InfoHub Logo

قازاقتىڭ تالاي دارىندى ازاماتتارىنىڭ باسىن قوسىپ، ءبىرتۋار ازامات قىلىپ تاربيەلەگەن قارا شاڭىراق – قازۇۋ ەكەنى ايتپاسا دا بەلگىلى. تاريحى تەرەڭگە بويلايتىن، تۇلەكتەرى ەلىمىزدىڭ دامۋىنا ايانباي ەڭبەك ەتەتىن ۋنيۆەرسيتەتىمىزدىڭ بۇگىندە جەتكەن جەتىستىكتەرى دە از ەمەس. ءال-فارابي اتىنداعى قازاق ۇلتتىق ۋنيۆەرسيتەتى 1934 جىلى 15 قاڭتاردا ىرگەسى قالانعاننان باستاپ قازاقستاننىڭ ءبىلىمى مەن عىلىمىنىڭ دامۋىنا ورازان زور ۇلەس قوسا وتىرىپ، بىلىكتى مامانداردى دايارلاۋدا كوشباسشى بولىپ كەلەدى.  

الاتاۋ بوكتەرىندە ورنالاسقان الماتى قالاسىنىڭ ءال-فارابي اتىنداعى قازاق ۇلتتىق ۋنيۆەرسيتەتىنە ارمان قۋىپ كەلگەن ستۋدەنتتەر ياعني، بىزدەرگە بارلىق جاعداي جاسالعان. «ستۋدەنتتەر قالاشىعى» اتالعانداي-اق، الىپ الماتى شاھارىنىڭ ىشىندەگى شاعىن قالادا ءومىر ءسۇرىپ جاتقاندايمىز. وزىندىك ىشكى اۋراسى، جەكە ءتارتىپ، جارعىسى، قىزمەت كورسەتۋ ورتالىقتارى مەن ستۋدەنتتىك كەشەندەرى بار. بۇگىنگى كۇنى ۋنيۆەرسيتەتىمىزدە 20 000-عا جۋىق ستۋدەنت ءبىلىم الادى. 15 فاكۋلتەتتەن تۇراتىن ۋنيۆەرسيتەتتە 3000-عا جۋىق پروفەسسور-وقىتۋشىلار قۇرامى ستۋدەنتتەرگە ءبىلىم بەرىپ كەلەدى. وسىلايشا 90 جىلعا جۋىق تاريحىندا «ۇزدىك» دەگەن ۇعىمدى قالىپتاستىرىپ، سول تۇعىردان تۇسپەي كەلە جاتقان قازۇۋ –باسەكەگە قابىلەتتى، دارىندى ستۋدەنتتەردى بىرىكتىرىپ وتىرعان قۇتتى مەكەن، سىيلاستىق پەن شىنايى دوستىقتىڭ مەكەنى.

مەن 2018 جىلى ۇبت تاپسىرماي تۇرىپ، قازۇۋ-عا تۇسۋگە نيەتتەندىم، ارينە سوعان جەتۋ ءۇشىن   ەڭبەكتەندىم.ەڭبەگىم ەش كەتپەدى، ءال-فارابي اتىنداعى قازاق ۇلتتىق ۋنيۆەرسيتەتىنە تاريح،ارحەولوگيا جانە ەتنولوگيا فاكۋلتەتىنە گرانتقا ءتۇستىم. بۇل مەن ءۇشىن ۇلكەن جەتىستىك پەن بولاشاعىمنىڭ ەسىگى ىسپەتتەس بولدى. قازۇۋ ماعان مۇمكىندەردى بەرىپ قانا قويماي، قوعامعا بەيىمدەلۋدى، كوپتەگەن دارىندى جاستارمەن باس قوسقان ورتا قالىپتاستىردى.2022 جىلى ماگيستراتۋراعا ءتۇستىم. ءقازىر تاريح فاكۋلتەتىنىڭ 1-كۋرس ماگيسترانتىمىن. ۋنيۆەرسيتەتتە بارلىق ستۋدەنت، ماگيسترانت، دوكتورانت ءۇشىن دە قاجەتتى جاعداي جاسالعان.       قورىتىندىلاي كەلە، بولاشاق جاس تۇلەكتەرگە ايتارىم، ءبىلىمنىڭ قاينار كوزىمەن سۋسىندايتىن، قازاق حالقىنىڭ ماڭدايىنا بىتكەن تۇلعالاردى تاربيەلەگەن قارا شاڭىراق – قازۇۋ-دى تاڭداۋعا كەڭەس بەرەر ەدىم. مەن ءوزىم الىپ جاتقان بىلىمىمە تولىق ريزامىن. قازۇۋ بۇگىندە كوپكە كوسىلىپ ايتار ماقتانىشتارعا تولى.ۇلتتىق ۋنيۆەرسيتەتپەن ءوز تاعدىرىن بايلانىستىرعان ءاربىر ادام بولاشاعىنا ۇلكەن سەنىممەن قارايدى جانە بۇل ءۇشىن ۇلتتىق ۋنيۆەرسيتەت ءارقاشان قولداۋ كورسەتۋگە دايىن. 

ءال-فارابي اتىنداعى قازاق ۇلتتىق ۋنيۆەرستەتىنىڭ 1-كۋرس ماگيسترانتى فرۋنزەقۇل نۇرجان ەسەنعالي قىزى
عىلىمي جەتەكشى: ت.ع.د.،پروفەسسور جاركىنبايەۆا روزا سەيدالييەۆنا

---