politico.kz
پويىز دارەتحاناسىنداعى جاعدايدان كەيىن جولاۋشى 3 ميلليون تەڭگە ءوندىرىپ الدى
پويىز جولاۋشىسىنىڭ باسىنان كەشكەن جاعىمسىز وقيعاعا بايلانىستى تاسىمالداۋشى كومپانيا سوتتا جەڭىلىپ، 3 ميلليون تەڭگە تولەۋگە ءماجبۇر بولدى. بۇل جاعداي استانا-پەتروپاۆل باعىتىنداعى پويىزدىڭ دارەتحاناسىندا ورىن العان.
بۇل تۋرالى Infohub.kz اقپارات اگەنتتىگى حابارلايدى.
دارەتحاناداعى اپات
بيىلعى جىلدىڭ 7 ناۋرىزىندا استانادان پەتروپاۆلعا قاراي بەت العان پويىزدىڭ دارەتحاناسىندا كۇتپەگەن تەحنيكالىق اقاۋ تۋىنداعان. سالدارىنان كارىز جۇيەسىنەن شىققان لاس سۋ سىرتقا اتقىلاپ، جاقىن ماڭداعى جولاۋشىنىڭ ۇستىنە شاشىراعان.
بۇل وقيعا جولاۋشىعا اۋىر فيزيكالىق جانە مورالدىق اسەر ەتكەن. ونىڭ كيىمى مەن جەكە زاتتارى دا بۇلىنگەن. ول بۇل جاعدايدان كەيىن قاتتى كۇيزەلىسكە ۇشىراپ، پسيحولوگيالىق تۇرعىدان قينالعانىن ايتتى.
سوت شەشىمى
جولاۋشى تاسىمالداۋشى كومپانيادان مورالدىق شىعىن مەن بيلەت قۇنىن ءوندىرىپ بەرۋدى تالاپ ەتىپ، سوتقا ارىزدانعان. ءىس ماتەريالدارىندا كولىكتىك باقىلاۋ ينسپەكسياسىنىڭ تەكسەرۋ قورىتىندىلارى، وقيعانىڭ فوتودالەلدەرى جانە تاسىمالداۋشىعا قاتىستى اكىمشىلىك حاتتاما دا بولعان.
سوت قىزمەتتىڭ ساپاسىز كورسەتىلگەنىن راستاپ، «تۇتىنۋشىلاردىڭ قۇقىقتارىن قورعاۋ تۋرالى» زاڭعا سۇيەنە وتىرىپ، جولاۋشىنىڭ تالاپ-ارىزىن ءىشىنارا قاناعاتتاندىردى. ناتيجەسىندە، پويىز كومپانياسى جولاۋشىنىڭ پايداسىنا 3 ميلليون تەڭگە كولەمىندە مورالدىق وتەماقى تولەۋگە مىندەتتەلدى.
-
Kazakhstan's top tennis player، Alexander Bublik، narrowly missed a spot in the Geneva Open final after a thrilling three-set semifinal loss.
-
فرانسيادا وتكەن اۋكسيوندا ەيفەل مۇناراسىنىڭ بۇرىنعى ۆينتتىك باسپالداعىنىڭ ءبىر بولىگى ساتىلدى. بۇل تاريحي جادىگەردى كىم ساتىپ الدى جانە ونىڭ قۇنى قانشا بولدى؟
