پەداگوگ مامانداردى اقىلى نەگىزدە دايىنداۋ دۇرىس پا؟
بۇل ساۋالدىڭ جاۋابىن بۇگىن ق ر پارلامەنتى سەناتىندا ءوتىپ جاتقان «ورتا ءبىلىم بەرۋ جۇيەسىنىڭ جاي-كۇيى، پروبلەمالارى جانە زاڭنامالىق رەتتەۋ پەرسپەكتيۆالار» تاقىرىبىنا ارنالعان پارلامەنتتىك تىڭداۋ بارىسىندا ق ر ءبىلىم جانە عىلىم ءمينيسترى ەرلان ساعادييەۆ بەردى، دەپ قازاقپارات حابارلايدى.
«قازىرگى ۋاقىتتا پەداگوگ مامانداردى دايىندايتىن كوپتەگەن جوعارى وقۋ ورىندارىندا اقىلى نەگىزدە وقيتىن ستۋدەنتتەر وتە كوپ. ءسىزدىڭ كوزقاراسىڭىز، پەداگوگ مامانداردى اقىلى نەگىزدە دايىنداۋ دۇرىس پا؟»، - دەپ سۇراعان ەدى پارلامەنتتىك تىڭداۋ بارىسىندا سەناتور مۇرات باقتيار ۇلى.
ەرلان ساعادييەۆتىڭ ايتۋىنشا، بيىل پەداگوگ ماماندىعىنا 8 مىڭ گرانت ءبولىندى. ول تەك قانا مەملەكەتتىك ۋنيۆەرسيەتتەرگە عانا ەمەس سونىمەن بىرگە جەكە مەنشىك وقۋ ورىندارىنا دا بەرىلدى.
«گرانت بالانىڭ قولىنا بەرىلىپ، ول قالاعان ۋنيۆەرسيتەتىنە بارا الادى. مەنىڭ ويىمشا، مۇعالىمدەردى تەك قانا مەملەكەتتىك ۋنيۆەرسيتەتتەردە عانا ەمەس جەكە مەنشىك ۋنيۆەرسيتەتتەردە دە دايىنداۋ قاجەت بولىپ تۇر. بيىل س.دەميرەل اتىنداعى ۋنيۆەرسيتەت، قازاقستان مەنەدجمەنت، ەكونوميكا جانە بولجاۋ ينستيتۋتى سىندى بىرنەشە وقۋ ورنى پەداگوگ ماماندارىن دايىنداۋعا مۇمكىندىك الدى. اسىرەسە اعىلشىن تىلىندە ءبىلىم بەرەتىن ۋنيۆەرسيتەتتەر مۇعالىمدەردى دايىنداۋعا ليسەنزيالارىن الىپ، سول جۇمىسقا كىرىستى. مەنىڭ ويىمشا وتە قۋانىشتى پروسەسس. مەملەكەتتىك ۋنيۆەرسيتەتكە باسەكەلەستىك پايدا بولدى»، - دەدى مينيستر.
You Might Also Like
-
قازاقستاندا اقىلى وقۋعا تۇسكىسى كەلگەن تالاپكەرلەردى ۇلتتىق ءبىرىڭعاي تەستىلەۋدەن بوساتۋ ماسەلەسى تالقىلانۋدا. بۇل تۋرالى بۇگىن ق ر پارلامەنتى سەناتىندا ءوتىپ جاتقان «ورتا ءبىلىم بەرۋ جۇيەسىنىڭ ج...
