پرەزيدەنتىمىز قاسىم-جومارت كەمەل ۇلىنىڭ قازاقستان حالقىنا جولداۋىن جاستار اراسىندا تالقىلاۋ
مەملەكەت باسشىسى قاسىم-جومارت توقايەۆتىڭ «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋى بويىنشا فيلوسوفيا جانە ساياساتتانۋ فاكۋلتەتى، ءدىنتانۋ جانە مادەنيەتتانۋ كافەدراسىنىڭ وقىتۋشى-پروفەسسورلار قۇرامىمەن بىرگە تالقىلاپ، پرەزيدەنتىمىزدىڭ پايىمىن جوعارى باعالادى. قاسىم-جومارت كەمەل ۇلى ەلىمىزدىڭ ساياسي جۇيەسىن كەشەندى جاڭعىرتۋ باعدارلاماسىن ۇسىندى جانە بۇل قۇجات ەڭ الدىمەن قوعامنىڭ قاجەتتىلىگىنە، سۇرانىسىنا نەگىزدەلگەنىن اتاپ ءوتتى. قوعامنىڭ دامۋىن نەگىزگە الا وتىرىپ، ۇلتتىق، مادەني قۇندىلىقتاردى دا العا قويدى. وسىلايشا، ەلدىڭ كوركەيۋىنە بارىنشا ۇلەس قوسۋ ءاربىر قازاقستاندىقتىڭ بورىشى بولىپ تابىلادى. جولداۋدىڭ نەگىزگى بولىگى ەلدىڭ الەۋمەتتىك-ەكونوميكالىق دامۋىنا ارنالعان. اتاپ ايتقاندا كەلەسى ماسەلەرلەدى قولعا الۋ جوسپارلانۋدا:
- جالاقىنى جانە ءال-اۋقاتتى ارتتىرۋ؛ 2022 جىلعى 1 قاڭتاردان باستاپ ەڭ تومەنگى جالاقى مولشەرىن (ەتج) 60 مىڭ تەڭگەگە دەيىن كوبەيتۋ بولدى. بۇرىن 42 500 تەڭگەنى قۇراعان بۇل كورسەتكىش 2018 جىلدان بەرى وسپەگەن.
- زەينەتاقى جيناقتارىن ءتيىمدى پايدالانۋدى جاقسارتۋ؛ جولداۋ اياسىندا ازاماتتاردى قولداۋ شارالارىن جۇزەگە اسىرۋ تۋرالى ايتا وتىرىپ، زەينەتاقى جيناقتارىنىڭ ءبىر بولىگىن (ەڭ تومەنگى جەتكىلىكتىلىك شەگىنەن جوعارى) «وتباسى بانك» اق-داعى شوتتارعا اۋدارۋعا جانە كەيىننەن تۇرعىن ءۇي ساتىپ الۋعا قۇقىق بەرۋ سياقتى ماڭىزدى قادامدى اتاپ ءوتۋ كەرەك.
- دارىندى بالالاردى جانە جالپى ءبىلىم بەرۋ سالاسىن قولداۋ؛ مەملەكەت باسشىسى ءوز سوزىندە ەلىمىزدە ادامي كاپيتالدى دامىتۋ قاجەتتىگىنە، سونىڭ ىشىندە ءبىلىم بەرۋ سالاسىن نىعايتۋعا ۇنەمى نازار اۋدارىپ كەلەدى. اتاپ ايتقاندا، جالپى ءبىلىم بەرەتىن پاندەر بويىنشا حالىقارالىق پاندىك وليمپيادالاردىڭ، شىعارماشىلىق كونكۋرستار مەن سپورت جارىستارىنىڭ جەڭىمپازدارى مەن جۇلدەگەرلەرىن قولداۋعا باعىتتالعان زاڭنامالىق وزگەرىستەر ەنگىزىلدى. ەندى ولار كونكۋرسقا قاتىسپاي-اق، جوعارى وقۋ ورنىنا ءتۇسۋ ءۇشىن گرانت الا الادى (جىل سايىن 16 نەگىزگى باعىت بويىنشا 80 جۇلدەگەر).
- بيزنەستى قولداۋ؛ ەلەۋلى ەكونوميكالىق اسەرى مەن كاسىپكەرلەر اراسىنداعى جوعارى سۇرانىستى ەسكەرە وتىرىپ، مەملەكەت باسشىسى «قاراپايىم زاتتار ەكونوميكاسى» باعدارلاماسىنىڭ قولدانىلۋىن ۇزارتۋ تۋرالى شەشىم قابىلدادى، ونىڭ اياسىندا تاۋار وندىرۋشىلەر جەڭىلدىكپەن نەسيە الا الادى. ونى قارجىلاندىرۋ 1 ترلن تەڭگەگە دەيىن ۇلعايتىلدى.
- ينفراقۇرىلىمدى جاڭعىرتۋ جانە سالۋ؛ پرەزيدەنت ءوز سوزىندە ەكولوگيا جانە ەل تۇرعىندارىن سۋمەن قامتاماسىز ەتۋ ماسەلەلەرىنە ۇنەمى نازار اۋدارادى. سونداي-اق پرەزيدەنت ستراتەگيالىق ينۆەستورلارمەن بىرلەسىپ ەلىمىزدىڭ ءتۇرلى وڭىرلەرىندە كەمىندە 2 400 مۆت جاڭارتىلاتىن ەنەرگەتيكا قۋاتىن ىسكە قوسۋ مىندەتىن قويدى. بۇل باعىتتاعى جۇمىس 2025 جىلعا دەيىن جۇرەدى، ءقازىردىڭ وزىندە 715 مۆت قۋاتتىلىق ىسكە قوسىلدى.
مىنە، جولداۋدا وسىنداي كوكەيگە ءۇمىت ۇيالاتىپ، قۇلشىنىستى ارتتىرارلىقتاي ماڭىزدى باسىمدىقتار ايتىلدى، جاڭا مىندەتتەر جۇكتەلدى. ەندىگى جەردە جولداۋدا ايتىلعان ءار تاپسىرمانىڭ جۇيەلى جۇزەگە اسۋىنا اتاسىلىسىپ ەل بولاشاعىن بىرگە قۇرۋ ءوز قولىمىزدا.
ءال-فارابي اتىنداعى قازاق ۇلتتىق ۋنيۆەرسيتەتى
«ءدىنتانۋ جانە مادەنيەتتانۋ» كافەدراسى
ءدىنتانۋ ماماندىعىنىڭ 2-كۋرس ماگيسترانتى
كەڭەس ءانۋار الماس ۇلى
You Might Also Like
-
وتكەن اپتادا ءال-فارابي اتىنداعى قازاق ۇلتتىق ۋنيۆەرسيتەتى، جۋرناليستيكا فاكۋلتەتى، باسپا ءسوز جانە ەلەكتروندى ب ا ق كافەدراسىندا بولعان شەبەرلىك ساباقتا جاس موبيلوگراف كەلدى.
-
مەملەكەت باسشىسى قاسىمجومارت توقايەۆتىڭ قازاقستان رەسپۋبليكاسى پالاتالارىنىڭ بىرىككەن وتىرىسىندا قازاقستان حالقىنا ارناعان «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى جولداۋىن...
