پاكىستان ترامپتى نوبەل سىيلىعىنا ۇسىندى – اقش ەكس-پرەزيدەنتى بۇل ماراپاتقا لايىق دەپ سانايدى، ءبىراق الاتىنىنا سەنبەيدى
پاكىستان ۇكىمەتى دونالد ترامپتى بەيبىتشىلىك سالاسىنداعى نوبەل سىيلىعىنا ۇسىندى. ەل بيلىگى اقش-تىڭ بۇرىنعى پرەزيدەنتى ءۇندىستان مەن پاكىستان اراسىنداعى شيەلەنىستى باسەڭدەتۋگە جانە ايماقتاعى تۇراقتىلىقتى ساقتاۋعا ۇلكەن ۇلەس قوستى دەپ ەسەپتەيدى.
يسلامابادتىڭ مالىمدەۋىنشە، ترامپ ەكى يادرولىق دەرجاۆا – ءۇندىستان مەن پاكىستان اراسىنداعى قاتىناستى ديپلوماتيالىق جولمەن رەتتەۋدە «ستراتەگيالىق كورەگەندىك پەن مەملەكەتتىك دانالىق» تانىتقان. بۇل تۋرالى پاكىستان ۇكىمەتى X (بۇرىنعى Twitter) جەلىسىندەگى رەسمي پاراقشاسىندا حابارلادى.
ايتا كەتەيىك، ترامپ بۇعان دەيىن دە نوبەل سىيلىعىنا ۇسىنىلعان بولاتىن. 2021 جىلى ول سوڭعى 30 جىلدا سوعىس باستاماعان العاشقى اقش پرەزيدەنتى رەتىندە كانديداتتار تىزىمىنە ەنگەن ەدى.
Truth Social الەۋمەتتىك جەلىسىندە پىكىر بىلدىرگەن ترامپ:
«مەن بۇل ماراپاتقا ابدەن لايىقپىن، ءبىراق ونى ەشقاشان المايمىن»، – دەپ جازدى.
ءۇندىستان مەن پاكىستان اراسىنداعى وق اتۋدى توقتاتۋ تۋرالى كەلىسىمنىڭ اقش-تىڭ اراعايىندىعىمەن قالاي جۇزەگە اسقانى تۋرالى تولىق اقپاراتتى وسىندا وقۋعا بولادى.
You Might Also Like
-
Ulysmedia باس رەداكتورى سامال يبرايەۆاعا كيبەرشابۋىل جاسالىپ جاتقاندىعىن مالىمدەدى،دەپ جازادى ينفوحاب ءتىلشىسى.
-
پاۆلودار وبلىسى، اقسۋ قالاسىندا قاتتى جەلدىڭ سالدارىنان جانتۇرشىگەرلىك جاعداي تىركەلدى. جول بويىندا كەلە جاتقان تاكسيدىڭ ۇستىنە اعاشتىڭ اۋىر بۇتاعى قۇلاپ، سالدارىنان كولىك ىشىندەگى جولاۋشى — 1968 ج...
