InfoHub Logo

بلوگەرلەر ەربولات جانابىلوۆ پەن ەلميرا تولەگەنوۆاعا قاتىستى سوت پروسەسى مارەسىنە جاقىنداپ قالدى. جۇما كۇنى، 24 ساۋىردە، سوتتالۋشىلار سوڭعى سوزدەرىن ايتۋى ءتيىس بولاتىن. الايدا، ەلميرا تولەگەنوۆا دەنساۋلىعىنا بايلانىستى سوتقا كەلمەگەندىكتەن، پروسەسس كەيىنگە شەگەرىلدى.

بۇل تۋرالى Infohub.kz اقپارات اگەنتتىگى حابارلايدى.

بۇعان دەيىن سوتتا مەملەكەتتىك ايىپتاۋشى ولجاس حايرۋللايەۆ ەلميرا تولەگەنوۆاعا ءبىر جىلعا مەرزىمىمەن كەيىنگە قالدىرۋ شارتىمەن 4 جىل باس بوستاندىعىنان ايىرۋدى سۇراعان ەدى. قىلمىستىق كودەكستىڭ 74-بابىنا سايكەس، 14 جاسقا تولماعان بالالارى بار ايەلدەرگە جازانى ورىنداۋدى بەس جىلعا دەيىن كەيىنگە قالدىرۋعا بولادى. پروكۋروردىڭ ايتۋىنشا، تولەگەنوۆانىڭ ءۇش جاس بالاسى بار ەكەنى ەسكەرىلگەن، ءبىراق مەرزىمدى ءبىر جىلعا عانا كەيىنگە قالدىرۋ ۇسىنىلدى.

جانابىلوۆتارعا نەمەن ايىپ تاعىلدى؟

تانىمال بلوگەرلەرگە قىلمىستىق كودەكستىڭ 214-بابىنىڭ 2-بولىگى، 2-تارماعى («زاڭسىز كاسىپكەرلىك») جانە 218-بابىنىڭ 2-بولىگى، 1-تارماعى («قىلمىستىق جولمەن الىنعان اقشانى نەمەسە وزگە دە مۇلىكتى زاڭداستىرۋ (جىلىستاتۋ)») بويىنشا ايىپتار تاعىلدى. تەرگەۋ مالىمەتتەرى بويىنشا، بلوگەرلەردىڭ جوبالارىنا بايلانىستى شوتتارعا 247 ميلليون 653 مىڭ تەڭگە تۇسكەن.

سوت پروسەسىنىڭ بارىسى

استانادا ەربولات جانابىلوۆ پەن ەلميرا تولەگەنوۆانىڭ ءىسى بويىنشا سوت وتىرىسى 16 ناۋرىزدا باستالدى. ەربولات جانابىلوۆ سوتتا جىلاپ، ءىشىنارا كىناسىن مويىنداعان بولاتىن. ەلميرا تولەگەنوۆا دا سوتتا ءوز كىناسىن ءىشىنارا مويىندادى. سوت پروسەسىندە پروكۋرور ەكى ايىپتالۋشىنى دا بارلىق تاعىلعان باپتار بويىنشا كىنالى دەپ تانىپ، ولارعا مينيمالدى قاۋىپسىزدىك مەكەمەسىندە 4 جىلدان باس بوستاندىعىنان ايىرۋ جازاسىن تاعايىنداۋدى سۇرادى.