ۆيدەودان سكرينشوت
"ءوز قۇداعيىنا ۇيلەنگەن": بالالارى ۇردى دەگەن ەر ادامنىڭ ايەلى شىندىقتى ايتتى
جەتىسۋ وبلىسىندا بۇعان دەيىن بالالارىنان قىسىم كورىپ جۇرگەنىن ايتىپ، كومەك سۇراعان ەر ادامنىڭ مالىمدەمەسىنە قاتىستى جاڭا دەرەكتەر پايدا بولدى.
بۇعان دەيىن باقىتبەك ەسىمدى ازامات بالالارى اقشا تالاپ ەتىپ، بەرمەسە كۇش كورسەتەتىنىن، ءتىپتى ايازدى كۇنى دالاعا تاستاپ كەتكەنىن ايتىپ، قۇقىق قورعاۋشىلاردان كومەك سۇراعان بولاتىن.
الايدا، بۇل جاعدايعا بايلانىستى ونىڭ جۇبايى الەۋمەتتىك جەلىدە جاۋاپ بەرىپ، ايتىلعان مالىمەتتەردىڭ شىندىققا جاناسپايتىنىن مالىمدەدى.
«وتىرىك ايتىپ وتىر. بالالارى وعان سەبەپسىز تيىسپەيدى. مەن باقىتبەكتىڭ نەكەلى ايەلىمىن. باقىتبەك بالالارىم سابايدى دەپ وتىرىك ايتىپ وتىر. بالالاردىڭ وعان رەنىشى بارى راس. سەبەبى باقىتبەك ءوزىنىڭ تۋعان قۇداعيىنا ۇيلەنگەن. بالالار سودان نامىستانىپ، وعان رەنىشتەرىن ءبىلدىرىپ، سويلەيتىنى راس. ءوزىنىڭ تۋعان قۇداعيىنا ۇيلەنگەن ادامدى كىم سىيلاسىن»، - دەپ جازدى ول.
وسىلايشا، وتباسى ىشىندەگى جاعدايعا قاتىستى ەكى ءتۇرلى پىكىر ايتىلىپ وتىر. قازىرگى ۋاقىتتا بۇل ماسەلەگە بايلانىستى رەسمي ورگاندار تاراپىنان ناقتى تۇسىنىكتەمە بەرىلگەن جوق.
-
جەتىسۋ وبلىسى، كەربۇلاق اۋدانىنداعى كوكتال اۋىلىندا سۋ تاپشىلىعىنان تۋىنداعان قيىندىقتار مەن تۇرعىنداردىڭ تاعدىرى باياندالادى.
-
A man's claim of abuse by his children is contradicted by his wife، who alleges he married his own daughter-in-law.
