InfoHub Logo

قاشىقتان وقيتىنىنا قاراماستان ءار وقۋشىنىڭ قاعاز تۇرىندەگى وقۋلىعى بولۋى كەرەك. بۇل تۋرالى ورتالىق كوممۋنيكاسيالار قىزمەتىندە وتكەن ونلاين-بريفينگتە ق ر ءبىلىم جانەم عىلىم ءمينيسترى اسحات ايماعامبەتوۆ ايتتى.

«ءبىز وقۋلىق جەتكىزۋ جانە باسىپ شىعارۋ بويىنشا جۇمىستار جۇرگىزدىك. قاشىقتان وقۋ فورماتىنا قاراماستان وقۋشىلاردى وقۋلىقپەن قامتاماسىز ەتەمىز. بۇل وتە ماڭىزدى. قاشىقتان وقيتىنىنا قاراماستان ءار وقۋشىنىڭ قاعاز تۇرىندەگى وقۋلىعى بولۋى كەرەك»، — دەيدى ءبىلىم جانە عىلىم ءمينيسترى اسحات ايماعامبەتوۆ.

ءمينيستردىڭ ايتۋىنشا، بۇگىنگى كۇنى جاڭا وقۋلىقتاردى ايماقتارعا جونەلتۋ جۇمىستارى باستالدى.

«بىلتىر جىل سوڭىندا شىعارىلعان وقۋلىقتاردى دا تامىز ايىنان باستاپ وڭىرلەرگە جىبەرەمىز. ادامدار كوپ جينالىپ قالمايتىنداي ەتىپ ۇيىمداستىرامىز. ارنايى كەستە قويىلىپ، قاجەت جەردە ارىپتەستەرىمىز، ۆولونتەرلەر كومەكتەسەتىن بولادى. ەپيدەميولوگيالىق جاعدايعا كەرى اسەر ەتپەيتىندەي ەتىپ جۇمىس ىستەيمىز»، — دەيدى ول.

---