پاراقورلىق
ادام تويىمسىز، اشكوز كەلەتىندىكتەن بە، جەمقورلىق، پاراقورلىق ىندەتى كوپ ەلدەردىڭ جازىلماس جاراسى بولىپ تابىلادى. تەك ءوزىنىڭ پايداسىن، تەك ءوزىنىڭ قالتاسىن ويلاۋ، ەل پايداسى مەن زيانىنان بۇرىن ءوز پايداسىن ويلايتىنداردىڭ كوبەيۋى كەز كەلگەن مەملەكەت ءۇشىن پالەكەت. پاراقورلىق بۇكىل دىندەردە كۇنا سانالادى جانە مەملەكەتتەردىڭ زاڭدارىندا دا مەملەكەتكە قارسى جاسالعان قىلمىس بولىپ تابىلادى. پارا الۋ دا، بەرۋ دە دىنىمىزدە كۇنا. حاديس شاريفتەردە بىلاي دەلىندى:
«پارا العانعا، بەرگەنگە جانە ولاردىڭ اراسىندا پاراعا اراشى ادامعا دا اللاھ لاعىنەت ەتسىن». (حاكيم)
«پارا العان دا، بەرگەن دە توزاقتا». (تاباراني)
مەملەكەتتىڭ قوعامدىق قىزمەتتەردى اتقارۋى ءۇشىن جانە ەلگە كومەكتەسۋ، اۋىرىن جەڭىلدەتۋ ءۇشىن تاعايىندالعان زاڭدى تۇلعالاردىڭ پارا الۋى حالىقتىڭ مەملەكەتكە دەگەن سەنىمىن سەيىلتەدى. لايىق بولماعان ادامداردى جۇمىسقا الۋ ءۇشىن پارا الۋ ەلدىڭ تىزگىنىن ساۋاتسىز، قابىلەتسىز قولدارعا تاپسىرۋمەن تەڭ.
پاراقورلىق — ەلدى رۋحاني جاعىنان دا، ماتەريالدىق جاعىنان دا ازدىراتىن ىندەت. پاراقورلىق پالەكەتىن جويۋ ءۇشىن يسلام احلاقىمەن (مىنەز-قۇلقىمەن) مىنەزدەنۋ كەرەك. ويتكەنى يسلام احلاقىمەن مىنەزدەنگەن مۇسىلمان ەشكىمنىڭ اقىسىن جەمەيتىنى، ادىلەتسىزدىك ەتپەيتىنى سياقتى، ادىلەتسىزدىك ورىن الۋىنا دا رازى بولمايدى. مۇسىلماندا اللاھ قورقىنىشى بولاتىندىقتان پاراقورلىققا سەبەپشى بولۋدىڭ وزىنەن دە جىرتقىش اڭنان قاشقانداي قاشادى. سوندىقتان بالالارىمىزدى، جاستارىمىزدى يسلام احلاقىمەن جەتىلدىرۋىمىز ەڭ باستى مىندەتتەرىمىزدىڭ ءبىرى.
You Might Also Like
-
وسى كەزدە قالاداعى قازاق ۇل-قىزدارىنىڭ تورتتەن ۇشىنەن كوبى ورىس مەكتەپتەرىندە وقىعاندىقتان، انا تىلدەن حابارسىز جاستار ءوسۋى مولايىپ كەلە جاتىر. ولاردىڭ اتا-انالارى ورىس مەكتەبىندە وقىتۋعا مۇلدە اۋە...
-
باياعى وتكەن زاماندا قولتىراۋىن مەن ءپىل بىر-بىرىنە عاشىق بولىپتى دەيدى. سوسىن ولار دۇنيەنى ءدۇر سىلكىندىرەتىن توي جاساپ شاڭىراق كوتەرەدى. ءوزارا ماحابباتتارىنىڭ كۇشتىلىگى سونداي — بىر-بىرىنە ءوزد...
