بيلل گەيتستىڭ كوشباسشىلىق سىرلارى
كورەگەن بولۋ
بيلل گەيتس جاستايىنان كومپيۋتەردىڭ ماڭىزدىلىعىن جانە ادامداردىڭ ومىرىندە ويىپ ورىن الاتىندىعىن جاقسى ۇعىنا بىلگەن ادام. جاقىن دوسى مايكروسوفتتىڭ قۇرۋشى ورتاعى پاۋل اللەنمەن ءجيى پىكىر الماسىپ، وسىنىڭ سالدارىندا كەلەشەكتە ءاربىر ادامنىڭ ۇيىندە جانە جۇمىس ورنىندا وزىنە ءتان كومپيۋتەرى بولاتىندىعىن بولجاي العان. قۇرعان فيرمالارىندا وسى نەگىزگە سايكەس ادامداردىڭ جۇمىس ىستەۋىنە، وزدەرىن جەتىلدىرۋىنە كومەكشى بولاتىنداي ءونىم شىعارۋدى ماقسات ەتكەن.
ەڭبەكقورلىق
بيلل گەيتس اقىلدىلىعىمەن قاتار وتە ەڭبەكقور ادام. اقىلدى، زەرەك بولۋ جەتكىلىكسىز، وعان قوسا ەڭبەكقور بولۋ كەرەكتىگىن العا تارتادى جانە جۇمىسكەرلەردەن دە وسى قاسيەتتى تالاپ ەتەدى.
اقىلدى قىزمەتكەرلەرمەن جۇمىس ىستەۋ
باعدارلاما جازۋ ەڭ جوعارعى سەكتورلاردىڭ ءبىرى بولعاندىقتان بۇل سالادا كەزدەيسوق ادامدارمەن جۇمىس ىستەي المايتىندىعىن، اقىلدى، زەرەك ادامدارمەن جۇمىس ىستەۋى كەرەكتىگىن ويلاپ، جۇمىسقا اقىلدى ادامداردى الۋعا تىرىسادى. اقىلدى ادام كىم دەگەن سۇراققا ءوزى قىسقاشا بىلاي جاۋاپ بەرەدى: «اقىلدى ادام ارنارسەنىڭ جەكە-جەكە ايتىلۋىن قاجەت ەتتىرمەيتىن ادام. اقىلدى ادام ىزدەنەدى، تابادى، جەتىلدىرەدى، جاڭا نارسەلەر ويلايدى، ويلاعانىن قولدانىمعا ەنگىزەدى.» مايكروسوفت قىزمەتكەر الۋ ءۇشىن كوپ كونكۋرس، ىزدەنىس وتكىزەدى. ويىنداعى ادامدى تاپقانعا دەيىن ءبىر قىزمەتتى بوس قالدىرعان كەزدەرى كوپ بولادى.
قىزمەتكەرلەرىنە ۇلەس بەرۋ
بيلل گەيتس ءوزىن قوسا ەسەپتەگەندە قىزمەتكەرلەرىنە جوعارى، استرونوميالىق جالاقى تاعايىندامايدى. مايكروسوفتتىڭ ەشبىر قىزمەتكەرى الەمدەگى ەڭ جوعارى جالاقىلى ادامداردىڭ قاتارىنا كىرمەيدى. مۇنىڭ ورنىنا زەرەك ادامداردى قىزىقتىرۋ ءۇشىن ولارعا ۇلەس بەرۋدە. سونىڭ سالدارىندا مايكروسوفت قىزمەتكەرلەرىنىڭ ءبىرشاماسى ميللياردەر، ۇشتەن ءبىرى ميلليونەر بولىپ تابىلادى.
قىزمەتكەرلەرىن باعالاۋ
مايكروسوفت ەڭ اقىلدى ادامدارمەن جۇمىس ىستەۋدى قالايدى جانە ولاردى جوعالتقىسى كەلمەيدى. بيلل گەيتس ءبىر ماقالاسىندا جۇمىستان شىققان ءاربىر قىزمەتكەرىنىڭ ارتىنان «ول نەگە جۇمىستان شىقتى، نەگە ونى قاناعاتتاندىرا المادىق، قاي جەردە قاتە جىبەردىك؟» دەگەن سۇراقتارعا جاۋاپ ىزدەيتىنىن ايتادى. «قىزمەتكەرلەر مايكروسوفتتىڭ ەڭ ءقادىرلى بولمىسى. قىزمەتكەرلەر مۇنى جاقسى بىلەدى. جۇمىس بارىسىنىڭ ءاربىر ساتىندە مۇنى سەزىنەدى. سوندىقتان مايكروسوفتتا قىزمەتتەن بوساۋ اقش-تاعى ورتاشا كورسەتكىشتەن ەكى ەسە از كەزدەسەدى.»
نارىقتاعى وزگەرىستەردى باقىلاۋ
جىلدام داميتىن سەكتوردا كەرى قالۋ - جويىلۋ دەگەن ماعىناعا كەلەدى. بيلل گەيتس ەشبىر سالادا نارىقتان كەرى قالعىسى كەلمەيدى. كەرى قالعان جاعدايدا قاتەسىن تەز ءتۇسىنىپ، قاجەتتى شارالارىن قامدايدى. ماسەلەن 1984 جىلى ەيپل فيرماسى ماكەنتوشتى شىعارادى. گرافيكالىق وپەراسيالىق جۇيە بولعاندىقتان مايكروسوفتتىڭ وپەراسيالىق جۇيەسىنەن وتە ۇستەم ەدى. مايكروسوفتتىڭ انالوگى ءبىر جىلدان كەيىن شىقتى. Windows اتتى بۇل جاڭا جۇيە ءساتسىز بولدى، الايدا بيلل گەيتس قامىقپادى. تاباندى ەڭبەكتىڭ ارقاسىندا 1990 جىلى شىعارعان 3.0 وتە ۇلكەن تابىس اكەلدى. وسىعان ۇقساس مىسال ينتەرنەت ماسەلەسىندە ورىن الدى. بيلل گەيتس ينتەرنەتتىڭ دامۋىن جەتكىلىكتى تۇردە باقىلاي المادى. ينتەرنەتكە قاتىستى ونىمدەردى جەتىلدىرە المادى، كەرى قالدى. مۇنىڭ ناتيجەسىندە تاريحتا العاش رەت مايكروسوفتتىڭ اكسيالارى «ۇنەمى تابىس اكەلەتىن اكسيالار» تىزىمىنەن ءتۇسىپ قالدى. ءبىراق بيلل گەيتس قاتەسىن ءتۇسىنىپ، ءبىر جىل ىشىندە ينتەرنەتپەن بايلانىستى كوبەيتىپ، ونىمدەرىن ەڭ قوماقتى تۇردە ينتەرنەتكە بايلانىستىرا ءبىلدى.
نارىقتى تۇرلەندىرۋ
بيلل گەيتس پەن مايكروسوفتتىڭ ۇرانى «ستاندارتتاردى ءبىز ورناتامىز». مايكروسوفتتىڭ تاريحى وسى ۇرانعا ساي ءارتۇرلى مىسالدارعا تولى. ماسەلەن Basic، DOS، Windows جۇيەلەرى نارىقتاعى ەڭ كەڭىنەن تاراعان ونىمدەر قاتارىندا بولدى.
You Might Also Like
-
بۇل ساۋالدىڭ جاۋابىن بۇگىن ق ر پارلامەنتى سەناتىندا ءوتىپ جاتقان «ورتا ءبىلىم بەرۋ جۇيەسىنىڭ جاي-كۇيى، پروبلەمالارى جانە زاڭنامالىق رەتتەۋ پەرسپەكتيۆالار» تاقىرىبىنا ارنالعان پارلامەنتتىك ...
-
اتا-انانىڭ ەڭ ۇلكەن ۋايىمى، ەڭ نەگىزگى ماقساتى بالاسىن ەڭ جاقسى تۇردە جەتىلدىرۋ بولىپ تابىلادى. ءبىراق كەيدە جاقسىلىق جاسايىن دەپ وتىرىپ زيان تيگىزۋى دە مۇمكىن. بۇعان مىسال رەتىندە «كەزىندە ءبى...
