وقۋ-اعارتۋ مينيسترلىگى بالالار اراسىندا ءسۋيسيدتىڭ الدىن الۋ ءۇشىن كەشەندى جوسپار ازىرلەپ جاتىر
وقۋ-اعارتۋ مينيسترلىگىندە ءبىلىم بەرۋ ۇيىمدارىندا پسيحولوگيالىق قىزمەتتەردى دامىتۋ پەرسپەكتيۆالارى تۋرالى كەڭەس ءوتتى.
ءبىلىم الۋشىلاردى پسيحولوگيالىق-پەداگوگيكالىق سۇيەمەلدەۋ پروسەسىن جەتىلدىرۋ، سونداي-اق بالالاردى بۋللينگتەن قورعاۋ تەتىگىن بەكىتۋ ءۇشىن ورتا ءبىلىم بەرۋ ۇيىمدارىنداعى پسيحولوگيالىق قىزمەت جۇمىسىنىڭ قاعيدالارى، بالانى جابىرلەۋدىڭ الدىن الۋ قاعيدالارى قابىلداندى، ءبىلىم الۋشىلار اراسىندا اۋتودەسترۋكتيۆتى مىنەز-قۇلىقتىڭ الدىن الۋ جونىندەگى ءبىرىڭعاي باعدارلاما ازىرلەندى جانە ەنگىزىلدى.
سونىمەن قاتار، نورماتيۆتىك قۇقىقتىق اكتىلەردى وزەكتەندىرۋ جانە ادىستەمەلىك ۇسىنىمداردى ازىرلەۋ بويىنشا جۇيەلى جۇمىس ءجۇرىپ جاتىر.
جەتى وڭىردە: استانا جانە الماتى قالالارى، قوستاناي، اقتوبە، پاۆلودار، قاراعاندى جانە باتىس قازاقستان وبلىستارىندا مەكتەپ پسيحولوگيالىق قىزمەتتەرىنىڭ جۇمىسىن ۇيلەستىرەتىن ورتالىقتار قۇرىلدى.
«پسيحولوگيالىق قىزمەتتەردىڭ جۇمىسىن جەتىلدىرۋ ماقساتىندا مينيسترلىك ۇلگىلىك بىلىكتىلىك سيپاتتامالارىنا وزگەرىستەر مەن تولىقتىرۋلار ەنگىزۋ بويىنشا ءتيىستى نورمالاردى قابىلدادى، ياعني ءقازىر پسيحولوگ ۋاقىتىنىڭ كوپ بولىگى بالامەن جەكە جۇمىس ىستەۋگە باعىتتاۋى ءتيىس. پەداگوگ-پسيحولوگتاردىڭ بىلىكتىلىگىن ارتتىرۋ كۋرستارى ازىرلەنىپ، وتكىزىلىپ جاتىر. پسيحولوگتاردىڭ مارتەبەسىن ارتتىرۋ ءۇشىن الداعى ۋاقىتتا ولاردىڭ اتتەستاتتاۋدان ءوتۋىن جانە پسيحولوگيالىق قىزمەت جۇمىسىن سيفرلاندىرۋدى رەتتەۋدى باستايمىز»، - دەيدى بالا قۇقىقتارىن قورعاۋ كوميتەتىنىڭ باس ساراپشىسى جىبەك نۇرجان.
اڭگىمەگە جەتەكشى ساراپشىلار مەن مەكتەپ پسيحولوگتارى قاتىستى.
جوعارى ساناتتى پەداگوگ-پسيحولوگ تاتيانا ليۋبچانسكايانىڭ ايتۋىنشا، ءقازىر الەۋمەتتىك-پسيحولوگيالىق-پەداگوگيكالىق قىزمەتتەردىڭ ماماندارى بارلىق بالالار ءۇشىن كەدەرگىسىز، بەيىمدەلگىش دامۋشى تۇلعاعا باعىتتالعان ورتانى قامتاماسىز ەتۋى كەرەك.
«ءارقايسىمىز، ەرەسەكتەر ءوزىمىز ءۇشىن ەڭ باستىسى كەلەسىنى ءتۇسىنۋىمىز كەرەك: وركەنيەتتى قوعامدا بوتەن بالا بولمايدى. بالالاردىڭ ۋاقىت وتكىزۋىنە جانە بالالاردىڭ قارىم-قاتىناس ورتاسىن باقىلاۋعا باعىتتالعان جان-جاقتى شارالار قابىلداۋ قاجەت. قيىندىققا تاپ بولعان بالالارعا مۇقيات بولۋدى، بارىنشا سەنىمدى قارىم-قاتىناستى قامتاماسىز ەتۋ كەرەك»، - دەپ اتاپ ءوتتى پسيحولوگ.
پەداگوگ-زەرتتەۋشى يرينا تەرەنتيەۆا ءوز كەزەگىندە مەكتەپتەرگە پسيحولوگيالىق قاۋىپسىزدىكتى قامتاماسىز ەتۋ ءۇشىن پاراللەلدەر بويىنشا تاقىرىپتىق فوكۋس-توپتار وتكىزۋدى ۇسىندى.
وندا وقۋشىلار مەكتەپتەگى قاۋىپسىزدىك بويىنشا جاسى كىشى بالالارعا سۇراقتارىن قويىپ، كەڭىستىكتى ۆيزۋالدى تۇردە بەزەندىرۋدى جۇزەگە اسىرادى.
بۇگىندە مينيسترلىك بالالاردى زورلىق-زومبىلىقتان، ءسۋيسيدتىڭ الدىن الۋدان قورعاۋ جانە ولاردىڭ قۇقىقتارى مەن ءال-اۋقاتىن قامتاماسىز ەتۋدىڭ 2023-2025 جىلدارعا ارنالعان كەشەندى جوسپارىن ازىرلەپ جاتىر.
You Might Also Like
-
ەلوردادا قالالىق جانە حالىقارالىق ەكى STEAM وليمپياداسى وتەدى. بۇل تۋرالى «Astana Innovations» اق باسقارما ءتوراعاسىنىڭ ورىنباسارى دانيال ايتكەنوۆ ايتىپ بەردى.
