InfoHub Logo

مەملەكەت: جاپونيا

قالا: وساكا

وساكا ۋنيۆەرسيتەتى جاپونيانىڭ بەدەلدى جوعارى وقۋ ورىندارىنىڭ ءبىرى بولىپ ەسەپتەلەدى. ول 1869 جىلى قۇرىلعان، الايدا رەسمي ۋنيۆەرسيتەت دارەجەسىن 1931 جىلى وساكا يمپەراتورلىق ۋنيۆەرسيتەتى رەتىندە العان. ۋنيۆەرسيتەت ستۋدەنت سانى بويىنشا جاپونيا ەلىندەگى ەڭ ۇلكەن مەملەكەتتىك وقۋ ورنى رەتىندە تانىلعان.

ۋنيۆەرسيتەت قۇرامىندا 11 فاكۋلتەت، 7 اسپيرانتۋرا ءبولىمى، 4 زىلىمي زەرتتەۋ ورتالىعى بار. ۋنيۆەرسيتەت قابىرعاسىندا شامامەن 12 000 ستۋدەنت جانە 8 000 اسپيرانت پەن دوكتورانت ءبىلىم الادى. ونىڭ 1 000-عا جۋىعى شەتەلدەن كەلگەن ستۋدەنتتەر.
وساكا ۋنيۆەرسيتەتى - الەم ۋنيۆەرسيتەتتەرى رەيتينگىسىندە 43-ورىندى يەلەنسە، جاپونيا ۋنيۆەرسيتەتتەرى ىشىندە العاشقى ۇشتىككە كىرەدى.
فاكۋلتەتتەر: ادەبيەت، قۇقىق، گۋمانيتارلىق عىلىمدار، شەتەل تىلدەرى، ەكونوميكا، جاراتىلىستانۋ عىلىمدارى، مەديسينا، ينجەنەرلىك، فارماسيەۆتيكالىق، ستوماتولوگيالىق، ينجەنەرلىك عىلىمدار.

وقۋ قۇنى (ءبىر اكادەميالىق جىلعا):

باكالاۆريات - 6500$
ماگيستراتۋرا - 6500$
قۇقىق مەكتەبى - 9650$
 

وقۋعا ءتۇسۋ تالاپتارى (باكالاۆريات):

* جاس 18-دەن جوعارى؛
* TOEFL (Test Of English as a Foreign Language): Paper Based — كەمىندە 500 بالل، Internet Based — كەمىندە 61 بالل؛
* جوو-دا، كوللەدجدە نەمەسە 11 سىنىپتا اعىلشىن ءتىلى، ماتەماتيكا، تاريح پاندەرىنەن ساباق بەرگەن مۇعالىمدەردەن 2 مىنەزدەمە الۋ؛
* ورتا ءبىلىم العانىن كۋالاندىراتىن اتتەستات؛
* بارلىق قۇجاتتاردى جاپون تىلىنە اۋدارۋ (نوتاريۋس كۋالاندىرۋىمەن)؛
* قابىلداۋعا سۇرانىم بەرۋ؛
* EJU (Examination for Japanese University) العاشقى سىناعىن تاپسىرۋ؛
* سۇرانىم بەرۋ ءۇشىن الىم تولەۋ - 204$، مەديسينالىق ساقتاندىرۋ جىلىنا - 240$.

وقۋعا ءتۇسۋ تالاپتارى (ماگيستراتۋرا، دوكتارانتۋرا):

* جوو ديپلومى؛
* TOEFL (Test Of English as a Foreign Language): Paper Based — كەمىندە 500 بالل، Internet Based — كەمىندە 61 بالل؛
* جوو وقىتۋشىلارىنان 2 مىنەزدەمە؛
* ترانسكريپت؛
* بارلىق قۇجاتتاردى جاپون تىلىنە اۋدارۋ (نوتاريۋس كۋالاندىرۋىمەن)؛
* EJU (Examination for Japanese University) العاشقى سىناعىن تاپسىرۋ.

دەرەككوز: massaget.kz

---