InfoHub Logo

تاۋەلسىز مەملەكەتىمىزدىڭ ەرتەڭى - ۇرپاقتىڭ رۋحاني بايلىعى مەن مادەنيەتىن، سانالى ۇلتتىق ويلاۋ قابلەتى مەن بىلىمىنە، ىسكەرلىگىنە بايلانىستى. وسى ورايدا ەلىمىزدىڭ ءبىلىم بەرۋ جۇيەسىندە الەمدىك دەڭگەيگە جەتۋ ءۇشىن جاسالىنىپ جاتقان تالپىنىستار وقىتۋدىڭ ءار ءتۇرلى ءادىس - تاسىلدەرىن قولدانا وتىرىپ، تەرەڭ ءبىلىمدى، ىزدەنىمپاز، بارلىق ءىس - ارەكەتتەرىندە شىعارماشىلىق باعىت ۇستانىپ، سول تۇرعىدا ءوز بولمىسىن تانىتا الاتىن جەكە تۇلعا تاربيەلەۋ ىسىنە ەرەكشە ءمان بەرىلۋدە.
سونىڭ ىشىندە ءتىل دامىتۋ ماقساتى ەڭ باستى ماسەلە. ءتىل دامىتۋ ماسەلەسى كۇردەلى ءارى ۇزاق جۇرگىزىلەتىن پروسەسس.

پسيحولوگ ن. ي. جانكين "سويلەۋ ينتەللەكتىنىڭ دامۋ كانالى. ءتىل نەعۇرلىم ەرتە مەڭگەرىلسە، بىلىمدە سوعۇرلىم وڭاي جانە تولىق مەڭگەرىلەدى"- دەيدى. ونان ءارى عالىم وقۋشىلاردى اۋىزشا سويلەۋگە داعدىلاندىرۋدى، ءتىپتى بالانىڭ ءتىلى شىققاننان باستاپ ىسكە اسىرۋعا بولاتىندىعىن ايتادى.
كىشى جاستاعى مەكتەپ وقۋشىلارىنىڭ سويلەۋ داعدىسىنىڭ قالىپتاسۋى ولاردىڭ قاراپايىم بولسا دا العان بىلىمدەرىن ءىس جۇزىندە پايدالانۋى دەپ ءتۇسىنۋى قاجەت.

مىسالى، انا ءتىلىن الاتىن بولساق وقۋشى ءتىپتى بۋىن، ءتىل دىبىستارى، ءسوز، سويلەم، دىبىس، دەگەن سوزدەردىڭ ءوزىن ناقتى ۇعا المايدى، سوندىقتان بۇل سوزدەردى ولارعا ءبىلىم بەرۋ ارقىلى تۇسىندىرەمىز. سودان كەيىن عانا بالا العان ءبىلىمىن جاتتىعۋ بارىسىندا قايتالايدى دا، ول سانادا ساقتالىپ، اۋىزشا سويلەمدەردى دۇرىس قۇرۋعا داعدىلانا باستايدى.

ياعني، وقۋشىلاردىڭ سوزدىك قورلارىن مولايتۋ، ءتىل قابىلەتىن دامىتۋ، جۇيەلى سويلەۋگە داعدىلاندىرۋ ارەكەتتەرىنىڭ كىرپىشى باستاۋىش سىنىپتاردا قالانۋى كەرەك. سوندىقتاندا باستاۋىش سىنىپتاردا ءتىل دامىتۋ جۇمىستارىنىڭ الدىنا ۇلكەن ماقسات قويىلادى. ءتىل دامىتۋ جۇمىسىن بەلگىلى ءبىر تاقىرىپتارعا نەگىزدەي وتىرىپ، ءمۇعالىم تىلدىك پروسەستىڭ تومەندەگىدەي باستى ماسەلەلەرىن ۇيرەتۋدى ماقسات ەتۋى قاجەت.