قاڭتار ايىندا وتەتىن ۇبت-عا ءوتىنىش قابىلداۋ اياقتالدى
136 مىڭ ادام قاڭتار ايىندا وتەتىن تەستىلەۋدەن وتۋگە نيەت ءبىلدىردى. ۇبت 15 قاڭتار مەن 10 اقپان ارالىعىندا وتەدى.
اتاپ وتسەك، تالاپكەرلەر ءوتىنىش بەرۋ بارىسىندا ولار تەستىلەۋ كۇنىن، ۋاقىتىن جانە ورنىن وزدەرى تاڭدادى.
«ۇبت بارىسىندا كالكۋلياتور، حيميالىق ەلەمەنتتەردىڭ پەريودتىق جۇيەسى (مەندەلەيەۆ كەستەسى) جانە تۇزداردىڭ ەرىگىشتىك كەستەسى كومپيۋتەر ەكرانىندا كورسەتىلەدى. تەست تاپسىرۋشىلار تەستىلەۋ اياقتالعاننان كەيىن 30 مينۋت ىشىندە اپەللياسياعا ءوتىنىش بەرە الادى. سەرتيفيكات اپەللياسيالىق كوميسسيانىڭ شەشىمىنەن كەيىن تالاپكەردىڭ جەكە كابينەتىندە قولجەتىمدى بولادى»، - دەدى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
ۇبت-داعى پاندەردىڭ سانى وزگەرىسسىز قالادى، ياعني ۇشەۋى مىندەتتى جانە ەكەۋى تاڭداۋ بويىنشا. الايدا «وقۋ ساۋاتتىلىعى» مەن «ماتەماتيكالىق ساۋاتتىلىق» مىندەتتى پاندەرىنەن تاپسىرمالار سانى 5 سۇراققا قىسقارادى. ال بەيىندىك پاندەردىڭ سۇراقتار سانى ارتىپ، 40 تەست تاپسىرماسىنان تۇراتىن بولادى.
بەيىندىك پاندەردە بەرىلگەن تىزىمنەن سايكەستىكتى انىقتاۋعا ارنالعان 5 تاپسىرما قوسىلادى. وسىلايشا، ۇبت تاپسىرمالار سانى وزگەرىسسىز قالادى، جالپى 120 سۇراق. ونىڭ ىشىندە «قازاقستان تاريحىنان» 20 تاپسىرما، «وقۋ ساۋاتتىلىعىنان» 10 تاپسىرما، «ماتەماتيكالىق ساۋاتتىلىقتان» 10 تاپسىرما جانە ەكى بەيىندىك ءپان بويىنشا 40 تاپسىرما. جوعارى بالل – 140، ول دا وزگەرىسسىز قالدى.
تەستىلەۋ ۋاقىتى – 4 ساعات (240 مينۋت). بۇل رەتتە ەرەكشە ءبىلىم بەرۋ قاجەتتىلىكتەرى بار بالالار ءۇشىن ۇسىنىلاتىن قوسىمشا 40 مينۋت ۋاقىت ساقتالاتىنىن ايتا كەتۋ كەرەك.
You Might Also Like
-
اعىباي باتىردىڭ اتاعى شىعىپ تۇرعان شاعىندا ەلىندەگى باي، داۋلەتتى ادامدار ونى كۇندەيدى ەكەن. «ول دا كىسى، ءبىز دە كىسى. وسى اعىبايدا نە تۇر؟ ءبىز سياقتى مىڭداپ ايداعان مالى جوق» دەسەتىن ب...
