InfoHub Logo

كلاسى: 5
ساباقتىڭ تاقىرىبى: «PAINT گرافيكالىق رەداكتورى» (پرەزەنتاسياسىمەن)
ساباقتىڭ ماقساتى:
بىلىمدىلىك: وقۋشىلاردىڭ Paint رەداكتورى تۋرالى تۇسىنىكتەرىن جيناقتاۋ، ولاردىڭ بىلىمدەرىن باقىلاپ، باعالاۋ.
دامىتۋشىلىق: وقۋشىلاردىڭ ويلاۋىن، كومپيۋتەرلىك ساۋاتتىلىعى مەن ىسكەرلىگىن، العان بىلىمدەرىن پراكتيكادا قولدانا بىلۋگە، تانىمدىق قابىلەتىن، لوگيكالىق ساۋاتتىلىعىن دامىتا وتىرىپ، ولاردىڭ پانگە دەگەن قىزىعۋشىلىعىن، بەلسەندىلىگىن ارتتىرۋ.
تاربيەلىك: پانگە، بىلىمگە، شىعارماشىلىققا، توپتا بىرلەسە جۇمىس ىستەۋگە، تارتىپتىلىككە، ۇقىپتىلىققا تاربيەلەۋ، شىعارماشىلىق قابىلەتى بار جەكە تۇلعانى قالىپتاستىرۋ.
ساباقتىڭ ءتيپى: پراكتيكالىق ساباق
ءپانارالىق بايلانىس: بەينەلەۋ ونەرى، قازاق ءتىلى، ديزاين.

ساباقتىڭ بارىسى:
ۇيىمداستىرۋ.
ءۇي تاپسىرماسىن تەكسەرۋ:
1. «ينتەللەكت كارتا» قۇراستىرىڭىز (جالعاستىرىڭىز)
2. «گۇل تەرۋ» ويىنى.
3. تاپسىرما. مىسىق سۇراق قويادى.

مىسىق قاتارىنان بىرنەشە كۇن PAINT گرافيكالىق رەداكتورىندا سۋرەت سالدى. ول ونى كۇشىكتىڭ تۋعان كۇنىنە سىيلاماقشى ەدى. سۋرەت دايىن بولار كەزدە، مىسىقتىڭ بوياۋى توگىلىپ، بۇكىل سۋرەتىن جاۋىپ كەتتى. باسقا سۋرەت سالعانعا مىسىقتىڭ ۋاقىتى جوق. ول قاتتى رەنجىدى. وعان قالاي كومەكتەسەمىز؟
سوڭعى ارەكەتتى قالاي قايىرامىز؟................................................................................
كەڭەس بەرگەندەرىڭە مىسىق وتە ريزا بولدى. ونىڭ قۋانعانى سونشا، ءبىر رەت ورىنداۋدىڭ ورنىنا ءۇش رەت ورىنداپ، سۋرەتتىڭ ەڭ ماڭىزدى بولىكتەرىن جوعالتىپ الدى. ول تاعى جىلاپ وتىر. سەنىڭ كومەگىڭدى كۇتەدى.
ورىنداعان ارەكەتتى قالاي كەرى قايتارۋعا بولادى؟......................................................

پراكتيكالىق جۇمىس.
№ 1 تاپسىرما. قاراقشى.
ۇزىندىلەردى جىلجىتا وتىرىپ، قاراقشىلاردى كيىندىر، سودان كەيىن كيىمىن قايتا اۋىستىرىپ كيىندىر. سۋرەتكە تومەندەگى ءماتىندى ەنگىز.
- قاراقشى، قاراقشى،
قىزىق ەكەن قالپاعىڭ.
جەيدەڭ دە بۇگىن وزگەشە،
كيىپ الدىڭ سەن نەگە؟

- مەن شالعىندا وينايمىن،
قالپاقپەن كوبەلەك ۇستايمىن.
№2 تاپسىرما.
قۋىرشاقتار (ماترەشكالار).
1. سىزىق، قيسىق سىزىق، دوڭگەلەنگەن تىك ءتورتبۇرىش قۇرالدارىنىڭ كومەگىمەن ەڭ ۇلكەن ماترەشكانىڭ جارتىسىن سال.
2. ونى كوشىر دە، سولدان ونعا بەينەسىن ءتۇسىر.
3. ماترەشكانىڭ جارتىلارىن قوس.
4. ءبىرىنشى ماترەشكانى ءتورت كوشىرمەسىن كىرىستىر.
5. سوزۋ / ەڭكەيتۋ كوماندالارىنىڭ كومەگىمەن ءاربىر كوشىرمەنىڭ ولشەمىن وزگەرت (كىشىرەيت).
6. ۇزىندىلەردى جىلجىتا وتىرىپ، ماترەشكالاردى بويىنا قاراي ءبىر قاتارعا ورنالاستىر.
№3 تاپسىرما.
وزدەرىڭدى جارناما جاسايتىن اگەنتتىكتىڭ قىزمەتكەرى دەپ ەلەستەتىڭدەر. سىزدەرگە «ويىنشىقتار» دۇكەنى، «گۇلدەر سالونى»، «ىدىس - اياق» دۇكەنى، «ەلەكترونيكا الەمى»، «كونديتەر ونىمدەرى» دۇكەنى ت. ب. وبەكتىلەردەن تاپسىرىس ءتۇستى. وزدەرىڭە ۇناعان ءبىر تاقىرىپقا Paint رەداكتورىنىڭ بارلىق مۇمكىندىكتەرىن قولدانا وتىرىپ جارناما جاساۋلارىڭىز ۇسىنىلادى.

رەفلەكسيا.
1. بۇگىنگى ساباقتا Paint تۋرالى نە بىلدىڭىزدەر؟
2. سىزدەردى گرافيكالىق رەداكتوردىڭ قانداي ەرەكشەلىگى تاڭقالدىردى؟
سويلەمدى اياقتاڭدار:
• بۇگىنگى ساباقتا ماعان …………… قىزىقتى بولدى.
• بۇگىنگى ساباقتا ماعان …………… ۇنادى.
• بۇگىنگى ساباقتا ماعان…………… قيىن بولدى.
• بۇگىن ساباقتا مەن………………… ۇيرەندىم.
• بۇگىنگى ساباق ماعان ……………… كورسەتتى.
• بولاشاقتا مەن ………………………

ءۇي تاپسىرماسى: «قىس» تاقىرىبىنا كومپوزيسيا ويلاستىرىپ كەلۋ.
«ۇزىندىلەرمەن جۇرگىزىلەتىن ارەكەتتەر» تاقىرىبىن قايتالاۋ.
وقۋشىلاردى باعالاۋ.
ساباقتى اياقتاۋ.