InfoHub Logo

«سەن دە ءبىر كىرپىش دۇنيەگە، كەتىگىن تاپ تا بار قالان»، - دەپ حالقىمىزدىڭ ۇلى اقىنى، قارا ءسوزدىڭ حاس شەبەرى اباي قۇنانبايەۆ اتامىز ايتىپ كەتكەندەي، كەز كەلگەن ادام «ءومىر» اتتى دۇنيەنىڭ تابالدىرىعىن اتتاعاننان كەيىن ءوز ورنىن تابۋعا تىرىسادى، ياعني وسەدى، ونەدى، «ەڭبەكپەن تاپقان نان ءتاتتى» دەمەكشى، قالاعان ماماندىقتارىنىڭ قىزىعىن كورەدى. سول ماماندىقتىڭ قىزىعىن كورۋ ءۇشىن ۇلكەن بەلەستەردەن ءوتىپ، قيىندىققا تاپ بولاسىز. سونىڭ بارىنە شىدامدىلىق جانە باتىلدىقپەن جەتە بىلسەڭىز، ۇلكەن بەلەستەرگە جەتىپ توبەڭىز كوككە كوتەرىلەر ەدى. ءار ۋاقىتتا شىدامدىلىق تانىتا ءبىلىڭىز. مۇمكىن، بارلىعى ءسىز قالاعانداي بولمايتىن بولار، الايدا، ءار ىسكە نىق قادام جاساپ، سابىرلى بولساڭىز، ءسىزدىڭ قولىڭىزدان ءبارى كەلەتىنىنە سەنىمدىمىن. ءومىر ءوزى سىناقتان، قيىندىقتان تۇرادى. سونىڭ بارىمەن مويىماي كۇرەسە بىلسەڭىز، ءسىز قالاعان مامان يەسى الدىڭىزدان-اق شىعادى. جوعارىدا ايتىلعان سوزدەرىمە ءبىر مىسال كەلتىرەيىن. مەنىڭ ومىرىمدەگى ەڭ ۇلكەن قورقىنىشتاردىڭ ءبىرى - ۇلتتىق ءبىرىڭعاي تەستىلەۋ بولعان. ءيا، ارينە جاي عانا ءومىردىڭ كىشكەنتاي عانا سىناعى بولاتىن. ءبىراق، ونىڭ الدىنداعى قورقىنىش مەنى ىشتەي جەگەن. شىنى كەرەك، قاتتى قورىققانىم سونشالىق، سابىرلىق پەن باتىلدىق اتاۋلىنى سول كەزدە جوعالتتىم. الايدا، ۋاقىتى جاقىنداعان كەزدە بويىمداعى قورقىنىش سەزىمىن الشاقتاتتىم دا، سابىرلى بولىپ، باتىلدى بولا باستادىم. سول قورقىنىشتى جەڭگەننىڭ ارقاسىندا قالاعان ۇپايىمدى جينادىم. وزىمە سەنىمدى بولدىم دا، سول جەرگە كىرەر الدىندا نىق قادام باستىم.    

كوردىڭىز عوي، ءار ءىستى باستار الدىندا سىزگە كەدەرگى بولاتىن سەزىمدى ىسىرىپ، تەك سابىرلىق تانىتساڭىز، ءسىز قالاعان مامان يەسى بولاسىز. سابىرلى بولىڭىز جانە وزىڭىزگە سەنىڭىز!

اسەم مۋرزاگالييەۆا

---