وتباسى باقىتىنىڭ سىرى
ۇيدەگى تىنىشتىقتىڭ، تۇسىنىستىكتىڭ ەڭ نەگىزگى قاعيدالارىنىڭ ءبىرى – سىرتتاعى ادامدارمەن قالاي سىپايى جانە جاقسى مامىلەدە بولساق، ءدال سونداي مامىلەنىڭ جانۇيا ىشىندە دە بولۋى! سىيلاستىق بولعان ۇيدە باق-بەرەكە دە بولادى.
ەرتەدە ءبىر جاس جىگىت وتباسى ىشىندە قالاي باقىت پەن تىنىشتىق ورناتۋعا بولاتىنىن ىزدەيدى. ادامدار وعان «پالەن اۋىلدا ءبىر شال مەن كەمپىر بار، بىلسە سولار بىلەدى باقىتتى تۇرمىستىڭ سىرىن، ويتكەنى ولاردىڭ ۇرىسقانىن، بىر-بىرىنە داۋىس كوتەرگەنىن ءالى ەشكىم كورگەن ەمەس» دەيدى. جاس جىگىت الگى ايتىلعان ۇيگە بارىپ، امانداسىپ، حال-جاعداي سۇراسقاننان كەيىن ءۇي يەسىنە كەلگەن سەبەبىن ايتادى. قارت كىسى داستارحان باسىنا قوناقتى جايعاستىرىپ وتىرعىزادى. كەمپىرى داستارحانعا ءبىر قاۋىن اكەلەدى. قارت كىسى قاۋىنعا ءبىر قارايدى دا، كەمپىرىنە: «بۇل قاۋىن ونشا پىسپەگەنگە ۇقسايدى، اۋىستىرىپ اكەلەسىڭ بە» دەيدى. ايەلى جارايدى دەپ قاۋىندى كەرى اكەتىپ، تاعى ءبىر قاۋىن اكەلەدى. كۇيەۋى «بۇل دا بولمادى، تاعى باسقاسىن كورشى» دەيدى. ايەلى جارايدى دەپ، تاعى الىپ كەتەدى. قارت كىسى كەلگەن قوناققا: «ايەلىم ونشا تاڭداي الماسا كەرەك، كەتتىك بىرگە بارىپ تاڭداپ كەلەيىك»، دەپ ەكەۋى بىرگە اس ۇيگە كىرەدى. اس ۇيگە كىرگەنىندە ءبىر عانا قاۋىن تۇرعانىن كورەدى. قارت كىسى قوناققا قاراپ: «وتباسى باقىتىنىڭ سىرىن ءتۇسىندىڭ بە» دەپ سۇرايدى. جاس جىگىت «تۇسىنبەدىم» دەپ جاۋاپتايدى. «بالام، ۇيدە ءبىر عانا قاۋىن بار ەدى. مەن بىلەتىنمىن بىرەۋ عانا ەكەنىن، مەنىڭ بىلەتىنىمدى ايەلىم دە بىلەدى. مەن قاۋىندى الىپ كەتىپ باسقاسىن اكەل دەگەنىمدە، جارايدى دەپ اكەتىپ ءدال سونى قايتا اكەلدى. “ەي، شال، سەن الجىعانبىسىڭ، ۇيدە ءبىر عانا قاۋىن بار، نە ايتىپ تۇرسىڭ” دەمەدى. مەن ءبىر نارسە ايتقانىمدا ايەلىم قارسى شىقپايدى، دەرەۋ ايتقانىمدى ورىندايدى. ول دا ءبىر نارسە ايتقانىندا مەن دە ونىڭ كوڭىلىن قالدىرمايمىن. سول سەبەپتى ۇرىس-كەرىس تە بولمايدى. وتباسى باقىتىنىڭ سىرى وسى» دەيدى.
You Might Also Like
-
ءتىرى جاسۋشا كۇردەلى - ديناميكالىق وزگەرىستەر ءوتىپ تۇراتىن جۇيە. وندا زات الماسۋى، جاڭارۋ، ءوسۋ، كوبەيۋ سياقتى وزگەرىستەر بولىپ تۇرادى. جاسۋشانىڭ ءومىر ءسۇرۋ قابىلەتىنە ونىڭ تىركەنىشتىگى، قوزعىشتىعى، ءوس...
-
window.yaContextCb.push(()=>{ Ya.Context.AdvManager.render({ "blockId": "R-A-207161-157"، "renderTo": "yandex_rtb_R-A-207161-157" }) })
