tengrinews.kz
«وريون» كەمەسى استروناۆتتارمەن بىرگە ايدىڭ گراۆيتاسيالىق ايماعىنا ەندى
امەريكالىق «ارتەميدا-2» ميسسياسىنىڭ استروناۆتتارى ايدىڭ گراۆيتاسيالىق اسەرى كۇشتى ايماققا ەندى. بۇل تۋرالى Euronews-كە سىلتەمە جاساپ Tengri Life حابارلادى.
بۇل ماڭىزدى كەزەڭ 6 ساۋىردە، دۇيسەنبى كۇنى تاڭعى ساعات 05:42-دە (ورتاەۋروپالىق ۋاقىت بويىنشا) ورىن الدى. بۇل ساتتە «وريون» عارىش كەمەسىنە ايدىڭ تارتىلىس كۇشى جەردىڭ تارتىلىس كۇشىنەن باسىم اسەر ەتە باستادى.
ايعا جاقىن ۇشۋ جانە رەكوردتىق قاشىقتىق
7 ساۋىرگە قاراعان ءتۇنى استروناۆتار ايدى اينالىپ ۇشۋ كەزىندە ادامزات تاريحىنداعى ەڭ ۇلكەن قاشىقتىق رەكوردىن ورناتۋى ءتيىس. بۇل ۋاقىتتا ولارمەن بايلانىس شامامەن 40 مينۋتقا ۇزىلەدى.
ميسسيا قاتىسۋشىلارى جاڭا، اۆتونومدى رەجيمدە التى كۇنگە دەيىن تىنىس الۋدى قامتاماسىز ەتە الاتىن سكافاندرلەردى سىناقتان وتكىزەدى.
جاقىن ساعاتتاردا كەمە ايعا ەڭ جاقىن قاشىقتىققا – ونىڭ ارعى بەتىنەن شامامەن 7500 شاقىرىمداي جەرگە جاقىندايدى دەپ كۇتىلۋدە.
عىلىمي زەرتتەۋلەر مەن بىرەگەي كورىنىستەر
ءتورت ادامنان تۇراتىن ەكيپاج جەر سەرىگىن باقىلاپ، عىلىمي زەرتتەۋلەر جۇرگىزەدى. ولار ءتىپتى كۇن تۇتىلۋىن دا ەرەكشە نۇكتەدەن – وربيتادان تىس جەردەن تاماشالايدى. عىلىمي باعدارلاما 10 نەگىزگى تاپسىرمانى جانە 35 باقىلاۋ نىسانىن قامتيدى.
استروناۆتار كەزەكتەسىپ، جۇپپەن جۇمىس ىستەپ، ارنايى قوسىمشا ارقىلى داۋىستىق جازبالار جاساپ، كراتەرلەردىڭ، جازىقتاردىڭ جانە تاۋلاردىڭ مىڭداعان سۋرەتتەرىن تۇسىرەدى.
«ءبىز ايدى كورىپ، ونىڭ كارتاسىن جاسايمىز، سودان كەيىن ورالۋعا كىرىسەمىز»، - دەدى ۇشۋ جەتەكشىسى دجادد فريلينگ.
NASA گەولوگى كەلسي يانگتىڭ ايتۋىنشا، ەكيپاج «بۇرىن ادامدار كورمەگەن الىس جاعىنىڭ بەلگىلى ءبىر بولىكتەرىن» كورە الادى، سونىڭ ىشىندە وريەنتالە باسسەينىنىڭ ەلەۋلى بولىگىن دە كورۋگە بولادى.
«وريون» كەمەسىنىڭ تاريحى
«وريون» ايدىڭ گراۆيتاسيالىق اسەر ايماعىنا ەنگەن كەزدە، ول ونىڭ بەتىنەن شامامەن 63 000 شاقىرىم، ال جەردەن شامامەن 232 000 شاقىرىم قاشىقتىقتا بولعان، دەپ حابارلادى NASA.
«وريون» كەمەسى 1 ساۋىردە اقش-تىڭ شىعىس جاعالاۋىنان ۇشىرىلعان. بورتتا NASA استروناۆتتارى ريد ۋايسمەن، ۆيكتور گلوۆەر جانە كريستينا كۋك، سونداي-اق كانادا عارىش اگەنتتىگىنىڭ استروناۆتى دجەرەمي حانسەن بار. ەكيپاج 10 تاۋلىك ىشىندە پلانەتامىزدىڭ تابيعي سەرىگىن اينالىپ ۇشىپ، جەرگە ورالۋى كەرەك.
«ارتەميدا-2» ميسسياسى اياسىندا ادامدار 50 جىلدان استام ۋاقىتتان بەرى العاش رەت ايعا اتتاندى. بۇل ميسسيا – اقش-تىڭ جاڭا اي باعدارلاماسىنىڭ نەگىزگى بولىگى. ۇشۋ كەزىندە استروناۆتار تەرەڭ عارىستاعى ءومىردى قامتاماسىز ەتۋ جۇيەسىن سىناقتان وتكىزۋى ءتيىس.
-
ينسيدەنت ۆ نوۆوم وبششەستۆەننوم تۋالەتە شىمكەنتا ۆىزۆال رەزونانس. ۆىياسنيليس وبستوياتەلستۆا پرويزوشەدشەگو ي رەاكسيا ورگانيزاتوروۆ پروەكتا.
-
شىمكەنتتە كوشە تازالاۋعا ارنالعان ارنايى تەحنيكا جۇرگىزۋشىلەرى جۇمىس شارتتارىنا نارازىلىق ءبىلدىرىپ، جاپپاي جۇمىسقا شىعۋدان باس تارتتى. ولار جالاقىنىڭ ازدىعىن، جۇمىس ۋاقىتىنىڭ ۇزاقتىعىن جانە تەحنيكاعا جوندەۋ جۇمىستارىن ءوز ەسەبىنەن جۇرگىزۋگە ءماجبۇر ەتەتىنىن ايتادى.
