InfoHub Logo

وزگە ەلدىڭ اتىنان سوعىسقاندار سوتتالادى – ءىىم ەسكەرتۋ جاسادى،دەپ حابارلايدى Infohub.kz.

قازاقستان ازاماتتارىنا بوتەن ەلدىڭ اسكەري ارەكەتتەرىنە قاتىسقانى ءۇشىن قاتاڭ جازا قاراستىرىلعان. ىشكى ىستەر مينيسترلىگى قازاقستاندىقتارعا تاعى ءبىر مارتە ەسكەرتۋ جاساپ، شەت مەملەكەتتەردىڭ اسكەري قاقتىعىستارىنا قاتىسقان جاعدايدا 5 جىلدان 9 جىلعا دەيىن باس بوستاندىعىنان ايىرىلۋى مۇمكىن ەكەنىن مالىمدەدى. ال جالداپ سوعىسقان جاعدايدا جازا ودان دا اۋىر – ءومىر بويىنا سوتتالۋى مۇمكىن.

بۇل مالىمدەمە ۋكراينا قورعانىس مينيسترلىگىنىڭ «ءومىر سۇرگىم كەلەدى» جوباسى اياسىندا جاريالانعان دەرەكتەردەن كەيىن جاسالدى. جوبادا رەسەيلىك ارميا قۇرامىندا 661 قازاقستان ازاماتى سوعىسىپ جاتىر، ال ونىڭ 78ء-ى مايداندا قازا تاپقانى ايتىلعان.

سونىمەن قاتار، الەۋمەتتىك جەلىلەردە رەسەي ارمياسىنا جالدامالى سارباز رەتىندە قاتىسۋعا ۇگىتتەيتىن جارنامالار كوبەيىپ كەتكەن. ورتالىق ازيادان كەلگەندەرگە 3،5 ملن رۋبل كولەمىندە سىياقى ۋادە ەتىلەدى.

ساراپشىلار مۇنداي ۇسىنىستارعا سەنىپ، ازاماتتاردىڭ سوعىسقا اتتانىپ جاتقانىنا الاڭداۋلى. ولار قارجىلاي قىزىعۋشىلىقتىڭ سالدارى قايتار جولى جوق شەشىمگە اپارىپ سوعاتىنىن ەسكەرتەدى.