InfoHub Logo

اۆتور:
— ءقادىر مىرزالييەۆتىڭ بالالىق شاعى — اشتىق، رەپرەسسيا،  سوعىس جىلدارىمەن تۇسپا-تۇس وتكەن.  سول كۇندەردىڭ بىرىندە،  اۋىلعا اقتوبەدەن اۋەسقوي ارتىستەر كونسەرت قويىپ كەلەدى.
1-بالا:
— جىگىتتەر،  بۇگىن جىمپيتىنىڭ مادەنيەت ۇيىندە كونسەرت بولادى ەكەن.  بارامىز با؟
2-بالا:
— اقشا جوق قوي؟  قالاي كورەمىز؟
3-بالا:
— تەرەزەسىنەن كىرەيىك؟
4-بالا:
— جۇرىڭدەر! ءقادىر ءجۇر؟
(اراسىندا ءبىر بالا سالماقتى، ويلى كەيىپپەن، دوستارىنىڭ سوڭىنان كەتەدى. سوسىن ۇلدار ساحناعا قايتا شىعادى.)
ءقادىر:
— جىگىتتەر، جاڭاعى «ون التى قىز» دەگەن ءان قانداي كەرەمەت جازىلعان، يا؟ تىڭداپ وتىرىپ مەن كلاستاعى ون التى ۇل تۋرالى ويلاپ كەتتىم.  ءتىپتى التى شۋماعىن جازىپ تا تاستادىم!
1-بالا:
— قانە،  اكەلشى؟!
2-بالا:
— ءماسساعان،  مىناۋىڭ كەرەمەت ولەڭ عوي؟
3-بالا:
— اكەلشى،  كوشىرىپ جازىپ الايىن؟
اۆتور:
— وسى ولەڭنەن كەيىن،  ءقادىر «اقىن بالا» اتانىپ كەتەدى.  ءارى ءۇش جىلعا دەيىن ولەڭ جازا الماي قالادى. كەيىن قايتا شابىتتانىپ، ءبىر قالىڭ داپتەر ولەڭدەر جيناعىن جازادى. 
(ساحناعا ەكى بالا شىعادى. ءبىرىنىڭ قولىندا ءقادىردىڭ ولەڭ داپتەرى.)
1-بالا:
— مىنانى كوردىڭ با؟(قۋلانا كۇلەدى)
2-بالا:
— بۇل نە؟
1-بالا:
— ءقادىردىڭ ولەڭ داپتەرى. 
2-بالا:
— ونى نە قىلاسىڭ؟
1-بالا:
— ورتەپ جىبەرەمىن.  كۇنى-تۇنى بىزبەن ويناماي،  نە سويلەسپەي،  وسىنى جازادى دا جاتادى.
2-بالا:
— ءوي، ەسىڭ دۇرىس پا؟ رەنجىتەسىڭ عوي دوسىڭدى؟
1-بالا:
رەنجىمەيدى!
2-بالا:
— رەنجيدى!
1-بالا:
— وندا سەن بار دا،  مەنىڭ ونىڭ ولەڭ داپتەرىن ورتەپ جىبەرگەنىمدى ايت! نە دەر ەكەن؟  ال مەن كەتتىم...  ولەڭ ورتەۋگە!
2-بالا:
— اقىماقسىڭ با؟ قوي دەيمىن؟!
1-بالا:
— كەتتىم (شىعىپ كەتەدى. وسى كەزدە داپتەرىن ىزدەپ، ساحناعا ءقادىر شىعادى.)
ءقادىر:
— جىگىتتەر،  مەنىڭ جىر داپتەرىمدى كورمەدىڭدەر مە؟
2-بالا:
— رەنجىمەشى ءقادىر! دوسىڭ سەنىڭ داپتەرىڭدى ورتەپ جىبەردى. 
ءقادىر:
— نەگە؟
2-بالا:
— بالكىم سەنى ولەڭنەن قىزعانعان بولار؟ ويتكەنى ۇنەمى جالعىز،  جازاسىڭ دا وتىراسىڭ؟ دوسىڭ سەنى ساعىنعان بولار؟
ءقادىر:
— سولاي دە!  (ويلانىپ قالادى) مەيلى،  ورتەگەنى دە جاقسى بولعان شىعار؟!  ىشىندە ناشار ولەڭدەر كوپ ەدى..  ءوزىم ەشقاشان ورتەي الماعان بولار ەدىم؟!
2-بالا:
— سوندا سەن مۇلدەم اشۋلانبايسىڭ با؟!
ءقادىر:
— جوق!  مەن ەندى تەك جاقسى ولەڭدەر عانا جازاتىن بولامىن! ولەڭ دەگەن - وي مەن سەزىمنىڭ ار جاعى. مەن — قازاقپىن! ال قازاقتىڭ ۇلتتىق ءتىلى — ولەڭ.  قايتا جازاتىن ولەڭ ءۇشىن،  قايتا تۋمايتىن دوسىما قالاي رەنجيىن؟!
2-بالا:(ءقادىردى قۇشاقتاپ)
— ءقادىر،  سەن راسىندا ناعىز ۇلى اقىن بولاتىن جىگىتسىڭ!  ءبىز ءالى سەنىڭ جىرلارىڭدى جاتقا وقيتىن بولامىز!
ءقادىر:
— دوستىق جۇرەككە سيادى،
اقىلعا سىيمايدى،- دوسىم.
سول ءۇشىن كەشىرەم، 
دوسىمنىڭ ويىنىن.
2-بالا:
— جارايسىڭ، دوسىم! ءجۇرشى..  اپام بۇگىن ەت اسىپ جاتىر. ۇيگە بارىپ، جاقسىلاپ اڭگىمەلەسەيىك؟!
ءقادىر:
— سولاي ما؟ نەعىپ تۇرمىز وندا؟  تەزىرەك بارماي؟ كەتتىك؟!
(ەكەۋى كەتەدى)

گ. قاسەنباي

---