InfoHub Logo

اقش قورعانىس مينيسترلىگى يراننىڭ تەڭىز پورتتارىن بۇعاتتاۋ سالدارىنان ەلدىڭ 4،8 ميلليارد دوللار شىعىنعا ۇشىراعانىن مالىمدەدى. بۇل تۋرالى Infohub.kz اقپارات اگەنتتىگى حابارلايدى.

امەريكالىق اسكەريلەر 13 ساۋىردەن باستاپ مۇناي مەن باسقا دا جۇكتەردى تاسىمالداۋعا تىرىسقان 48 كەمەنى كەرى قايتاردى. اقش ورتالىق قولباسشىلىعىنىڭ مالىمەتىنشە، ەكى كەمە تاركىلەنگەن.

جالپى، 53 ميلليون باررەل يراندىق مۇنايى بار 31 تانكەر پارسى شىعاناعىندا «تۇرىپ قالدى». ولاردىڭ قۇنى كەم دەگەندە 4،8 ميلليارد دوللارعا باعالانادى.

قۇرلىقتاعى قويمالار تولىپ تۇرعاندىقتان، يران ەسكى تانكەرلەردى جۇزبەلى قويما رەتىندە پايدالانا باستادى. كەيبىر كەمەلەر اقش-تىڭ تەڭىزدەن ۇستاپ قالۋ قاۋپىنە بايلانىستى قىتايعا مۇناي جەتكىزۋ ءۇشىن «قۇنى جوعارى ءارى ۇزاق باعىتتى» تاڭداپ وتىر، دەپ اتاپ ءوتتى رەسمي تۇلعالار.

ساراپشىلار بۇعاتتالعان تانكەرلەردىڭ اۋقىمدى «قاشۋىن» ۇيىمداستىرۋ ارەكەتتەرى بولۋى مۇمكىن دەگەن بولجام جاسايدى.