InfoHub Logo

اقتوبە-الماتى باعىتىنداعى پويىز جولاۋشىسى، 70 جاستاعى ەر ادامنىڭ ۇيىقتاپ جاتقان قىزعا تيىسكەنى تۋرالى داۋلى جاعداي الەۋمەتتىك جەلىدە كەڭىنەن تالقىلاندى. جابىرلەنۋشىنىڭ ءوزى بۇل وقيعانى ۆيدەوعا ءتۇسىرىپ، قوعام نازارىنا ۇسىنعان.

بۇل تۋرالى Infohub.kz اقپارات اگەنتتىگى حابارلايدى.

وقيعانىڭ ءمان-جايى

بويجەتكەننىڭ ايتۋىنشا، 14 مامىر كۇنى ءتۇن ورتاسىندا، تومەنگى ورىندا ۇيىقتاپ جاتقاندا، بەيتانىس زەينەتكەر ونىڭ دەنەسىنە قول سالادى. شوشىپ ويانعان قىز قارت كىسىنى ۇرىپ جىبەرگەندە، ول كەشىرىم سۇراپ، تەرىس قاراپ جاتىپ قالعان. كەيىن قىز بولعان جاعدايدى جانىنداعى ايەلگە ايتىپ شاعىمدانعانىمەن، ەكەۋى كەلەسى ستانسيادان اسىعىس ءتۇسىپ كەتكەن.

«ول ايەل ماعان: «سەنى زورلادى ما؟ تيىسسە، قاعىپ تاستاپ جاتا بەرمەيسىڭ بە؟» دەدى. مەن قاتتى كۇيزەلىسكە ۇشىرادىم، ءتورت كۇننەن بەرى ۇيىقتاي الماي ءجۇرمىن. ال پسيحولوگقا باراتىن اقشام جوق»، — دەپ كۇيزەلىسىن بىلدىرگەن ستۋدەنت.

ول سونداي-اق، مۇنداي ارەكەت ءۇشىن تاعايىندالعان جازانىڭ تىم جەڭىل ەكەنىنە دە نارازىلىق ءبىلدىردى.

پوليسيانىڭ ارەكەتى

كولىكتەگى پوليسيا دەپارتامەنتى بۇل دەرەكتى راستاپ، 70 جاستاعى جولاۋشىنىڭ تۇركسىب ستانسياسىندا ۇستالعانىن مالىمدەدى. ءتارتىپ ساقشىلارى ءىس ماتەريالدارىن ۇساق بۇزاقىلىق بابىمەن سوتقا جولداعان.

«الماتى قالاسىنىڭ مامانداندىرىلعان اۋدانارالىق اكىمشىلىك سوتىنا قاراۋعا جولداندى. سوت شەشىمىمەن قۇقىق بۇزۋشى كىنالى دەپ تانىلىپ، وعان 20 اەك (86 500 تەڭگە) مولشەرىندە ايىپپۇل سالىندى»، — دەپ حابارلادى ۆەدومستۆونىڭ باسپا ءسوز قىزمەتى.