InfoHub Logo

باعالاۋ  تيىمدىلىگى  وقۋشىنىڭ   وقۋعا  دەگەن  بەلسەندىلىگى  مەن  وقۋداعى  جەتىستىگىن   ارتتىرۋعا،   ءمۇعالىمنىڭ  وقۋ  ۇدەرىسىنە،   ادىستەمەلىك  دامۋىنا  ۇلەسىن  قوسادى. بۇلاي  اتاۋ سەبەبىمىز،  وقۋشى  وقۋ  مەن  وقىتۋ  بارىسىنداعى  ءمۇعالىمنىڭ  ءبىرىزدى  تاسىلدەر  ارقىلى  ءبىلىم  بەرۋىنەن  جالىعادى، ايتسە  دە،  بالا  ءوز  ءبىلىمىنىڭ   باعالانۋى  بارىسىندا   باعالاۋدىڭ   كورسەتكىشى  ارقىلى  پانگە  دەگەن  قىزىعۋشىلىعى  ارتۋى مۇمكىن  نەمەسە  بەلسەندىلىگى  تومەندەۋى  مۇمكىن. قاندا جاعدايدا؟! ويتكەنى،   ءاربىر  بالا  ساباققا  قاتىسۋ  ساتىندە  وزىندىك  پسيحولوگيا  قالىپتاستىرادى. «مەنىڭ  جاۋابىم  ناقتى» نەمەسە «مەنىڭ  جاۋابىم  كۇماندى»  دەگەن. العاشقى  پىكىر  قانداي  جاعدايدا قالىپتاسادى؟ بىرىنشىدەن - ەگەر  بالا   بەرىلگەن  مالىمەتتى  تولىق  وقىپ  مەڭگەرگەندىگىنە  كوز  جەتكىزە  العاندا؛ ەكىنشىدەن- بەرگەن  مالىمەتىنە ناقتى  كوز جەتكىزە الماسا دا، وزىندىك «مەنىكى دۇرىس» دەگەن كوزقاراس  قالىپتاستىرۋىندا. وسىنداعى  سوڭعى «مەنىكى  دۇرىس» دەگەن  شەشىم  بالا  پسيحولوگياسىنا  كەرى  اسەر  بەرىپ، «باعالاۋدىڭ  ادىلەتسىزدىگىنە  ۇشىرادىم» دەگەن   ءتۇيىندى پىكىرمەن  وقۋ  بەلسەندىلىگىنە ىقىلىاسسىزدىق تانىتادى. مىنە،  ءبىرىزدى  قالىپتاسقان  وقۋشىنىڭ وسىنداي كەرەعار پىكىرلەرىن، باعالاۋ  تاسىلدەرىنىڭ  زاماناۋي  تاسىلدەرى  مەن وقۋ  جانە وقىتۋ  تەحنولوگيالارىنىڭ ءتۇرلى ادىستەرى ارقىلى وقۋشى  پىكىرىن   وزگەرتە  وتىرىپ،  پانگە  دەگەن  بەلسەندىلىگىن  ارتتىرۋعا  بولادى.

ءمۇعالىم  ساباق  كەزەڭدەرىندە   باعالاۋدىڭ  بىرنەشە  ءتاسىلىن  قولدانا  الادى.  ءداستۇرلى  باعالاۋ، ول-قاشاندا  بالانىڭ  ءبىلىمىن  ءپان  ءمۇعالىمىنىڭ  قورىتىندىسىندا  باعالانسا،  ال  جاڭاشا  تەحنولوگيادا  بالا  ءبىلىمى – بالانىڭ   ءوزىن-وزى  باعالاۋى ؛  بالالاردىڭ  ءوزارا  باعالاۋى   ارقىلى  نەمەسە  ءمۇعالىمنىڭ   بالانى  دەڭگەيلى  باعالاۋىنىڭ  ءتۇرلى  تاسىلدەرى ارقىلى  جۇزەگە  اسادى.

باعالاۋدىڭ  بۇگىنگى  جاڭاشا  تۇرلەرى: «قالىپتاستىرۋشى  باعالاۋ»  جانە «جيىنتىقتى باعالاۋ» بولىپ ىسكە اسادى. قالىپتاستىرۋشى باعالاۋ – كۇندەلىكتى وقۋدىڭ العا جىلجۋىنا اسەر ەتسە، جيىنىقتى باعالاۋ-وقۋشىنىڭ بولىمدەر بويىنشا بەرىلگەن ساباقتان العان ءبىلىم ناتيجەسىن كورسەتە الادى. وسىنداي  باعالاۋ  تاسىلدەرىن  بالا  بەلسەندىلىگىن  ارتتىرۋدا  تۇرلەندىرىپ  قولدانۋ  نەمەسە  جاڭاشا  قىردا  وڭدەۋ  نەمەسە  اۆتورلىق ۇسىنىستار ارقىلى باعالاۋ، جاڭاشىل  پەداگوگ  مامانداردىڭ  بۇگىنگى كۇن تالابى. وسى ماقساتتا جۇرگىزىلگەن مەكتەپ جۇمىسىندا  بۇگىنگى  تاڭدا   ەكى    باعالاۋدىڭ   جاڭا  ءۇردىسى   ۇسىنىلىپ،  «سەرپىن» كاسىبي قوعامداستىعى  اياسىندا مەكتەپىشىلىك ءپان  مۇعالىمدەرىنىڭ  قولدانىسىندا   جۇزەگە  اسىرىلۋدا.

1. «نىسانالى  باعالاۋ  ءادىسى» (ۇسىنۋشى- ا.قاسىمبەك)- ساباقتىڭ  ءار  كەزەڭىن  وقۋشىلار  ءوزارا   ءبىلىم  دەڭگەيىن   شەڭبەر  وزەگىنىڭ    راديۋىسى  بويىندا  تومەنگى  شەكتىك 0 بالدىق  باعالاۋدان  باستاپ، جوعارى   شەكتىك  دەڭگەيى  7 بال- عا   دەيىن   نىسانالى   بەلگىلەۋ  ارقىلى   ايقىندايدى؛

2. «يەرارحيالىق باعالاۋ  ءادىسى»(ۇسىنۋشى-ق.وزىقباي)-وقۋشىلار  ءوزارا  وقۋ  بەلسەندىلىگىن  ءار  كەزەڭدەر  بويىنشا  باعدارشام ءتۇستى  قاعازدارى  ارقىلى  جاپسىرمالى  تۇردە    پيراميدالىق   ءوسۋ  شىڭىندا  بەلگىلەيدى.

بۇل  ەكى  ءادىس  تە  بۇگىنگى  ۋاقىتتا  وزىندىك  تيىمدىلىگىمەن  مەكتەپ  كاسىبي  قوعامداستىعىندا   تاراتىلسا،  اۋدان دەڭگەيىندە   وتىلگەن قازاق  ءتىلى مەن  ادەبيەتى  ءپانى  مۇعالىمدەرى  سەمينارىندا اۋداندىق  دەڭگەيدە  ۇسىنىلىپ،  ءپان  ۇعالىمدەرى  تاراپىنان  سۇرانىسقا  يە  بولدى.

وقۋشى  قاشاندا ءوسۋ، تانۋ،ءبىلۋ  وبەكتىسى  تۇلعاسىندا  قارالادى. سوندىقتان  دا، ءمۇعالىم -  سول  وقۋشىنىڭ كوزقاراسىنداعى جاناردى  وقۋ ارقىلى، وقۋشىنىڭ  وقۋ  بەلسەندىلىگىن ارتتىرۋ ءۇشىن تاقىرىپتىق  جۇيەلى  جۇمىستار بارىسىنا ءتۇرلى ادىس-تاسىلدەردى ءتيىمدى قولدانۋ باعىتىنا  باسىمدىق بەرۋ  قاجەت.  ءوزىنىڭ   باعالانۋى  ارقىلى  ءوز  ءبىلىمىنىڭ ناقتى دەڭگەيىنە  كوز جەتكىزگەن جاعدايدا عانا، بالا ىقپالدى، بەلسەندى، ىزدەنىمپاز  بولا  الادى.  بالا، ول-اق  قاعاز  ءتارىزدى. كۇندەلىكتى  جۇمىس كىتاپشاسىنا ارناعان    داپتەر  بەتىنىڭ  ءبىرىن  تولىق، ءبىرىن  جارتىلاي،ەندى  ءبىرىن  جاي  عانا  ءتۇرتىپ  نەمەسە  مۇلدەم  جازباسىز  قالدىرىپ  ءوتىپ  كەتىپ  جاتادى. ءبىراق، بۇل داپتەر. ال، بالا  ىجداقاتسىز   قاراۋدى  قاجەت  ەتپەيدى، وعان تياناقتىلىق، جۇيەلى   باقىلاۋ  مەن    شەشىمدى  جۇمىس  ناتيجەسى  كەرەك. سوندىقتان  دا،  ءاربىر  ۇستاز، ءاربىر  ساباقتى ءوتۋ  كەزەڭىندە   باعالاۋدىڭ  ءتيىمدى  تاسىلدەرىن  ۇردىسكە  اينالدىرسا،  وقىلمايتىن  ءپان،  جازىلمايتىن  داپتەر  جوق. ال، ءسىز جۇرگىزگەن  باعالاۋ ءادىسى ءوز ناتيجەسىنە جەتكەن كەزدە، ءسىز - باتىستان تۇرعان جەلدى كۇنى شىعىسقا قاراي بەت تۇزەگەن جەلكەندى  قايىق كاپيتانى تارىزدەس بولاسىز!

وڭتۇستىك قازاقستان وبلىسى وتىرار اۋدانى

قازاق  ءتىلى  مەن ادەبيەتى  ءپانىنىڭ  ءمۇعالىمى

وزىقباي  ءقالبيبى  ءجۇسىپجان قىزى

---