InfoHub Logo

اتىراۋ وبلىسى،
يساتاي اۋدانى، يساتاي سەلوسى
جالپى ءبىلىم بەرەتىن يساتاي ورتا مەكتەبى
باستاۋىش سىنىپ ءمۇعالىمى
تىلەپييەۆا اقبورىق نۋرلىباي قىزى

تاربيە ساعاتىنىڭ ماقساتى:
1) بالالارعا كۇزگى تابيعاتتىڭ ەرەكشەلىگىن ءبىلدىرۋ.
2) كۇز مەزگىلىنىڭ تىرشىلىكتە تيەر پايداسىن، تابيعاتتىڭ وزگەشەلىگىن، قىر - سىرىن تاقپاق، ولەڭ جولدار مەن ناقىل سوزدەر ارقىلى وي - ءورىسىن دامىتۋ. جىل مەزگىلىنىڭ ىشىندەگى كۇز ايىنىڭ الاتىن ورنى جونىندە ايتۋ.
3) بالالاردى تابيعاتتى قورعاۋعا، سۇيۋگە، ايالاۋعا، قاجىرلى ەڭبەك ەتۋگە تاربيەلەۋ.
ساباقتىڭ كورنەكىلىگى: سۋرەتتەر، سىنىپتى بەزەندىرۋ، اپپليكاسيا، جەمىس - جيدەك، كورمە.
1ج. ارۋجان
- ارمىسىزدار، ۇلاعاتتى ۇستازدار!
بارمىسىزدار، جادىراعان جاس دوستار!
بارەكەلدى، مەرەكەلى التىن كۇز قۇتتى بولسىن!
ۋا، حالايىق، حالايىق،
مۇندا نازار سالايىق!
مەرەكەسى حالىقتىڭ
التىن كۇزگە ارنالعان،
كەشىمىزدى باستايىق!

2ج. رينات
قۇرمەتتى «التىن كۇز» مەرەكەسىنە جينالعان مۇعالىمدەر قاۋىمى مەن اتا - انالار جانە وقۋشىلار! داستۇرگە اينالعان «التىن كۇز» مەرەكەسىنە قوش كەلدىڭىزدەر! قاسيەتتى كۇز مەزگىلىن ءبىر سوزبەن ايتىپ جەتكىزۋ مۇمكىن ەمەس. كۇز - بايلىق، كۇز - مولشىلىق، كۇز - قۋانىش، كۇز - شاتتىق دەي وتىرىپ، كۇزدى 2 «ب» سىنىپ وقۋشىلارىنىڭ قاتىسۋىمەن ۇلكەن سالتاناتتى مەرەكەگە اينالدىرىپ وتىرمىز.
1ج. ارۋجان
مىنە، ءبىزدىڭ ومىرىمىزگە تاعى دا ءبىر «التىن كۇز» كەلىپ جەتتى. جاسىمىزعا جاس قوسىلىپ، ءبىر سىنىپقا جوعارىلاپ، تاعى دا ءبىر كۇزدى قارسى الىپ وتىرمىز.
2ج. رينات
تاعى دا كۇز، تاعى مىنە، سارى تاڭدى ۇزاق ءتۇن،
ۋىسىندا تاعى مەن ۇيقى دەيتىن تۇزاقتىڭ.
وي - حوي، شىركىن، تاعى مىنە ءبىر كۇزدى مەن ۇزاتتىم
ءومىرىمنىڭ ەسەيگەنىن سەزىنەمىن كۇزدە مەن.

1ج. ارۋجان
الداعىعا اسىعامىن، وتكەندى استە ىزدەۋمەن،
وي - حوي، شىركىن، بولاشاققا قۇمارمىز ءبىز دەگەن.
ءجۇرشى، جانىم، قوڭىر كۇزدە سەرۋەندەيىك جىراقتا،
قايتقان قۇستىڭ اۋەنىمەن قوشتاسايىق قىراتتا.
2ج. رينات
كۇز وتكەنگە كەيىمەيمىن، ساعىنامىن ءبىراق تا،
قايتىپ بارا جاتىر انە ساعىنىشتار، تىرنالار.
اق قايىڭدار، تال، تەرەكتەر التىن سارى سىرعالار،
تۋعان جەردىڭ كەۋدەسىندە تۇنجىرايدى جىلعالار.
تاقپاقتار ايتۋ
1 وقۋشى ادىلەت
جاڭارتقان عالامدى،
جاڭبىرلى عاجاپ - اي.
وسىناۋ زاماندا،
ورناتقان قازان - اي.
2 وقۋشى ءلازيزا
كۇزدە كەلدى كۇز كەلدى،
كۇدەرىن جاز ۇزگەندى.
كۇز دە كەلدى كۇز كەلدى،
كوكتە بۇلتتار ءجۇزدى ەندى،
كۇز دە كەلدى كۇز كەلدى.
قۇستار مەكەن ىزدەدى.
قوندىرمادى تۇزگە ەلدى.
كۇز دە كەلدى كۇز كەلدى،
كەرەك وقۋ بىزگە ەندى.

3 وقۋشى يلياس
قايتقان قۇستى كوردىڭ بە؟
قاپتاي ۇشقان اۋەلەپ،
كۇتكەن كۇزىم كەلدىڭ بە؟
سىڭسىپ باعىن ماۋەلەپ.
قامبا تولى استىققا،
العىس ساعان التىن كۇز.
ءبىر ۋىس ءدان شاشتىق تا،
قاپ – قاپ قىلىپ الدىق ءبىز.
1ج. ارۋجان
تابيعاتتان بابامىز الا كەلگەن سەكىلدى،
دارحاندىقتى قازاققا دالا بەرگەن سەكىلدى.
ەركەلىكتى، ەرىكتى جەلدەن العان سەكىلدى،
مولدىرلىكتى كوگىلدىر كولدەن العان سەكىلدى - دەپ قادىر مىرزالييەۆ اعامىز جىرلاعانداي بۇگىنگى كۇزگى مەرەكەمىزدى تابيعاتتى ايالاۋ. تابيعات سۇلۋلىعىن ساقتاۋ تاقىرىپتارىمەن ۇشتاستىرساق ارتىق ايتپاعان بولار ەدىك.

كۇزدىك كورمە. /وقۋشىلار جاساپ كەلگەن بۇيىمدارىن كورسەتىپ، اڭگىمەلەيدى/
4 وقۋشى امانگۇل
ارتتى قۇت پەن بەرەكە،
استىق تولى مەرەكە.
سالتىمىز عوي مەرەكە،
التىن كۇزدى تويلايمىز.
5 وقۋشى راۆيل
قىزىل قىرمان باسىندا،
اق بيدايدى ساپىرعان.
ديقانداردىڭ قاسىندا،
كۇز ەسەپشى وتىرعان.
6 وقۋشى داناگۇل
اعاشتاردان جاپىرلاپ،
ۇشتى كەنەت جاپىراق.
وي، الاقاي تاماشا،
شاشۋ شاشتى جاپىراق.
2ج. رينات
ەركە ءوسىپ ەن جايلاعان ۇل مەن قىز،
بارىنە سالەم جولداپ جۇرەكتەن ءبىز.
ءتاتتى كۇي، اسقاق ءان مەن اسەم ءبيدى،
سىزدەرگە تارتۋ ەتىپ ءبىز دە تۇرمىز.

1ج. ارۋجان
ءان: قۇستار قايتىپ بارادى.
7 وقۋشى ەرلان
كورىنىپ ەلىمە
كۇندەرى مەرەكە
كەلدى عوي جەرىمە
كۇز دەيتىن مەرەكە

8 وقۋشى دارىن
التىن سارى قىزىل كوك
الۋان - الۋان جاپىراق
كۇزگى باقتا كۇلىمدەپ
كوز تارتادى اتىراپ
9 وقۋشى تورەحان
بۇلتيىپ ءبۇيىرى
قۇلايدى قىردان مال
كۇزگى باقتا كۇلىمدەپ
كوز تارتادى اتىراپ
1 ج ارۋجان
دەمەڭىزدەر ءبىز ونەردى اياپ قالدى
مەزگىلدە ءبىراز جەرگە تاياپ قالدى
باعا بەرىپ داستارقان مازىرىنە
كۇزدىك دامگە شاقىرساق قوناقتاردى

2ج رينات
قىزداردىڭ دايىنداعان سالاتى
10 وقۋشى نۇرلىگۇل
قاراشى دالاعا
رەڭى سارى الا
ءپىستى الما سالبىراپ
سارعايدى بال قۇراق
اسپاندا قاپتاعان
ءبىر تىنىش تاپپاعان
جوڭكىلىپ كەلەدى
سۋىق جەل ەسەدى

11 وقۋشى تاحمينا
بەرەكەسىن جيناۋعا
ولكەمىزگە كۇز كەلدى
جەمىستەرىن جيناۋعا
شاقىرادى بىزدەردى.
قۇستار قايتتى ءان سالىپ،
بۇلت تورلادى اسپاندى.
قىس كەلەدى جار سالىپ،
كۇزگى سۋىق باستالدى.

12 - وقۋشى گۇلناز
التىن كۇز ءسىز بەن بىزگە شۋاق شاشسىن،
كوڭىلدىڭ سەرىپپەلى كۇيىن اشسىن.
ب ا ق پەنەن شاتتىق بىرگە قاتار قونىپ،
بىزدەرگە بىرلىكپەنەن ورتاقتاسسىن.

1 - ج: ارۋجان
كەلتىرەتىن ءاردايىم سەزىم كۇيىن،
قارسى الايىق، ءلازيزانىڭ شىعىس ءبيىن.

قورىتىندى
ءبىلىم – تەڭىز، مەكتەپتى كەمە دەيمىز،
ءبىلىم مەنەن تاربيە ەگىز دەيمىز.
ادەبى مەن ءتالىمى ۇندەسەتىن،
جاستاردى بولاشاققا جەتەلەيمىز.
قوش دەيمىز ءالى تالاي كەشتەر بار،
ونەرلەرىڭ ورلەي بەرسىن ۇلاندار،
ويلى ورتا كەڭەيسىن كۇننەن - كۇنگە، وسكەن ەلدىڭ جۇرتىنان قالىسپاڭدار - دەي وتىرىپ، بۇگىنگى وي - حوي، شىركىن، تاعى دا كۇز اتتى كەشىمىزدى اياقتاي كەلە نازارلارىڭىزعا «كۇزگى ءتۇس» ءۆالسىن ۇسىنامىز.
ۆالس: وقۋشىلار بيلەيدى.
ءسوز كەزەگىن ۇستازدارعا بەرەمىز.