InfoHub Logo

بۇگىن شىرايلى شىمكەنت قالاسىنداعى ز.كوسمودەميانسكايا اتىنداعى ءنومىرى 23 مەكتەپ ليسەيىندە ارنايى قارتتار كۇنىنە وراي "قارتى بار ەلدىڭ قازىناسى بار" دەگەن اۋقىمدى تاقىرىپتا 2 "اق" سىنىبىنىڭ مەرەكەلىك ەرتەڭگىلىگى بولىپ ءوتتى.

حالىقارالىق قارتتار كۇنىنە ارنالعان بۇل ءىس-شاراعا سىنىپ وقۋشىلارىنىڭ اتا-انالارىمەن بىرگە، اتا-اجەلەرى كەلىپ كوزايىم بولىپ، ەرتەڭگىلىگىمىزدىڭ قۇرمەتتى قوناعى بولدى. ءتىپتى ءبىر وتباسىندا ۇرپاقتار ساباقتاستىعىن جالعاستىرىپ وتىرعان قاريالاردىڭ كەلۋى دە كوز قۋانتتى.
مەرەكەلىك شارانى 2"اق" سىنىبىنىڭ سىنىپ جەتەكشىسى ورازبەكوۆا گۇلنۇر رىسبەكوۆنا اشىپ بەرىپ، قارتتارىمىزعا ىزگى تىلەكتەرىن ءبىلدىردى.
2 "اق" سىنىبىنىڭ وقۋشىلارى دا ونەردەن كەندە ەمەس ەكەندەرىن كورسەتىپ، اتا-اجەلەرىنە دەگەن كونسەرتتىك باعدارلامالارىن ۇسىندى.

ەرتەڭگىلىك 3 ءبولىمدى قۇرادى:
1.قارتتار كۇنىنە ارناعان اندەر مەن جىرلار.
2.ماقال-ماتەلدەر كەزەڭى.
3."اتادان باتا" دەپ اتالادى. 
بۇل شارادا وقۋشىلار اتا-اجەلەرىنە ارناپ حور ايتىپ، تاماشا اندەرىن تارتۋ ەتتى. قاريالارىمىزعا دەگەن ىستىق ءىلتيپاتتارىن وزدەرىنىڭ ولەڭ شۋماقتارىمەن جەتكىزدى. كونسەرتتىك باعدارلاما وقۋشىلاردىڭ توقسان اۋىز ءسوزدىڭ توبىقتاي ءتۇيىنىن بىلدىرەتىن ماقال-ماتەلدەر بولىمىمەن اياقتالدى.
بالاپاندارىنىڭ ونەرىنە ءتانتى بولعان اتا-انالار مەن اتا-اجەلەرىمىزدىڭ جانارىنا جاس تولىپ، ەت جۇرەكتەرى ەلجىرەپ وتىرعاندارىن بايقاماۋ مۇمكىن ەمەس.
بۇگىنگى وتىلگەن كەش وتە تولقىنىستى بولدى، وقۋشىلاردىڭ اتالارى، اجەلەرى كەش سوڭىندا العىستارىن جاۋدىرىپ، وسىنداي ۇرپاق ءوسىپ كەلە جاتقانىنا قۋانعاندارىن ايتىپ،  مەكتەپ ۇجىمىنا العىستارىن جاۋدىردى.
مەكتەپ ۇجىمى قارتتارىمىزعا دەگەن ءوز قۇرمەتتەرىن بىلدىرمەك نيەتپەن ءوز كادەسىيلارىن ۇسىندى. وقۋشىلاردىڭ ءوز قولونەرلەرى دە قالىس قالمادى.

بۇل اتاۋلى مەرەكەنى تويلاۋدى نازاردان تىس قالدىرماعانى ءۇشىن مەكتەپ ديرەكتورى تويلىبايەۆا جانار دجۋرايەۆناعا زور العىس بىلدىرەمىز!

جانزاكوۆا مەرەكە اسقاربەك قىزى

---