وقۋدا وزات بولۋ ءۇشىن بىرنەشە كەڭەستەر
ءبىرىنشى كەڭەس
مەن سەندەرمەن ءبىلىم الۋدا ۇلكەن جەتىستىكتەرگە جەتۋ سىرلارىمەن بولىسكىم كەلەدى. سونىمەن، ەگەر سەن بىردەڭەنى جاقسىلاپ مەڭگەرىپ العىڭ كەلسە، مۇنى باسقا بىرەۋگە ۇيرەتىپ، تۇسىندىرۋگە تىرىس. ساباعىن تۇسىنبەي جاتقان ءبىر ادامدى تاڭدا (دوسىڭ، قۇربىڭ، سىنىپتاسىڭ، ءىنىڭ، قارىنداسىڭ/ءسىڭلىڭ)، ال ەگەر ونداي ادام جوق بولسا – ءبىلىمىڭدى اناڭمەن، اكەڭمەن، اپاڭمەن جانە ت.ب. ءبولىس.
ەكىنشى كەڭەس
«جوسپارلاۋ» دەگەندى، بالكىم، سەن قىزىقتى جانە ەلىكتىرەتىن دۇنيە دەپ ەلەستەتە المايتىن شىعارسىڭ. ءبىراق ءبىلىم الۋ جولىندا ءدال وسى جوسپارلاۋ سەنىڭ سەنىمدى دوسىڭا اينالماق. جوسپارلاۋ ادامعا ءبىرسارىندى، قىزىقسىز جۇمىسقا از ۋاقىت جۇمساۋعا مۇمكىندىك بەرەدى. كۇن ءتارتىبىن جوسپارلاپ ۇيرەن.
ءۇشىنشى كەڭەس
بارلىق ءىستى جاساپ ءبىتىرۋ مۇمكىن ەمەس دەگەندى ءسوزدى ەستىگەن شىعارسىڭ؟ شىنىمەن، قانداي دا ءبىر جۇمىستى باستاعاندا، ونىڭ كولەمى جايلى وي تولىققاندى جۇمىس ىستەۋگە كەدەرگى كەلتىرەدى. كەز كەلگەن ءىستىڭ ەڭ نەگىزگى ءتۇبىرىن كورە ءبىل، سوندا جەتىستىككە جەتەسىڭ. ساباقتى جاقسى وقىپ، ساتتىلىككە جەتۋدىڭ باستى قۇپياسى ءوز تابىسىڭدى بايقاپ، سوعان ماساتتانۋ دەپ ويلايمىن. ارينە، سەنىڭ ىلگەرى قادامدارىڭدى ءمۇعالىمىڭ بايقاسا ءتىپتى جاقسى، ءبىراق ءوزىڭ دە بايقاپ ۇيرەن. كەيدە كوپ دايىندالىپ، لايىقتى باعا الا الماي قالعان كەزدەر بولادى. بۇل كوڭىلىڭە كۇيبەڭ ءتۇسىرىپ، ساتتىلىككە دەگەن سەنىمىڭدى سەيىلتەدى... ءبىراق بىلىمدىلىكتىڭ باستى ناتيجەسى – باعا ەمەس ەكەنىن ءبىز جاقسى بىلەمىز، ومىرگە قاجەت بولاتىنى – باستاعى ءبىلىم مەن تاجىريبە.
ءتورتىنشى كەڭەس
ءبىر پاراق قاعازعا جوعارى قاراي كوتەرىلىپ بارا جاتقان باسپالداق سال دا، كۇندەلىكتى ءوز ساتتىلىكتەرىڭدى ەسكە الىپ، جوعارى قاراي ورمەلەپ بارا جاتقانىڭدى بەلگىلەپ وتىر. ەسكەرتە كەتەيىن: جوعارى كوتەرىلۋگە ساعان ءتوزىم مەن ەڭبەك قاجەت، ولار ءبارىن جەڭەتىنىن بىلەسىڭ.
بەسىنشى كەڭەس
جامان ادەتتەر مەن ولاردان ارىلۋ كەرەكتىگى جايلى مۇعالىمدەر دە، اتا-اناڭ دا، ءبارى ايتادى. ال مەن ساعان ادامنىڭ كۇش-جىگەرىن قاجەت ەتەتىن پايدالى ادەتتەر جايلى ايتپاقپىن. ءبىز سولاردىڭ كومەگىمەن جالقاۋلىعىمىزدى جەڭە الامىز، زەرىكتىرەتىن جۇمىستى ىستەيمىز، ءبىلىم الامىز، تابىسقا جەتەمىز، سول سەبەپتى كۇش-جىگەرىمىزدى دامىتايىق.
ەسىڭدە بولسىن! جىگەرىن باسقارا الاتىن ادام عانا ەركىن ادام! جامان ادەتتەر مەن ولاردان ارىلۋ كەرەكتىگى جايلى مۇعالىمدەر دە، اتا-اناڭ دا، ءبارى ايتادى. ال مەن ساعان ادامنىڭ كۇش-جىگەرىن قاجەت ەتەتىن پايدالى ادەتتەر جايلى ايتپاقپىن. ءبىز سولاردىڭ كومەگىمەن جالقاۋلىعىمىزدى جەڭە الامىز، زەرىكتىرەتىن جۇمىستى ىستەيمىز، ءبىلىم الامىز، تابىسقا جەتەمىز، سول سەبەپتى كۇش-جىگەرىمىزدى دامىتايىق. ەسىڭدە بولسىن! جىگەرىن باسقارا الاتىن ادام عانا ەركىن ادام!
ءۇي جۇمىسىن جاساۋدىڭ قۇپياسى
وكىنىشكە وراي، ءۇي جۇمىسىن تاپسىرمايتىن مەكتەپ جوق. ءۇي جۇمىسىن ورىنداۋ ءۇشىن ۋاقىتىڭ مەن كۇشىڭدى سارپ ەتپەي، ورىندى جۇمساۋدى قالاي ۇيرەنۋگە بولادى؟ ءۇي جۇمىسىن ورىنداۋدا قاي ساباقتان قينالاتىنىڭدى، ال قاي ساباقتى جەڭىل ورىندايتىنىڭدى بىلەتىن شىعارسىڭ؟ بالكىم، كەيبىر تاپسىرمالاردى ورىنداۋ ءۇشىن ەرەسەكتەردىڭ كومەگى قاجەت بولار؟ قاي ساباقتان قينالاتىنىڭدى، ال قاي ساباقتى وڭاي تۇسىنەتىنىڭدى انىقتاپ الۋعا تىرىس.
انىقتاپ العان سوڭ، كەلەسى جوسپار بويىنشا ارەكەت جاسا:
1. بار جىگەرىڭدى جيناپ جازۋ ۇستەلىنە وتىر.
2. ءار تاپسىرمانى قانشا ۋاقىتتا بىتىرەتىنىڭدى بولجاپ، سوعان ساي ارەكەت جاسا.
3. «قيىن» جانە «جەڭىل»، جازباشا جانە اۋىزشا تاپسىرمالاردى كەزەكتەستىرىپ وتىر.
4. قىسقا ءۇزىلىس جاسا.
5. ءۇي جۇمىسىن جاساپ بىتىرگەن سوڭ، قاجەتتى زاتتاردىڭ ءبارىن پورتفەلگە سال.
6. مىندەتتى تۇردە دەمال!
You Might Also Like
-
بۇرىنعى زاماندا، ىلعي اڭ اۋلاۋدى ادەت قىلعان ءبىر پاتشا بولىپتى. كۇندەردە ءبىر كۇن اڭ اۋلاپ جۇرسە، اعاشتىڭ باسىندا ءبىر بۇركىت وتىر ەكەن دەيدى. پاتشا كورىپ، اتايىن دەپ ىڭعايلانعان ەكەن، بۇركىت:
-
كانادالىق SAAQ جارناما اگەنتتىگى جۇرگىزۋشىلەرگە ارناپ «قاۋىپسىزدىك بەلبەۋىن تاق. ءومىر ءسۇر» دەگەن ۇرانمەن پلاكاتتار شىعاردى. فۋتبولكاداعى داتالارعا قاراعاندا ۇندەۋ جاستارعا ا...
