InfoHub Logo

تاقىرىبى: وزىق ويلى تاپقىرلار
ماقساتى:
1) وقۋشىلاردىڭ ماتەماتيكاعا دەگەن قىزىعۋشىلىعىن ارتتىرۋ، ماتەماتيكالىق ويلاۋ قابىلەتىن دامىتۋ، العان بىلىمدەرىن تەرەڭدەتۋ، كەڭەيتۋ، ەسەپتەۋ داعدىلارىن جەتىلدىرۋ.
2) وقۋشىنىڭ پانگە دەگەن قىزىعۋشىلىعىن ارتتىرۋ. وقىعانىن ەستە ساقتاي بىلۋگە، ءتيىمدى تاسىلدەردى تەز تاڭداي بىلۋگە داعدىلاندىرۋ. وي - ءورىسىن كەڭەيتۋ، لوگيكالىق ويلاۋ قابلەتتەرىن دامىتۋ، ۇجىمشىلدىق قابلەتتەرىن دامىتۋ.
3) وقۋشىلاردىڭ زەيىنىن، ويلاۋ، زەردە پروسەستەرىن دامىتۋ. سىيلاستىققا جانە ۇيىمشىلدىققا، الدارىنا قويعان ماقساتتارىنا جەتۋگە تاربيەلەۋ جانە جەكە تۇلعا ەتىپ قالىپتاستىرۋ.

كورنەكىلىكتەر:
سايىسقا قاجەت فورماتتاعى ماتەماتيكالىق كەستەلەر، سۋرەتتەر، تاپسىرمالار، ۇلەستىرمە كارتوچكالار، مۋلتيمەديالىق پروەكتور
ءتۇرى: توپتىق سايىس
جوسپارى:
1. توپتىڭ ءوزىن تانىستىرۋى
2. تاپقىرلىق سايىسى (لوگيكالىق ەسەپتەر)
3. بىلىكتىلىك سايىسى (تاقتادا تاپسىرما بەرىلەدى)
4. «ءبىلىم ارقان» سايىسى ( ءار توپقا الگەبرا جانە گەومەتريا پاندەرىنەن ءبىر تاقىرىپتا فورمۋلالاردى قۇراستىرۋ)
5. شىعارماشىلىق جۇمىس ( ولەڭ شۋماقتى ءوز ويلارىمەن جالعاستىرۋ)
قولدانىلعان ناقىل سوزدەر:
1. اريفمەتيكا ماتەماتيكانىڭ، ال ماتەماتيكا عىلىمداردىڭ پاتشاسى. (ك. گاۋسس)
2. اقىل - ويدى تارتىپكە كەلتىرەتىن ماتەماتيكا. (م. ۆ. لومونوسوۆ)
3. ماتەماتيكا – بارلىق عىلىمداردىڭ تۇڭعىشى جانە ولارعا پايدالى دا، قاجەت تە. (ر. بەكون)
4. ماتەماتيكانىڭ ءوز ءتىلى بار – ول فورمۋلا. (سوفيا كوۆاليەۆسكايا)

جۇرگىزۋشى:
سالەمەتسىزدەر مە، وقۋشىلار!
ناقتى عىلىمدارعا قىزىعۋشىلار.
ەستىگەنىن ەستە تۇتىپ،
وقىعانىن ميعا توقۋشىلار.
سالەمەتسىزدەر مە، ۇستازدار!
ايتار ويىن تۇسپالدار.
ءسىز وقىتقان وقۋشىلاردىڭ،
ءساتى كەلدى سىنالار.
قايىرلى كۇن قادىرمەندى ۇستازدار مەن جارىسقا قاتىسۋشى وقۋشىلار! بۇگىنگى «وزىق ويلى تاپقىرلار» اتتى 9”ا” جانە 9”ب” سىنىپتارى اراسىندا وتكىزىلگەلى وتىرعان ماتەماتيكالىق جارىسىنا قوش كەلدىڭىزدەر! بۇگىنگى جارىس توپتىق سايىس تۇرىندە وتەدى.
ءادىل قازى، اق قازىعا ءبىر سالەم،
ادىلدىككە باس يەدى كۇللى الەم.
جۇيرىك وزار سايىستاردا نەشە ءبىر،
ساراپقا ساپ، ادىلدىكپەن شەشە ءبىل! - دەپ، بۇگىنگى سايىسقا ءادىل باعا بەرەتىن ءادىل قازىلار القاسىمەن تانىس بولىڭىزدار.
----------------------------------------
بىلەكتى ءبىردى جىعار،
ءبىلىمدى مىڭدى جىعار - دەگەن. بۇگىنگى جارىسىمىزدىڭ 9 ا سىنىپ وقۋشىلارىنىڭ ۇشقىر ويلىلارىنان جانە 9 ب سىنىپتىڭ العىرلارىنان قۇرالعان توپتارعا قوشەمەت كورسەتىپ قويايىق.

بۇگىنگى جارىسىمىز 4 كەزەڭنەن تۇرادى.
1 كەزەڭ. تاپقىرلىق سايىسى «جورعا».
2 كەزەڭ. بىلىكتىلىك سايىسى.
3 كەزەڭ. «ءبىلىم ارقانى»
4 كەزەڭ. شىعارماشىلىق كەزەڭ.

ماتەماتيكا سىرلارى،
قىزىقتىردى بىزدەردى.
ويىنعا بىرگە قاتىسۋعا،
شاقىرامىز سىزدەردى، - دەي وتىرىپ ماتەماتيكالىق جارىسىمىزدى باستايمىز. جارىستىڭ العاشقى كەزەڭى «جورعا»، ءار توپقا 15 سۇراقتان بەرىلەدى. ۋاقىت شەكتەۋلى. 5 مينۋت ىشىندە 15 سۇراققا جاۋاپ بەرۋ قاجەت. ءار سۇراق 1 ۇپايمەن باعالانادى.
(سلايد 3: ەكى ستەرەومەتريالىق دەنە بەرىلگەن. ءار توپ وسى ەكى دەنە الا وتىرىپ ونداعى سۇراقتارعا جاۋاپ بەرەدى)

«پاراللەلەپيپەد» ستەرەومەتريالىق دەنەدە بەرىلگەن تاپسىرمالار:
1. ەكى قابىرعاسى تەڭ ءۇشبۇرىش (تەڭ ءبۇيىرلى)
2. جازىقتا قيىلىسپايتىن ەكى ءتۇزۋ (پاراللەل)
3. قاراما - قارسى قابىرعالارى پاراللەل بولىپ كەلگەن ءتورتبۇرىش (پاراللەلوگرامم)
4. بەرىلگەن بۇرىشقا قارسى جاتقان كاتەتتىڭ گيپوتەنۋزاعا قاتىناسى (سينۋس)
5. بارلىق قىرلارى تەڭ تىك بۇرىشتى پاراللەلەپيپەد (تەكشە)
6. گەومەتريانىڭ جازىقتىقتاعى زەرتتەيتىن ءبولىمى (پلانيمەتريا)
7. - ءدىڭ ءمانى نەگە تەڭ؟ (3، 14)