depositphotos.com
«قايدا بارساڭ، بارا بەر» دەدى: اۆتوسالون ساتقان كولىگىنىڭ اقشاسىن بەرمەي قويدى
باتىس قازاقستان وبلىسىنىڭ (بقو) تۇرعىنى ءوز كولىگىن ساتقانى ءۇشىن اۆتوسالوننان اقشاسىن الا الماي، الەككە ءتۇستى. كەلىسىمشارتتا كورسەتىلگەن 10 جۇمىس كۇنى ىشىندە اقشاسى تولەنبەگەندىكتەن، ول تۇتىنۋشىلاردىڭ قۇقىقتارىن قورعاۋ كوميتەتىنە جۇگىنۋگە ءماجبۇر بولدى.
بۇل تۋرالى Infohub.kz اقپارات اگەنتتىگى حابارلايدى.
وقيعا 2 اقپاندا بولعان. ەر ادام اۆتوسالونمەن ءوز كولىگىن ءۇشىنشى تۇلعاعا ساتۋ تۋرالى كەلىسىمشارتقا وتىرعان. كەلىسىم بويىنشا كولىكتىڭ قۇنى 5 150 000 تەڭگە بولسا، ونىڭ 350 000 تەڭگەسى اۆتوسالوننىڭ كوميسسيالىق سىياقىسى رەتىندە الىنعان. ساتۋشىعا 4 800 000 تەڭگە كولىك پەن قۇجاتتار راسىمدەلگەننەن كەيىن 10 جۇمىس كۇنى ىشىندە اۋدارىلۋى ءتيىس ەدى.
كولىك سول كۇنى ساتىپ الۋشىعا تابىستالدى. الايدا، 13 اقپاندا ساتۋشىنىڭ شوتىنا اقشا تۇسپەگەن.
«ءالى كۇتىڭىز»
اۆتوسالون قىزمەتكەرلەرى الدىمەن 16 اقپانعا كەلۋدى سۇراپ، كەيىن سول كۇنى كەشكە دەيىن اقشانى اۋدارامىز دەپ ۋادە بەرگەن. الايدا، ۋادە ورىندالمادى.
سول كۇنى ەر ادام بقو بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىنە ارىزداندى. وندا وعان سوتقا دەيىنگى تالاپ ارىزدى راسىمدەۋگە كومەكتەسكەن. اۆتوسالون قىزمەتكەرلەرى تالاپ ارىزدى قابىلداۋدان باس تارتقان سوڭ، قۇجات «قازپوشتا» ارقىلى جىبەرىلدى. سول كۇنى كەشكە ساتۋشىنىڭ بانكتىك كارتاسىنا اقشا اۋدارىلدى.
قانداي بۇزۋشىلىق بولدى؟
اۆتوسالون كەلىسىمشارت شارتتارىن بۇزىپ، ۋاقتىلى اقشا تولەۋ مىندەتتەمەسىن ورىنداماعان. سونىمەن قاتار، تالاپ ارىزدى قابىلداۋدان باس تارتۋى دا تۇتىنۋشى قۇقىعىن بۇزۋ بولىپ سانالادى. كليەنتتىڭ تالاپتارىنا جاۋاپ رەتىندە «قايدا بارساڭ، بارا بەر» دەگەن جاۋاپ بەرۋ جاعدايدى ۋشىقتىرىپ، جانجالدى كۇشەيتكەن.
-
حالىقارالىق ساراپشى گرەگ سايمونس قازاقستاننىڭ دامۋشى ەكونوميكالار اراسىنداعى ورنىن جانە ونىڭ بولاشاق الەۋەتىن تالقىلادى.
-
A resident of West Kazakhstan region faced significant delays in receiving payment for his sold car، leading him to seek help from consumer protection authorities.
