InfoHub Logo

اتىشۋلى ءانشى قايرات نۇرتاستىڭ جارى، اكتريسا جۇلدىز ابدىكارىموۆا دينارا ءساتجاننىڭ باعدارلاماسىندا ءوزىنىڭ جەكە ءومىرى جايلى سىر شەرتتى. اسىرەسە، ەنەسىمەن بىرگە تۇرعان 10 جىلدىق كەزەڭدە قانداي تاربيە العانى تۋرالى ايتقان اڭگىمەسى كوپشىلىكتىڭ قىزىعۋشىلىعىن تۋدىردى.

بۇل تۋرالى Infohub.kz اقپارات اگەنتتىگى حابارلايدى.

ەنە مەن كەلىن بىرگە ۇيرەندى

جۇلدىز ابدىكارىموۆا ءوزىنىڭ 38 جاسقا كەلۋگە ساناۋلى كۇندەر قالعانىن ايتىپ، ەنىنىڭ ءدال وسى جاستا كەلىن تۇسىرگەنىن ەسكە الدى. بۇل جايت ونى ءوزىنىڭ ەنە بولۋعا دايىندىعى تۋرالى ويلانۋعا يتەرمەلەپتى.

«مەن ءوزىمدى ەنە بولۋعا ءالى دايىن ەمەسپىن دەپ ەسەپتەيمىن. ال ەنەم جاس كەزىندە ەنە اتانعان. ءبىز بىرگە «ەنە» مەن «كەلىن» بولۋدى ۇيرەندىك. ءبىر-بىرىمىزدى قولداپ وتىراتىنبىز. ەنەم «مىنانى ىستە، انانى ىستە» دەپ بۇيرىق بەرىپ وتىرمادى. كەرىسىنشە، ءوزىنىڭ ىس-ارەكەتىمەن كورسەتىپ، بىرگە ءجۇرىپ ۇيرەتتى»، - دەيدى جۇلدىز ابدىكارىموۆا.

«قارماق بەردى، بالىق ەمەس»

اكتريسانىڭ ايتۋىنشا، اتا-ەنەمىز ولارعا تەك تاربيە بەرىپ قانا قويماي، ومىرگە باۋلىپ، دۇرىس جول كورسەتكەن. قوناقجايلىلىقتى دا ۇيرەتىپتى.

«ۇيىمىزگە قوناق ۇزىلمەيتىن. جاز بويى تۋىستار كەلىپ جاتىپ كەتەتىن. جالپى اتا-ەنەمنىڭ بەرگەن تاربيەسى شىن نيەتتەرىنە بايلانىستى بولدى. ولار بىزگە بالىق بەرگەن جوق، بالىق اۋلاۋدى ۇيرەتتى. ياعني، «قارماق» بەردى. سول كەزدە وسىنداي تاربيە العانىما ەش وكىنبەيمىن، كەرىسىنشە العىس ايتقىم كەلەدى»، - دەپ تۇيىندەدى ءسوزىن جۇلدىز ابدىكارىموۆا.