Ulysmedia باس رەداكتورى سامال يبرايەۆا كيبەرشابۋىل جاسالىپ جاتقاندىعىن مالىمدەدى
Ulysmedia باس رەداكتورى سامال يبرايەۆاعا كيبەرشابۋىل جاسالىپ جاتقاندىعىن مالىمدەدى،دەپ جازادى ينفوحاب ءتىلشىسى.
قازاقستاندىق تاۋەلسىز جۋرناليستيكاعا قارسى جاسالعان كەزەكتى شابۋىل – Ulysmedia.kz سايتىنىڭ باس رەداكتورى سامال يبرايەۆاعا باعىتتالدى. اقپاراتتىق كەڭىستىكتە بەلسەندىلىگىمەن تانىلعان جۋرناليست سيفرلىق قۋدالاۋعا ۇشىراپ، بۇل ارەكەتتى "ءسوز بوستاندىعىنا تونگەن ءقاۋىپ" دەپ باعالادى.
"كورسەتەمىز دەدى – كورسەتتى"
يبرايەۆانىڭ ايتۋىنشا، ول سوڭعى كەزدەرى بىرنەشە رەت قىسىمعا ۇشىراعان. "ماقالانى ءوشىر، تاقىرىپتى اۋىستىر، سۋرەتتى الىپ تاستا – ايتپەسە كورسەتەمىز" دەگەن بەلگىسىز ەسكەرتۋلەردەن كەيىن، قىزمەت كورسەتۋ سايتىندا جالعان ينتيم انكەتا پايدا بولعان. وندا ونىڭ ءاتى-جونى، سۋرەتى جانە تەلەفون ءنومىرى جاريالانعان.
> "بىرنەشە كۇننەن بەرى تەلەفونىما تىنىم جوق – ۇياتسىز ۇسىنىستار مەن مازاسىز قوڭىراۋلار ۇزدىكسىز كەلەدى. تانىستارىم مەن وقىرماندار حابارلاسىپ، نە بولعانىن سۇرايدى. مەن بارىنە تۇسىندىرۋمەن الەكپىن. بۇل سيفرلىق شابۋىل ارقىلى پيعىلدىلار دەگەنىنە جەتتى"، – دەپ جازدى ول Ulysmedia سايتىندا.
يبرايەۆانىڭ ايتۋىنشا، ول بۇل فاكتى بويىنشا پوليسياعا ارىز تۇسىرگەن. بەس كۇننەن كەيىن عانا كيبەرقىلمىس بابى بويىنشا ءىس قوزعالعان. جۋرناليست پرەزيدەنت قاسىم-جومارت توقايەۆقا جۇگىنىپ، ءىستى جەكە باقىلاۋىنا الۋدى سۇرادى.
بۇل – سامال يبرايەۆاعا جاسالعان العاشقى شابۋىل ەمەس. بۇعان دەيىن ول:
رەداكسياعا بالالار سۋرەتى مەن شيكى ەت سالىنعان قوراپ كەلگەنىن،
سايت بۇزىلىپ، جەكە مالىمەتتەرى جاريالانعانىن،
وسى ارەكەتتەردىڭ بارلىعىن تىكەلەي قورقىتۋ دەپ قابىلدايتىنىن مالىمدەگەن ەدى.
يبرايەۆانىڭ جاعدايى – قازاقستاندا جۋرناليستەرگە جاسالىپ جاتقان قىسىم مەن ءقاۋىپتىڭ اشىق كورىنىسى. بۇل – سەنزۋرانىڭ جاڭا فورماسى – كيبەرشابۋىل، مورالدىق جانە پسيحولوگيالىق قىسىم. مۇنداي ارەكەتتەر تەك جۋرناليستەرگە ەمەس، بۇكىل قوعامنىڭ اقپارات الۋ قۇقىعىنا تونگەن قاتەر سانالادى.
Ulysmedia باس رەداكتورىنا جاسالعان بۇل شابۋىل – ەلىمىزدەگى ءسوز بوستاندىعىنا دەگەن شىنايى كوزقاراستى كورسەتەتىن دابىل. مەملەكەتتىك ورگاندار بۇل ءىستى تەك جەكەلەگەن وقيعا ەمەس، جۇيەلىك پروبلەما رەتىندە قاراپ، قىلمىستىق ارەكەتتەردىڭ ارتىندا تۇرعانداردى انىقتاپ، جاۋاپقا تارتۋى ءتيىس.
You Might Also Like
-
شەرزات پولاتتىڭ ولىمىنە بايلانىستى سوت وتىرىسىندا جابىرلەنۋشى تاراپتىڭ ادۆوكاتى مەيىرمان شەكەيەۆ مارقۇمنىڭ جاقىندارىنا تولەنۋى ءتيىس مورالدىق جانە ماتەريالدىق وتەماقى مولشەرىن جاريا ەتتى. بۇل تۋرالى...
-
«بالا جامبىل» اقش-تا ءبىلىم الىپ ءجۇر – جەلى قولدانۋشىلارى قايتا ىزدە
