وزىمە ءوزىم موتيۆاتورمىن
ءيا،بۇگىن ادەتتەگىشە تاڭعى ساعات 4:47 دە ويانىپ الدىم. دالا ءالى تاس قاراڭعى. The Ritz Carlton-نىڭ شامدارى ايقىن كورىنىپ تۇر. قۇلاققابىمدى الىپ ليريكالىق مۋزىكانى قوسىپ نايزاداي كىرپىكتەرىمدى بىر-بىرىنە ايقاستىردىم. مۋزىكانىڭ جەتەگىمەن كوز الدىما تامىلجىعان تامىز ايىنىڭ بەينەسىن الىپ كەلدىم.
اق جايىقتىڭ جاعالاۋىندا ەركەلەپ سۋمەن ويناپ كەلە جاتقان ايشا. سامال جەل قويۋ قارا جىبەكتەي شاشتارىن اقىرىن عانا قوزعالتىپ قويادى. سىڭعىرلاعان بيكەشتىڭ كۇمىس كۇلكىسىمەن بىرگە اندەتكەن قۇستار دا وسى كەشتىڭ ءسانىن كەلتىرىپ تۇرعانداي. كۇننىڭ نۇرى باتىستا ەرەكشە باتۋشى ەدى. مىنە قازىردە تۋرا سولاي، قىپ-قىزىل بولىپ كوزدىڭ جاۋىن الىپ، جانىڭدى جايلاندىرىپ ۇياسىنا باعىتتاپ بارادى. اق جايىقتىڭ تولقىنى بىر-بىرىمەن جارىسا جاعاعا كەلىپ-كەتىپ جاتىر. قايىڭداي ءتۇزۋ،اپپاق اياقتارىمەن ايشادا وسى تولقىننىڭ كەلۋىن كۇتىپ ويناپ ءجۇر. كوبەلەكتەردە دە ەركە قىزبەن بىرگە ويناعىسى كەلگەندەي جانىنان كەتەر ەمەس. سۇلۋ بيكەشتىڭ سۇيىرلەنگەن قۇلاقتارى، اققۋداي مويىنى، اققۇبا كەلبەتى ءبارى-بارى تامىزدىڭ تامىلجىعان كەزىنە جاراسىپ-اق تۇرعانداي. قانداي عاجاپ كورىنىس دەسەڭشى...
«جانوك،ۇيىقتاپ قالما! ساباققا باراسىڭ عوي»-دەگەن جانىمداعى كورشى قىزدىڭ داۋىسىنان ويانىپ كەتتىم. ويانا سالا، كۇندەگى ادەتىم بويىنشا تەرەزەگە قارادىم؛ تاعى دا اق ۇلپا قار جاپالاقتاپ تۇر ەكەن. كۇن ءوز ۇياسىنان بۇگىن تىم كەش شىعادى-اۋ دەپ ويلاپ جاتىرمىن. قاھارلى قىستىڭ كورىنىسىن كورىپ، قيالىمنىڭ شەكسىزدىگىنەن جاساپ العان ءتۇسىمدى ەسكە الىپ تەزىرەك جاز بولسا ەكەن دەپ ىشتەي وزىممەن ءۇنسىز سويلەسىپ تاعى دا سىرتقى كورىنىسكە نازار سالدىم. قىس تا ادەمى. اينالا اق قار. پەيىلى تازا،اپپاق بولعان بۇل مەزگىلدىڭ دە ءتاتتى تۇستارى جەتەرلىك. وسىنى ويلاپ جاتقان شاعىمدا الاتاۋدىڭ ارعى جاعىنان شيكى جۇمىرتقانىڭ سارىلىعىنداي بولعان كۇن ساۋلەسىنىڭ جىميىپ شىعىپ كەلە جاتقانى دا بايقالدى. ءتۇۋ،شىركىن. قانداي كەرەمەت! پەردەمنىڭ اراسىنان سىعالاعان كۇننىڭ شۋاعى مەنىڭ تاڭعى كوڭىلىمدى نۇرلاندىرىپ جىبەردى! قايىرلى تاڭ!
You Might Also Like
-
-مەن ءبىراز وزگەرىپپىن. الماتى دا وتباسىممەن بىرگە تۇرىپ جاتىرمىن. جاقىن ارادا قىز ۇزاتۋ بولادى ەكەن دەيمىن ، ءبارى سوعان قىزۋ دايىندالۋدا. بولاشاق جۇبايىم قۋانىپ، ءماز بولىپ تويدىڭ شارۋاسىمەن شاپقىلا...
-
اسەت نايمانباي ۇلى (1867-1922) — اقىن، انشى-كومپوزيتور. ول قازىرگى شىعىس قازاقستان وبلىسى ءۇرجار اۋدانىنىڭ باقتى اۋىلىندا دۇنيەگە كەلگەن. اسەت كەدەي شارۋا وتباسىنان شىققانىمەن، ەسكىشە وقىعان، ك...
