InfoHub Logo

 دۇنيەدەگى ماماندىق اتاۋلىنىڭ اناسى–ۇستازدىق. سەبەبى ۇلى تۇلعالارىمىزدىڭ بارلىعى ۇستازدان ءتالىم العان، ۇستازدىڭ سالىپ بەرگەن سارا جولىنان وتكەن. ولەڭ ءسوزدى ورنەكتەگەن اقىن دا، قالامى قارىشتالعان جازۋشى دا، عىلىم جولىندا ءتۇرلى جاڭالىقتار اشىپ جۇرگەن عالىم دا ۇستازدان ءبىلىم العان. سوندىقتان دا جاس ۇرپاقتىڭ جولىن ايقىنداپ بەرەتىن ۇستازدار قاۋىمىنا ۇلكەن قۇرمەتپەن قاراۋ–ادامدىق بورىشىمىز.

بۇگىنگى قوعامدا ادامدى ادام ەتەتىن، ادامتانۋ مادەنيەتىن قالىپتاستىراتىن مامان ول – ۇستاز. ياكي ادام تانىنە جاۋاپتى دارىگەر بولسا، ادام جانىن قالىپتاستىرۋشى – ۇستاز دەر ەدىم. 

ال ءمۇعالىم مارتەبەسى تۋرالى ايتىلار دۇنيە دە، جازىلار ويلار دا بولەك. ۇستازدىق–بارلىق ماماندىقتىڭ اسقار شىڭى. ول شىڭعا شىعۋ دا مارتەبەلى ءىس، كەز كەلگەننىڭ قولىنان كەلە بەرمەس دۇنيە. ۇستازدار قاۋىمىنىڭ مارتەبەسىن ەشقاشان تومەندەتپەۋىمىز كەرەك.

قازاقتىڭ ۇلى اعارتۋشىسى احمەت بايتۇرسىنوۆ "ءمۇعالىم–مەكتەپتىڭ جانى" دەسە، ىبىراي التىنسارين "ءمۇعالىم–مەكتەپتىڭ جۇرەگى" دەپ باعا بەرگەن ەكەن. وسىنداي مىڭ جىلدىق تۇلعالاردىڭ سوزىنەن -اق ۇستازداردىڭ مارتەبەسى بيىك بولعانىن، بولاتىنىن دا كورە الامىز.

تۇڭعىش ەلباسىمىز نۇرسۇلتان نازاربايەۆ «بولاشاقتا ەڭبەك ەتىپ، ءومىر سۇرەتىندەر – بۇگىنگى مەكتەپ وقۋشىلارى، ءمۇعالىم ولاردى قالاي تاربيەلەسە، قازاقستان سول دەڭگەيدە بولادى. سوندىقتان ۇستازعا جۇكتەلەتىن مىندەت اۋىر» دەگەن ءوز سوزىندە ۇلكەن استارلى وي جاتىر.

وسكەلەڭ ۇرپاقتى وقىتاتىن  دا، بولاشاق جاستاردىڭ تاعىلىم تاربيەسىنە دە نەگىز بولاتىن دا ۇلاعاتتى ۇستازدارىمىز. بالانىڭ باعبانى بولا بىلگەن ۇستازدارىمىز تۋرالى قۇدىرەتى كۇشتى سوزدەردى ايتا بەرسەك دانالىق سوزدەرمەن تىزبەكتەلىپ، شەكسىزدىككە ۇلاسادى. 

ءيا، ۇلاعاتتى ۇستاز دەسە ەت جۇرەگىمىز ەلجىرەپ تۇرادى. ءبىزدىڭ دە ۋنيۆەرسيتەتىمىزدە تەڭىزدەن تەرەڭ ءبىلىمىن سارپ ەتىپ، ۇرپاق تاربيەسى جولىندا قىزمەت ەتىپ كەلە جاتقان ۇستازدارىمىز بار. ول كىسىلەردىڭ ەرەن ەڭبەكتەرى مەن ءوز سالاسىنا قوسقان ولشەۋسىز ۇلەستەرىن ماقتانا ايتا الامىز. بىزدەي جاستاردى ۇلت جاناشىرى بولۋعا تاربيەلەپ، مىقتى مامان بولۋىمىزعا سەپتىگىن تيگىزىپ، ءبىلىم نۇرىن جۇرەگىمىزگە ۇيالاتىپ جۇرگەن فيلولوگيا فاكۋلتەتى، "قازاق ءتىلى مەن ادەبيەتى" كافەدراسىنىڭ ۇستازدار قاۋىمىن كاسىبي مەرەكەلەرىمەن شىن جۇرەكتەن قۇتتىقتايمىن! مەرەيلەرىڭىز ۇستەم بولىپ، شىعارماشىلىق تابىستارعا جەتە بەرىڭىزدەر! وتباسىلارىڭىزعا اماندىق، باق-بەرەكە تىلەيمىز!

م.اۋەزوۆ اتىنداعى وقمۋ، فيلولوگيا فاكۋلتەتىنىڭ ستۋدەنتى بوشان نەسىبەلى

---