ويتولعاۋ
قازاق حالقىنىڭ ءتول ونەرى باعالى مۇرالارعا باي.ءاربىر جاعداياتتىڭ كوركەم جەتكىزىلگەنى سونشالىق، ءىشى-باۋىرىڭا جايلاپ، جۇرەگىڭدى ەرىكسىز جاۋلاپ الادى.ۇلى جازۋشىلاردىڭ ءوي-ورىسىڭدى كەڭەيتىپ، ساناڭداعى كۇدىككە تولى مۇڭدى سەيىلتەتىن شىعارمالارى-"قازاعىم!" دەپ كۇن كەشەتىن اسىل پەرزەنتتەردىڭ جۇرەگىنەن ويىپ تۇرىپ ورىن الاتىنى حاق.ال وسىنداي جايتتار التى الاشتىڭ ارداقتى ازاماتى جۇسىپبەك ايماۋىتوۆتىڭ "اقبىلەك" اتتى تۋىندىسىندا كورىنىس تابادى.
كەڭ دالانىڭ ەركە ارۋى بولىپ بوي جەتكەن اقبىلەك - قيلى كۇندەر مەن ازاپتى عۇمىردى باستان كەشىرەدى.ەل اراسىندا ورىن العان كۇرمەۋى شەشىلمەس وقيعانىڭ اسەرىنەن ورىمدەي جاس اياۋلى ءارى ارداقتى اناسىنان ايرىلادى.ىنگەنىن جوعالتقان بوتاداي ويعا تولى كوزدەرى مولدىرەپ، جاسقا تولادى.مىنەكي، بۇل-اقبىلەكتىڭ جانىن جەگىدەي جەگەن قورلىقتىڭ باستاۋ الۋى.ارىن-جانىنان ارتىق كورەتىن ارۋدىڭ ءومىرى وكسىككە تولىپ، جىگەرى اياققا تاپتالىپ، بولاشاعى ويراندالادى.ءتۇتىنىن ءتۇزۋ تۇزەتكەن تۋعان جەرىنە دەگەن ىستىق ماحابباتى-وقىرمان جۇرەگىن تەربەيدى.ازاپپەن ارپالىسىپ، ساعىنىش سەزىمى جۇرەگىن اتتاي تۋلاتىپ، ەل-جۇرتىنا ورالادى.ءبىراق، ءبارى تىم كەش ەدى.اقبىلەك سۇلۋدىڭ كورگەن قورلىعىمەن تۇگەلدەي تانىسقان اۋىل حالقى وسىنى تىلدەرىنە تيەك ەتىپ، وتباسىسىنىڭ قاسىقتاپ جيعان ابىرويىن-شەلەكتەپ توگەدى.قانداي مۇڭلى دەسەڭىزشى؟! دەگەنمەن، شىعارمادا اقىلىنا كوركى ساي نازىك جاندىلاردىڭ قايسارلىقپەن كۇن كەشۋى ايقىن سۋرەتتەلەدى.بىرنەشە جىلدى وتكەرىپ، اقبىلەك نارەستەسىن ومىرگە اكەلىپ، ءبىلىم قۋىپ، جىراققا كەتەدى.كوكىرەك كوزى اشىلىپ، مادەنيەتتىلىكتى پاش ەتەتىن حالىقپەن ءسىڭىسىپ، عۇمىرىن گۇلدەندىرىپ، ەسكى جارانى ۇمىتادى.ومىرىنە جاڭا لەپ سىيلاعان كەرەمەت كۇندەر اقبىلەكتىڭ جارالانعان جۇرەگىن جىبىتەدى.تۋىندى سوڭىندا جاقسىلىققا كەنەلگەن ارۋ-قاراڭعى تۇنەكتى قاق جارىپ، كوزگە تۇسەدى.قۇرمەتى ارتىپ، جاقىن جاندارىنىڭ ماقتانىشىنا اينالىپ، تالكەككە تولى تاعدىردى وجەتتىلىككە تولتىرىپ، شىڭعا شىعىپ، بيىكتى باعىندىرادى.تۋىندىنىڭ نەگىزگى ويى-قىرىق شىراقتى جاندارعا باعىتتالادى.قانداي جاعداي بولماسىن، كوڭىلىمىزگە نۇر تۇسىرەتىن كۇندەردىڭ ورىن الاتىنىنا سەنە ءبىلۋىمىز قاجەت.توزىمدىلىك پەن باتىلدىقتى جىراق قالدىرماعانىمىز ابزال.تاعدىر سىناقتارىنا قاسقايىپ قارسى تۇرۋ-ادامي قاسيەتىمىز.شىعارمامەن تانىسىپ، وسى ۇعىمنىڭ تۇبىنە تەرەڭ بويلاي ءتۇستىم...
You Might Also Like
-
قاي كەزدە بولسىن ەل ەركەسى بولعان ەرلەرگە ەشكىم دە تىزەسىن باتىرىپ، تىلىنە تىيىم سالا الماعان. حالقىمىز ولارمەن اي سايىن بولماسا دا، جىل سايىن ماسليحات-كەڭەس قۇرىپ وتىرۋدى زور عانيبەت، جان سەرگىتەر...
-
قوناق بولىپ وتىرعان قاتپا اقىنعا بايدىڭ پۇشىق مۇرىن كەلىنشەگى كۇلىمسىرەي قاراپ:
