InfoHub Logo

اقش پەن جۇڭگو اراسىنداعى ساۋدا شيەلەنىسى جاڭا بەلەسكە كوتەرىلدى. اق ءۇيدىڭ باسپا ءسوز حاتشىسى كەرولاين ءليۆيتتتىڭ مالىمدەۋىنشە، پرەزيدەنت دونالد ترامپ قىتايعا سالىنعان باج سالىعىن 104%-عا كوتەرۋ تۋرالى شەشىم قابىلدادى. جاڭا تاريفتەر بۇگىننەن باستاپ كۇشىنە ەنەدى.بۇل تۋرالى Infohub.kz حابارلايدى.

بۇعان دەيىن ترامپ قىتايدان قارىمتا تاريفتەردەن باس تارتۋدى تالاپ ەتكەن بولاتىن. الايدا بەيجىڭ اقش-پەن سوڭىنا دەيىن كۇرەسۋگە دايىن ەكەنىن اشىق جەتكىزدى. اق ءۇي وكىلى مۇنى جۇڭگو تاراپىنان "ۇلكەن قاتەلىك" دەپ باعالادى.

> «پرەزيدەنت امەريكاعا شابۋىل جاسالعاندا، جاۋىنا ەكى ەسە سوققى بەرەدى. جۇڭگو كەلىسىمگە كەلۋدىڭ ورنىنا جاۋاپ قايتارۋدى تاڭدادى. بۇل – ستراتەگيالىق قاتە»، – دەدى ليۆيتت.

الەمدىك ەكونوميكانىڭ ەكى الىبى اراسىنداعى بۇل تەكەتىرەس ەندى اشىق ساۋدا سوعىسىنا اينالعانداي.

وتكەن اپتادا ترامپ تەك قىتايمەن عانا ەمەس، الەمنىڭ باسقا ەلدەرىنە دە قارىمتا سالىق ەنگىزگەن بولاتىن. اق ءۇيدىڭ مالىمەتىنشە، 70-كە جۋىق مەملەكەت كەلىسسوزدەر جۇرگىزۋگە ءوتىنىش بىلدىرگەن. ال ەۋرووداق ترامپتىڭ بۇل ارەكەتىنە جاۋاپ رەتىندە قارسى شابۋىل امالدارىن قاراستىرىپ جاتىر.

سونىمەن بىرگە، ترامپ ەۋروپاعا جەڭىلدىكتەر جاساۋ ءۇشىن اقش-تان 350 ملرد دوللار كولەمىندە ەنەرگەتيكالىق شيكىزات ساتىپ الۋدى ۇسىندى. ونىڭ پىكىرىنشە، بۇل ساۋدا تاپشىلىعىن ازايتىپ، سالىقتىق جۇكتەمەنى تومەندەتۋگە كومەكتەسەدى.