InfoHub Logo

سىزۋدان قوسىمشا پراكتيكالىق ساباق جوسپارلارى، سىزۋ 9 سىنىپ
تاقىرىپتار:
6. قاراپايىم تىلىكتەر.
7. كۇردەلى تىلىكتەر.
8. تىلىكتەردى اكسونومەتريالىق پروەكسيالاردا قولدانۋ
9. تىلىكتەر مەن قيمالاردى سالۋعا ارنالعان جاتتىعۋ ساباقتارى.
10. بۇراندانى كەسكىندەۋ جانە بەينەلەۋ.

Vءى. ساباقتىڭ تاقىرىبى: قاراپايىم تىلىكتەر.
ساباقتىڭ ماقساتى:
ا) دامىتۋشىلىق: وقۋشىلاردىڭ جالپى، سىزۋ جونىندە سانا - سەزىمىن دامىتۋ.
ءا) بىلىمدىلىك: سىزۋ جانە تەحنيكا جونىندە وقۋشىلارعا قىسقاشا مالىمەت ءتۇسىندىرۋ.
ب) تاربيەلىلىك: وقۋشىلاردى جالپى ۇيىمشىل بولۋعا تاربيەلەۋ، ۇيرەتۋ.
ساباقتىڭ كورنەكىلىگى: قارىنداشتار، اق قاعاز، شەڭبەرسىزار، سىزعىش، 9 - سىنىپ وقۋلىعى جانە ت. ب.

ساباقتىڭ بارىسى:
قيۋشى جازىقتىقتىڭ سانىنا قاراي تىلىك قاراپايىم جانە كۇردەلى بولىپ ەكى توپقا بولىنەدى. تەك ءبىر قيۋشى جازىقتىقتىڭ كومەگىمەن الىنعان تىلىكتى قاراپايىم تىلىك دەپ اتايدى. قاراپايىم تىلىكتەر قيۋشى جازىقتىقتىڭ گوريزونتال پروەكسيالار جازىقتىعىمەن سالىستىرعانداعى ورنانا قاراي گوريزونتال، ۆەرتيكال جانە كولبەۋ بولىپ ءۇش تۇرگە بولىنەدى. نارسەنى تەسىكتىڭ ءوسى ارقىلى وتەتىن ۆەرتيكال جازىقتىقپەن ويشا قيىپ، ەكىگە بولەمىز.

ەگەر قيۋشى جازىقتىق گوريزونتال پروەكسيالار جازىقتىعىنا قانداي دا بولماسىن (تىك ەمەس) بۇرىش جاساي ورنالاسسا، ونداي تىلىك كولبەۋ تىلىك دەپ اتالادى. ەگەر تەتىكبولشەك سيممەتريالى فيگۋرالارعا پروەكسيالاناتىن بولسا، سىزبادا كورىنىستىڭ جارتىسىن تىلىكتىڭ جارتىسىمەن بىرىكتىرىپ سالۋ كەرەك. كورىنىستىڭ جارتىسىندا كورىنبەيتىن سىزىقتار (ۇزىلمە سىزىقتار) بولمايدى. ولاردى جۇرگىزۋدىڭ قاجەتى جوق، ويتكەندە تىلىكتە كورىنەتىن ىشكى كونتۋردىڭ تۇرپاتىن قايتا سىزىپ شىعار ەدىك. ەگەر سىزبادا تەتىكبولشەكتىڭ سيممەتريا ءوسى مەن كونتۋر سىزىعىنىڭ پروەكسياسى ءدال كەلسە، ياعني سيممەتريا ءوسى ءبىر سىزىقتىڭ پروەكسياسىمەن بەتتەسەتىن بولسا، وندا كورىنىستىڭ جارتىسى مەن وعان سايكەس كەلەتىن تىلىكتىڭ جارتىسىن قوسىپ بىرىكتىرۋگە بولمايدى. بۇل جاعدايدا كورىنىس پەن تىلىك يرەك سىزىقپەن بولىنەدى.

ساباقتى باعالاۋ، وقۋشىلاردىڭ ءۇي جۇمىسىن تەكسەرۋ.
ساباقتى قورىتىندىلاۋ.



تولىق نۇسقاسىن قاراۋ