشەلەرىنىڭ دامۋىنا كومەكتەسۋ، ۇساق قول موتوريكاسىن دامىتۋ.

ءتۇرى: ترەنينگ

ءادىس - تاسىلدەرى: ويىن، جەكە جانە توپتىق جۇمىس

ۇيىمداستىرۋ رەتى:

1. شاتتىق شەڭبەرى:

2. «مەنى تاپ» ويىنى

3. جەكە بالامەن جۇمىس جاساۋ (ءار بالاعا جەكە تاپسىرما بەرۋ)

4. «اعاش جاپىراقتارى»

1. شاتتىق شەڭبەرى.

ساۋساق جاتتىعۋلارى

شىنجىر. وڭ جانە سول قولداعى باسبارماقپەن بالانۇيرەك ساۋساقتارى ءتۇيىسىپ، جۇزىكتەر سەكىلدى ايقاسىپ، شىنجىر جاسايدى.

ءپىل: وڭ قول الاقانى جايىلىپ تۇرادى. سول قول ساۋساقتارى باس بارماق پەن كىشكەنە بوبەك ارتقى اياعى بولسا، بالانۇيرەك ساۋساق پەن شىلدىر شۇمەك ساۋساق الدىڭعى اياقتار، ال ورتاڭعى ساۋساق ءپىلدىڭ تۇمسىعى.

دوپ: الاقاندار ءبىر - بىرىمەن جابىسادى. ( دوپ ءپىشىنىن جاسايدى).

گۇل: قولدار، ساۋساقتار جوعارى قارايدى. الاقاندار ايشاناقپەن قوسىلا تۇپتەرى ءوزارا جاناسادى. ساۋساقتار اشىلادى. وسى جاتتىعۋلاردى ورىنداي وتىرىپ، مىنا ولەڭ جولدارىن ايتادى.

ساۋساقتار شىنجىر بولادى،

ۇزىلمەيدى تارتساڭ دا،

ال، ءپىل كەلىپ شىنجىردى،

ءۇزىپ كەتتى باسقاندا.

تۇمسىعىمەن دوپ ىزدەپ،

ويناعىسى كەلىپ تۇر.

دوستىق ءۇشىن پىلگە مەن،

گۇل سىيلاعىم كەلىپ تۇر.

2. «مەنى تاپ» ويىنى

ماقساتى: سيپاپ سەزۋ ارقىلى تانىم ءۇردىسىن دامىتۋ.

نۇسقاۋى: بالالاردىڭ الدىنا كارتوچكالار مەن ىشىندە ءارتۇرلى داقىلدار جاسىرىلعان شارلار مەن كاپسۋلالار تاراتىلادى. بالالار سول شارلاردى ۇستاپ قاراۋ ارقىلى جانە كاپسۋلالاردى قوزعاۋ ارقىلى نە بار ەكەنىن انىقتاپ كارتوچكاعا سايكەستەندىرىپ قويۋى كەرەك. ول كاپسۋلانىڭ ىشىندە: سەكەر، تيىن، مونشاق، ت. ب. جاسىرىلادى.

3. جەكە جۇمىس: ءار بالاعا جەكە جۇمىس تاراتىلادى.

1. جىپكە ىلگەك پەن مونشاقتاردى ءتىزۋ؛

2. جارمالاردى سايكەستەندىرۋ؛

3. ماكارونداردى جىپكە ءتىزۋ (2 بالا بىرگە جاسايدى)؛

4. جارمانى ۆورونكاعا قاسىقپەن قۇيۋ؛

5. شار مەن كاپسۋلاداعى جاسىرىلعان زاتتاردى تابۋ (2 بالا بىرگە جاسايدى)؛

6. بۇرشاقتى جارمادان ءسۇزىپ الۋ؛

7. ماكاروندى تۇسىنە قاراي ءبولۋ (2 بالا بىرگە جاسايدى)؛

4. «اعاش جاپىراقتارى»

ماقساتى: ۇساق قول موتوريكاسىن دامىتۋ.

كورنەكىلىگى مەن قۇرالدارى: اعاشتىڭ سۋرەتى، جەلىم، اعاشتىڭ شابلونى، جارما.

نۇسقاۋى: اعاشتىڭ شابلونىن پايدالانىپ جەلىمدى قىلقالاممەن جاعىپ، ۇستىنە الدىن الا بويالىپ دايىندالعان جارمانى سەبەمىز.

كۇتىلەتىن ناتيجە:

- يكەمدىلىگى ارتادى؛

- بالانىڭ سويلەۋ ءتىلى جەتىلەدى