instagram.com/csp_parasport.kz
پاراليمپيادا-2026: قازاقستاندىق سپورتشىلاردىڭ يتالياداعى ويىنى
يتاليادا ءوتىپ جاتقان پاراليمپيادا-2026 ويىندارىندا 8 ناۋرىز كۇنى قازاقستان قۇراماسىنىڭ سپورتشىلارى پارابياتلوننان ب ا ق سىنادى. بۇل كۇن ەلىمىزدىڭ پاراسپورتشىلارى ءۇشىن ەكىنشى جارىس كۇنى بولدى.
بۇل تۋرالى Infohub.kz اقپارات اگەنتتىگى حابارلايدى.
پارابياتلون: ەرلەر اراسىنداعى جارىس
ەرلەر اراسىنداعى پارابياتلوننان 12،5 شاقىرىمدىق جەكەلەي جارىستا وتىرىپ جارىسۋشىلار ساناتىندا ەربول حاميتوۆ، سەرگەي ۋسولسيەۆ جانە يۋريي بەرەزين سىنعا ءتۇستى. ەربول حاميتوۆ جارىستىڭ ۇزدىك ناتيجەسىن كورسەتىپ، التىنشى ورىندى يەلەندى. ول جارىس جەڭىمپازىنان 2 مينۋت 46 سەكۋند قالىپ قويدى. ال سەرگەي ۋسولسيەۆ 21ء-شى، يۋريي بەرەزين 22ء-شى ورىندى يەلەندى.
تۇرىپ جارىسۋشىلار ساناتىندا قازاقستاندىق الەكساندر گەرليس ونەر كورسەتتى. ول ءتورت اتىس نىساناسىندا ءۇش رەت قاتەلەسىپ، جارىستى 9-شى ورىنمەن اياقتادى. جەڭىمپازدان 2 مينۋت 55،7 سەكۋندقا كەش قالدى. بۇل جارىسقا بارلىعى 19 سپورتشى قاتىستى.
پاراليمپيادا ويىندارى تۋرالى
XIV قىسقى پاراليمپيادا ويىندارى 6-15 ناۋرىز ارالىعىندا يتاليادا وتۋدە. ويىنداردا پاراشاڭعى، پارابياتلون، كولياسكامەن كورلينگ، پاراسنوۋبورد، تاۋ شاڭعىسى جانە پاراحوككەي سياقتى سپورت تۇرلەرىنەن 79 مەدال جيىنتىعى ساراپقا سالىنادى.
بيىلعى دودادا قازاقستاننان 7 سپورتشى قاتىسۋدا. ولار: پارابياتلون جانە پاراشاڭعى جارىستارىنا ەربول حاميتوۆ، الەكساندر گەرليس، سەرگەي ۋسولسيەۆ جانە يۋريي بەرەزين، ال پاراشاڭعى جارىسىنا نۇرلان ءالىموۆ، اننا گراچيەۆا جانە ۆلاديسلاۆ كوبال.
-
قازاقستاندىقتار زەينەتاقى جيناقتارىنىڭ ازايىپ كەتكەنىن بايقاپ، دوللار باعامىنىڭ وزگەرۋىنە بايلانىستى الاڭداۋلى. ەنپف بۇل جاعدايعا قاتىستى تۇسىنىكتەمە بەردى.
-
پاۆلودار قالاسىنىڭ جاعالاۋىندا بەلگىلى «اناشىم» ءانى شىرقالدى. بۇل باستاماعا وبلىس اكىمى اساين بايحانوۆ تا قاتىسىپ، انگە ءۇن قوسقان.
