ميسۋاكتىڭ ماڭىزى
قازىرگى كۇنىمىزدىڭ مەديسيناسى ءتىس ساۋلىعى تۇرعىسىندا جاڭادان شىعارا باستاعان ەمدەۋ جولدارىن يسلام ءدىنى 14 عاسىر بۇرىن ۇيرەتكەن. ءتىستىڭ ساۋلىعىنا وتە پايدالى ميسۋاك — ەڭ قاراپايىم جانە ەڭ جاقسى تازالاعىش بولىپ تابىلادى. تىستەردىڭ ءشىرۋىنىڭ الدىن الۋ ءۇشىن ميسۋاك قولدانۋ وتە پايدالى. «Larousse illustre Medical»اتتى مەديسينالىق كىتاپتا: «بارلىق ءتىس پاستالارى جانە ۇنتاقتارى تىسكە زياندى كەلەدى. ەڭ دۇرىسى قاتتى ءتىس ششەتكاسىن قولدانۋ. باسىندا ءتىستى قاناتسا دا قورىقپاۋ كەرەك. ءتىستىڭ ەتتەرىن كۇشەيتەدى، ودان كەيىن قانامايتىن بولادى» دەپ جازىلعان.
ءتىس پاستالارى اۋىزداعى پايدالى، زياندى بۇكىل ميكروبتاردى ولتىرەدى. ال ميسۋاك تەك زياندى ميكروبتاردى ولتىرەدى. ميسۋاك دارەتتىڭ سۇننەتى، شافييدە نامازدىڭ سۇننەتى. حاديس شاريفتەردە بىلاي دەلىنگەن:
«ميسۋاك قولدانىپ وقىلعان ناماز، ميسۋاكسىز وقىلعان نامازدان جەتپىس ەسە ارتىق». (ي. ءناججار)
«ەگەر ۇممەتىمە قيىندىق بەرمەيتىندىگىن بىلگەنىمدە، ءار ناماز ءۇشىن دارەت الۋدى جانە ءار دارەتتە ميسۋاك قولدانۋدى ءامىر ەتەر ەدىم». (بۇحاري، ءمۇسليم)
«اۋىزدارىڭ — قۇراننىڭ جولى، ميسۋاكپەن تازالاڭدار». (ءابۋ نۋايم)
«پايعامبارلاردىڭ بەس سۇننەتى: ۇياتتىلىق، جۋاستىق، قان الدىرۋ، ميسۋاك جانە ادەمى ءيىس». (تاباراني)
«ميسۋاك ەركەكتىڭ سويلەۋ ونەرىن ارتتىرادى». (ي. اديي، حاتيب)
«ميسۋاك اۋىزدى تازالايدى، كوزدىڭ كورۋىن جاقسارتادى، ءتىس ەتتەرىن كۇشەيتەدى، ءتىستى اعارتادى جانە قۇرتتاۋىنىڭ الدىن الادى، اس قورىتۋدى جەڭىلدەتەدى، اسقازاننىڭ جۇمىسىن جاقسارتادى، قاقىرىق كەتىرەدى، جاقسىلىقتاردى ارتتىرادى. ميسۋاك قولدانعان ادام اللاھۋ تا’الانى رازى ەتەدى، پەرىشتەلەردى قۋانتادى». (ءابۋ نۋايم)
ميسۋاكتىڭ وتىزدان استام پايداسى بار. ەڭ تومەنى قيىنشىلىقتى كەتىرەدى، ەڭ جوعارىسى ءولىم الدىندا ءشاھادات كاليماسىن ايتۋدى ەسكە سالادى.
You Might Also Like
-
كوڭىل-كۇي مەن ەستە ساقتاۋ قابىلەتىن جاقسارتادى جانە ويدى ۇشقىرلاندىرادى، ناقتىلاپ، اقپاراتتى جىلدام قابىلداۋعا ىقپال ەتەدى. سول سياقتى، ول ءتۇس تەرى مەن جۇيكە جۇيەسىندە، كوز جانارىنا پايدالى.
-
ەسكى زامانداردا ءبىر-بىرىن قاتتى جاقسى كورەتىن وتە باۋىرمال ەكى اعايىندى بولىپتى. ۇلكەنىنىڭ ەسىمى حاليل، كىشىسى يبراھيم. حاليل ۇيلەنگەن بالا-شاعالى، ال يبراھيم ءالى بويداق ەكەن. ەكەۋىنىڭ ورتاق ەگىس ا...
