InfoHub Logo

پارسى شىعاناعىنداعى ەكى ەل – قاتار مەن ومان – يرانمەن اتىستى توقتاتۋ تۋرالى كەلىسسوزدەردى باستاپ كەتتى. بۇل تۋرالى دەرەككوزدەرگە سىلتەمە جاساپ، The Washington Post باسىلىمى حابارلادى.

بۇل كەلىسسوزدەر اقش پەن ءيزرايلدىڭ يرانعا قارسى اسكەري كۇشتەرى جاقىن ارادا ەلدەگى بيلىكتى قۇلاتا المايتىنىنا كوز جەتكىزگەننەن كەيىن باستالدى. يران تاراپى اقش پەن يزرايل شابۋىلدى ءبىرىنشى توقتاتسا، عانا كەلىسسوزدەرگە كەلىسەتىنىن مالىمدەگەن.

بۇعان دەيىن Axios پورتالى امەريكاندىق بيلىكتىڭ جاعدايدى رەتتەۋ جولدارىن قاراستىرىپ جاتقانىن حابارلاعان بولاتىن. تەگەران تاراپىنان بۇل تۋرالى مىسىر مەن قاتار ارقىلى اقپارات العاندارى ايتىلعان. ب ا ق مالىمەتىنشە، يران تاراپى ەگەر ولارعا وتەماقى تولەنىپ، اسكەري ءىس-قيمىلداردىڭ قايتا باستالمايتىنىنا كەپىلدىك بەرىلسە، كەزدەسۋگە كەلىسۋگە دايىن.

اقش پەن ءيزرايلدىڭ يرانعا قارسى وپەراسياسى 28 اقپاننان بەرى جالعاسىپ كەلەدى. تەل-اۆيۆ بۇل ارەكەتتىڭ ماقساتى – يراننىڭ يادرولىق قارۋ الۋىنا جول بەرمەۋ ەكەنىن ايتسا، ۆاشينگتون ەلدىڭ اسكەري الەۋەتىن جويۋعا جانە بيلىكتى قۇلاتۋعا شاقىردى.