ءقادىرلى، قاسيەتتى قارا شاڭىراق
ءاربىر ەلدىڭ كەمەل كەلەشەگىن قالىپتاستىراتىن – جوعارعى ءبىلىمدى، ماقساتى ايقىن، تالانتتى دا تالاپتى ازاماتتار. سونداي باسەكەگە قابىلەتتى، شىعارماشىل تۇلعالاردى قالىپتاستىرۋدا ەلىمىزدىڭ جوعارعى وقۋ ورىندارىنىڭ ماڭىزى زور. وتاندىق ءبىلىم وردالارىنىڭ ءبىرى دە بىرەگەيى، كوشباسشىسى – ءال-فارابي اتىنداعى قازاق ۇلتتىق ۋنيۆەرسيتەتى.
85 جىلدىق تاريحى بار قاسيەتتى قارا شاڭىراعىمىز 1934 جىلى بوي كوتەردى. سونان بەرى 180 سالا بويىنشا مامان دايارلاپ، قازىرگى كۇنى 20 مىڭنان استام ستۋدەنت وقىتۋدا. ۋنيۆەرسيتەت - «التىن ساپا» مەملەكەتتىك ماراپاتىنىڭ يەسى. عالامدىق «UI Green Metric Ranking of World Univercities» رەيتينگىنىڭ زەرتتەۋ مالىمەتتەرى بويىنشا ۋنيۆەرسيتەت الەمدەگى ەكولوگيالىق تازا ۋنيۆەرسيتەتتەردىڭ قاتارىندا 172-ورىنعا يە بولدى. رەكتور عالىمقايىر مۇتان ۇلى مۇتانوۆ ستۋدەنتتەردىڭ جاڭا زامانعا بەيىمدەلگەن لايىقتى جاعدايدا ءبىلىم الىپ، قولايلى دا جارقىن ءومىر سۇرۋلەرى ءۇشىن بارلىق جاعدايدىڭ جاسالۋىنا سەبەپشى بولىپ ءجۇر.
قازىرگى كەزدە ۋنيۆەرسيتەتتە ەكى مىڭنان استام جوعارى بىلىكتى وقىتۋشى جۇمىس ىستەيدى، سونىڭ ىشىندە 1000-نان استام عىلىم دوكتورى مەن كانديداتى، ءجۇز اكادەميك پەن ەلۋ فيلوسوفيا دوكتورى بار. ۋنيۆەرسيتەتتە ءبىلىم بەرۋ ءىسى بولون رەفورماسىنا سايكەس جۇرگىزىلىپ، ستۋدەنتتەردىڭ تازا دا ءادىل باعالانۋىنا مۇمكىندىك بەرەدى.
قالامىزدىڭ ورتالىعىنان ورىن تەپكەن قازۇۋ قالاشىعى اسەم تابيعاتىمەن ەرەكشەلەنەدى. ستۋدەنتتەرگە قاجەتتى قىزمەت كورسەتۋ ورتالىقتارى وسى قالاشىق ىشىندە شوعىرلانعان. زاماناۋي جابدىقتالعان وقۋ عيماراتتارىندا ستۋدەنتتەر ءبىلىم السا، الىس ايماقتاردان كەلگەن شاكىرتتەر قالاشىقتاعى ون ءتورت جاتاقحاناعا ورنالاسادى. جاتاقحانادا ستۋدەنتتەردىڭ قاۋىپسىزدىكتەرى ساقتالعان، تۇرمىسقا قاجەتتى بارلىق جاعداي جاسالعان. ءال-فارابي كىتاپحاناسى ىزدەنىمپاز ستۋدەنتتەردىڭ قالاشىق سىرتىنا شىقپاي ءبىلىم نارىمەن سۋسىنداۋىنا مۇمكىندىك بەرەدى. بارلىق قاجەتتى قۇرالدارمەن قامتاماسىز ەتىلگەن سپورت كەشەنى مەن ۇلكەن كولەمدى ستاديونىمىز ەلىمىزدىڭ سالاۋاتتى ءومىر سالتى جايلى ساياساتىنا سايكەس ستۋدەنتتەردىڭ سپورتپەن شۇعىلدانۋىنا مۇمكىندىك بەرەدى. قالاشىق ىشىندە «كەرەمەت» ستۋدەنتتەرگە قىزمەت كورسەتۋ ورتالىعى دا بار.
ۋنيۆەرسيتەت باسشىلىعى جاستاردىڭ بوس ۋاقىتتارىن ۇيىمداستىرۋعا دا ءتيىستى ءمان بەرگەن. «اينالاڭدى نۇرلاندىر»، «قازۇۋ ستۋدەنتى وقۋعا ءتيىس 100 كىتاپ» سىندى ۇلكەن جوبالار ستۋدەنتتەردىڭ رۋحاني-مادەني ومىرلەرىنە ءوز سەپتىگىن تيگىزەدى. «ستۋدەنتتەر ءماسليحاتى»، «ستۋدەنتتەر كەڭەسى»، «سۇڭقار» سىندى قوعامدىق ۇيىمداردا ءاربىر جاس دارىن ءوزىن شىعارماشىلىق قىرىنان تانىتىپ، قوعامدىق ومىرگە بەلسەنە ارالاسادى.
بۇگىندە 16 فاكۋلتەتتە شاكىرت وقىتاتىن قازۇۋ-دىڭ بىلىكتى مامان دايارلاۋدا ەلەۋلى ەڭبەگى زور. ەلىمىزدە بولىپ جاتقان سوڭعى ساياسي وزگەرىستەر، مەملەكەت باسشىسىنىڭ اۋىسۋى كەزىندە ءال-فارابي اتىنداعى قازاق ۇلتتىق ۋنيۆەرسيتەتى ءوزىنىڭ ساياسي كوزقاراسى قالىپتاسقان، ەل بولاشاعىنا قاتىستى ماردىمدى پىكىر بىلدىرە الاتىن ءارى دۇرىس تاڭداۋ جاساي بىلەتىن ازاماتتاردى قالىپتاستىرۋعا قىزمەت ەتۋدە دەپ نىق سەنىممەن ايتا الامىز.
جاستاردى قولداۋ ماقساتىندا “جاستار جىلى” بولىپ جاريالانعان 2019 وقۋ جىلىندا باكالاۆر جانە ماگيستراتۋراعا بولىنگەن مەملەكەتتىك وقۋ گرانتتارىنىڭ ءبىرشاما بولىگى وسى وقۋ ورنىنا تيەسىلى. باللون ۇدەرىسىنە نەگىزدەلگەن وقۋ جۇيەسى بويىنشا سول گرانت يەگەرلەرى مەن اقىلى نەگىزدەگى ستۋدەنتتەر وسى جىلدان باستاپ جاڭا جۇيەمەن ءبىلىم الۋدا. وسىعان دەيىن ءاربىر وقۋ سەمەسترىندە ەكى ارالىق باقىلاۋدان وتەتىن ستۋدەنتتەر بۇدان بىلاي ءۇش ارالىق باقىلاۋ تاپسىرادى. بۇل وزگەرىس ستۋدەنتتەردىڭ ءبىلىم ساپاسىنا، ۇلگەرىمدەرىن قاداعالاۋ جانە ىنتالارىن ارتتىرۋدا وڭ اسەرىن تيگىزەدى دەپ ەسەپتەيمىز.
بۇگىنگى كۇنى ەلىمىزدىڭ تۇكپىر-تۇكپىرىنەن جينالعان قازۇۋ ستۋدەنتتەرى ارمان-ماقساتتارى ايقىندالعان، ەل مەن قوعام الدىنداعى جاۋاپكەرشىلىگىن تۇسىنەتىن، جەمقورلىق پەن پاراقورلىقتان ادا بوپ، ادال ەڭبەك ەتەتىن ماماندار قاتارىنان كورىنىپ ءجۇر.
دەمەسينوۆا اكشولپان ماحمۋدوۆنا (ءال-فارابي اتىنداعى قازاق ۇلتتىق ۋنيۆەرسيتەتىنىڭ 2-كۋرس ماگيسترانتى)
عىلىمي جەتەكشىسى ت.ع.ك.، دوسەنت رۇستەموۆ س.ك.
You Might Also Like
-
ءال-فارابي اتىنداعى قازاق ۇلتتىق ۋنيۆەرسيتەتى – مەملەكەتتىك اتتەستاتتاۋدان ءبىرىنشى بولىپ وتكەن جانە بارلىق ماماندىقتار مەن دەڭگەيلەر بويىنشا ءبىلىم بەرۋ قىزمەتىن جۇزەگە اسىرۋ قۇقىعىن راستاعان ق...
