قانازدىق

دەرتتىڭ قوزۋ سەبەبى

قانازدىقپەن اۋىرعان ادامنىڭ قانى سۇيىلىپ كەتەدى. ۇلكەن جاراقاتتار العاندا، اۋزى اشىلىپ كەتكەن اسقازان جاراسى، ءىش سۇزەگى نەگىزىندەگى قاننىڭ توقتاماۋى ادامدى قانازدىق اۋرۋىنا شالدىقتىرۋى مۇمكىن. قاننىڭ قىزىل تۇيىرشىكتەرىن جويىپ جىبەرەتىن بەزگەك اۋرۋى دا بۇل دەرتتىڭ قوزدىرۋشىسى بولىپ تابىلادى. كۇندەلىكتى تاعامدا تەمىر قۇرامداس زاتتاردىڭ بولماۋى دا وسى اۋرۋدى قوزدىرىپ، ۋشىقتىرا تۇسەدى. ايەلدەردە قانازدىق دەرتىن قوزدىرۋعا ەتەككىر كەلگەن نەمەسە تاماقتانباي بوسانىپ السىرەگەن كەزدە توقتاماي اققان قاننىڭ دا تيگىزەر زياندى سالدارى بار. قانازدىقتىڭ اۋىر تۇرىمەن اسىرەسە قۇرساعىنداعى بالاسىنا كەرەكتى قوسىمشا قان مولشەرىن قامتاماسىز ەتۋگە ءتيىستى جۇكتى ايەلدەر اۋرۋى مۇمكىن. بالالاردا قانازدىق ولاردىڭ ىشەتىن تاماعىندا تەمىر قۇرامداس زاتتاردىڭ جەتىسپەۋشىلىگىنەن دە جانە ولاردى التى ايلىعىنان كەيىن قوسىمشا تاماقتاندىرماعاندىقتان دا بولادى. كوبىنە جاس بالالاردا قانازدىق ولاردىڭ نەماتودتى (پارازيت قۇرتتار) جۇقتىرۋى، سوزىلمالى ءىش ءوتۋ جانە ءىش سۇزەگىمەن اۋرۋىنان تۋىندايدى.

سىرقاتتىڭ بەلگىلەرى

— تەرى بوزارىپ، قۋارىپ ءوڭى قاشادى؛

— قاباق ءۇستى تەرىسىنىڭ ءوڭى كەتىپ، بوزارادى؛

— ءتىس قىزىل ەتى قانى قاشىپ اعارادى؛

— تىرناق اعارىپ كەتەدى؛

— السىزدەنۋ، تەز شارشاۋ پايدا بولادى؛

قانازدىقتىڭ اۋىر تۇرىندە دە، اياق ءىسىنىپ، جۇرەك سوعىسى جيىلەيدى، دەمىگۋ پايدا بولۋى مۇمكىن.

— توپىراق، بور جەۋگە اۋەس بالالار قانازدىق زاردابىن شەگەدى.

دەرتتى ەمدەۋ جانە ودان ساقتانۋ شارالارى

— قۇرامى تەمىرگە باي تاعامدارمەن تاماقتانىڭىز. ەت، بالىق جانە بالاپان تاۋىق ەتى قۇرامىندا تەمىر مولشەرى كوپ. كوك بۇرشاق، اسبۇرشاق، جاسىمىق، قانىق جاسىل جاپىراقتى كوكونىستەردە دە تەمىر بار.

— قانازدىقتىڭ قالىپتى جانە اۋىر تۇرىمەن اۋىرعاندا تەمىر قوسپالى دارى-دارمەك قابىلداۋ قاجەت (تەمىر سۋلفاتى تۇيمەداقتارى). بۇنى اسىرەسە قانازدىقتان زارداپ شەگەتىن جۇكتى ايەلدەر ءىشۋ كەرەك. سىرقاتتىڭ بارلىق تۇرىندە دە تەمىر سۋلفاتى تۇيمەداقتارى باۋىر ەكستراكتى مەن ۆ12 ۆيتامينىنە قاراعاندا اناعۇرلىم پايدالىراق. تەمىر قوسپاسى تەمىردى ادەتتە ەكتىرۋ ارقىلى ەمەس، تۇيمەداق تۇرىندە قابىلدايدى، ويتكەنى ينە سالعىزۋ قانشا دەگەنمەن ءقاۋىپتى جانە اسەر ەتۋ كۇشى جاعىنان دا ىشەتىن دارىدەن ارتىقشىلىعى جوق.

— ەگەر قانازدىق ءىش سۇزەگى — ىشتەن قان ءوتۋ سالدارىنان نەماتودا جۇققاننان بەزگەك زاردابىنان پايدا بولسا، وندا ادامدى قانازدىقپەن اۋرۋعا سەبەپ بولعان وسى اۋرۋلاردان ەمدەۋ كەرەك.